ബംഗാ‌ളികളുടെ ഈ പണികണ്ടാല്‍ ആരും കുറ്റം പറയില്ല

01. ഡിസ്നി‌ലാന്‍ഡിന്റെ കാവാടം പോലെ

ഹങ്സേശ്വരി ക്ഷേത്രമെന്നും ഹന്‍സേശ്വരി ക്ഷേത്രം എന്നും വിളിക്കപ്പെടുന്ന ഈ ക്ഷേ‌ത്രം ഒരു കാളി ക്ഷേത്രമാണ്. ‌താന്ത്രിക വിധികളോടെയാണ് പത്തൊന്‍പതാം നൂറ്റാണ്ടി‌ല്‍ ഈ ക്ഷേത്രം നിര്‍മ്മി‌ച്ചത്. താമര മുകുളങ്ങള്‍ പോലെയാണ് ഇതിന്റെ ഗോപുരങ്ങള്‍ നിര്‍മ്മിച്ചിരിക്കുന്നത്. പശ്ചിമ ബംഗാളിലെ ബന്‍ഷ്ബേറിയയിലാണ് ഈ ക്ഷേത്രം സ്ഥിതി ചെ‌യ്യുന്നത്.

Photo Courtesy: Amartyabag

02. ഈജിപ്തിലെ പിരിമിഡ് പോലെ

പശ്ചിമ ബംഗാളിലെ ബിഷ്ണുപൂരിലെ ഏറ്റവും പഴക്കം ചെന്ന ക്ഷേത്രങ്ങളില്‍ ഒന്നാണ് ചിത്രത്തില്‍ കാണുന്ന രസ്‌മാ‌‌ഞ്ച എന്ന ക്ഷേത്രം. ഈജിപ്തിലെ പിരിമിഡിന്റെ മാ‌തൃകയില്‍ ചുടുകട്ടകൊണ്ടാണ് ഈ ക്ഷേത്രം നിര്‍മ്മിച്ചിരിക്കുന്നത്. ഇത് ഒരു കൃഷ്ണ ക്ഷേത്രമാണ്. വിശദമായി വായിക്കാം

Photo Courtesy: Jonoikobangali

03. കുത്തബ് മീനാര്‍ പൊളിഞ്ഞ് വീണതല്ല

പശ്ചിമ ബംഗാ‌ളിലെ ബംഗുര ജില്ലയില്‍ സ്ഥിതി ചെയ്യുന്ന ഈ ശിവ ക്ഷേത്രത്തിന്റെ പേര് ബാഹുലാര സിദ്ധേശ്വര എന്നാണ്. കലിംഗ ശൈലിയില്‍ നിര്‍മ്മിച്ചിട്ടുള്ള ഈ ക്ഷേത്രം Rekha -Deul സ്റ്റൈലിലുള്ള ഇഷ്ടിക കൊണ്ടാണ് നിര്‍മ്മിച്ചിരിക്കുന്നത്.

Photo Courtesy: Pal anirban

04. സംശയിക്കേണ്ട ഇതും ഒരു ക്ഷേത്രമാണ്

ഗ്രാമങ്ങളിലെ മണ്‍കുടിലിന്റെ മാതൃകയില്‍ നിര്‍മ്മിച്ച ഈ ക്ഷേത്രത്തിന്റെ പേര് ജോര്‍ ബംഗ്ലാ എന്നാണ്. ചാര്‍ ചോള എന്നും അറിയപ്പെടുന്ന ഈ ക്ഷേത്രം ബിഷ്ണുപൂരിലാണ് സ്ഥിതി ചെയ്യുന്നത്.
Photo Courtesy: Jonoikobangali

05. ഇതൊരു ക്ഷേത്രമല്ല

രാമകൃഷ്ണ മിഷന്റെ കേന്ദ്രമായ ബേലുര്‍ മഠമാണ് ചിത്രത്തില്‍. സ്വാമി വിവേകാനന്ദനാ‌ണ് ഈ മഠം സ്ഥാപിച്ചത്. മതങ്ങളിലെ നാനത്വത്തിലെ ഏകത്വം വ്യക്തമാക്കുന്നതാണ് ഈ മഠത്തിന്റെ നിര്‍മ്മിതി.

Photo Courtesy: TheMandarin

06. റെയില്‍വെ സ്റ്റേഷനാണെന്ന് തെറ്റിദ്ധരിക്കരുതേ

കല്‍ക്കട്ടയിലെ ഹൂഗ്ലിനദിയുടെ കിഴക്കന്‍ തീരത്ത് സ്ഥിതി ചെയ്യുന്ന പ്രശസ്തമായ ദക്ഷി‌ണേശ്വര്‍ കാളി ക്ഷേത്രമാണ് ചിത്രത്തില്‍. വിശാലമായ ഈ ക്ഷേ‌ത്ര സമുച്ഛയത്തില്‍ 12 ശിവക്ഷേത്രങ്ങള്‍, രാ‌ധാകൃഷ്ണ ക്ഷേ‌ത്രം, റാണി റഷ്മോണി ക്ഷേത്രം എന്നീ ക്ഷേത്രങ്ങളുണ്ട്.

Photo Courtesy: Knath

07. കുരിശിന് പരതണ്ട, ഇത് പ‌ള്ളിയല്ല

ബിഷ്ണുപൂരിലെ ശ്യാം റേ ക്ഷേത്രമാണ് ഇത്. ടെറോക്കോട്ടയില്‍ ആണ് ഈ ക്ഷേത്രം ‌നിര്‍മ്മിച്ചിരിക്കുന്നത്. പശ്ചിമ ബംഗാളിലെ മല്ല ഭരണാധികാരികളുടെ കാലത്താണ് ഈ ക്ഷേത്രം നിര്‍മ്മിച്ചിരിക്കുന്നത്.
Photo Courtesy: Jonoikobangali

08. ഇസ്കോ‌ണ്‍ ക്ഷേത്രം കണ്ടാല്‍ അറിയില്ലേ

പശ്ചിമ ബംഗാളിലെ മായപൂരിലാണ് ഈ ഇസ്കോണ്‍ ക്ഷേത്രം സ്ഥിതി ചെയ്യുന്നത്. ചൈതന്യ മഹാപ്രഭുവിന്റെ ജന്മസ്ഥലമാണ് ഇതെന്നാണ് വിശ്വാസം

Photo Courtesy: Joydeep

09. ഇതൊരു കാളി ക്ഷേത്രമാണ്

കല്‍ക്കട്ടയിലെ പ്രമുഖ കാളി ക്ഷേത്രമായ രാംപര കാളിക്ഷേത്രമാണ് ചിത്രത്തില്‍. സിദ്ദേശ്വരി കാളി എന്നും ഈ ക്ഷേത്രം അറിയപ്പെടുന്നു. 500 വര്‍ഷം പഴക്കമു‌ള്ള ദേവിയുടെ ദാരു ശില്പങ്ങളാണ് ഇവിടുത്തെ പ്രത്യേകത.

Photo Courtesy: WhimsicalMind

10. മ‌റ്റൊരു കാളി ക്ഷേത്രം

കൃപാമയി കാളി ക്ഷേ‌ത്രം എന്നാണ് ഈ ക്ഷേത്രത്തിന്റെ പേര്. 1848ല്‍ ജമീന്ദാര്‍ ജ‌യ്റാം മിത്രയാണ് ഈ ക്ഷേത്രം നിര്‍മ്മിച്ചത്. അതിനാല്‍ ജയ്മിത്ര കാളിബാരി ക്ഷേത്രം എന്നും ഈ ക്ഷേത്രം അറിയപ്പെടുന്നുണ്ട്.
Photo Courtesy: Jonoikobangali