ഒരിക്കലും ശാന്തത കൈവരാത്ത എപ്പോഴും ബഹളമുഖരിതമായ മുംബൈ എന്ന നഗരത്തില് നിന്ന് ഒരല്പ്പം സമാധാനം ആഗ്രഹിക്കുന്നവര്ക്ക് ചെന്നെത്താന് പറ്റിയ ഒരു സ്ഥലമാണ് സഞ്ജയ് ഗാന്ധി നാഷണല് പാര്ക്ക്. ആഴ്ച അവസാനങ്ങളില് നഗരവാസികളായ സഞ്ചാരികള് ഇവിടേയ്ക്ക് കാടുകയറുന്നത് ഒരല്പ്പം ആശ്വാസം തേടിയാണ്.
തെക്കന് മുംബൈയില് നിന്ന് 30 കിലോമീറ്റര് അകലെ മാറിയാണ് സഞ്ജയ് ഗാന്ധി നാഷണല് പാര്ക്കിന്റെ സ്ഥാനം. 104 ചതുരശ്രകിലോമീറ്റര് വിസ്തീര്ണമുള്ള ഈ കാനന ചോല സംരക്ഷിത വനമേഖലകളില്പ്പെട്ടതാണ്.
എത്തിച്ചേരാന്
മുംബൈ സെന്ട്രല് സ്റ്റേഷനില് നിന്ന് ഓരോ അഞ്ച് മിനിറ്റുകൂടുമ്പോഴും ബോറിവലിയിലേക്ക് സബ് അര്ബന് ട്രെയിനുകള് പുറപ്പെടുന്നുണ്ട്. ബോറിവലിയിലാണ് പര്ക്കിലേക്കുള്ള പ്രവേശന കവാടം സ്ഥിതി ചെയ്യുന്നത്. ബോറിവലി സ്റ്റേഷനില് നിന്ന് നടന്നുപോകാനുള്ള ദൂരമേ ഇവിടേയ്ക്കുള്ളു. മുംബൈയില് നിന്ന് എല്ലാദിവസവും ഈ പാര്ക്കിലേക്ക് ബസ് സര്വീസ് ഉണ്ട്.
പ്രവേശന സമയം
രാവിലെ 7.30 മുതല് വൈകുന്നേരം 5.30 വരെയാണ് ഇവിടേക്ക് പ്രവേശനം അനുവദിക്കുന്നത്. പ്രഭാത സവാരി നടത്താന് ആഗ്രഹിക്കുന്നവര്ക്ക് ഇവിടെ സൗകര്യമുണ്ട്. രാവിലെ അഞ്ച് മണിമുതല് 7.30 വരേയാണ് പ്രഭാത സവാരി അനുവദിച്ചിരിക്കുന്നത്. ഇതിന് പ്രത്യേകം പാസ് എടുക്കണം.
മുംബൈയേക്കുറിച്ച് ഒരു സഞ്ചാരി അറിഞ്ഞിരിക്കേണ്ട എല്ലാ കാര്യങ്ങളും