ചരിത്രത്തിൽ തല്പരരായിട്ടുള്ളവർ ഏറ്റവും അധികം സഞ്ചരിക്കുന്ന സംസ്ഥാനങ്ങളിലൊന്നാണ് ഗുജറാത്ത്. ഇൻഡസ് വാലി സിവിലൈസേഷൻ മുതൽ തുടങ്ങുന്ന ഗുജറാത്തിന്റെ ചരിത്രം ഇനിയും പൂര്ണ്ണമാകാത്ത ഒന്നാണ്. ഇന്ത്യയിലെ തന്നെ ഏറ്റവും പുരാതനമായ നഗരങ്ങൾ സ്ഥിതി ചെയ്യുന്ന ഇവിടം കഥകൾ കൊണ്ടും മിത്തുകൾ കൊണ്ടുമൊക്കെ ഒരുപാട് സമ്പന്നമായ ഒരു നാടാണ്. എന്നാൽ ഇതുപോലെ തന്നെ അറിയപ്പെടാത്ത ഒരുപാട് സ്ഥലങ്ങളും ഗുജറാത്തിലുണ്ട്. ചരിത്രങ്ങളിൽ സ്ഥാനം നേടിയിട്ടുണ്ടെങ്കിലും സഞ്ചാരികൾ അധികമെത്താത്ത ഇടം. അത്തരത്തിലൊന്നാണ് അംറേലി. പേരുകൾക്കുമ്പോൾ തന്നെ ഒരു അപരിചിതത്വം തോന്നുന്ന ഇവിടം ചരിത്രത്തിലെ ഒട്ടേറെ അധ്യായങ്ങൾക്കു പാത്രമായിട്ടുള്ള ഒരു സ്ഥലമാണ്. വർഷത്തിൽ എപ്പോൾ വേണമെങ്കിലും എത്തിച്ചേരുവാൻ സാധിക്കുന്ന അംറേലിയുടെ വിശേഷങ്ങളും ഇവിടേക്ക് സഞ്ചാരികളെ ആകർഷിക്കുന്ന ഘടകങ്ങളും അറിയാം...