വിര്ച്വല് ടൂറിന്റെ അപാരമായ സാധ്യതകളാണ് ലോക്ഡൗണ് പീരിഡ് തുറന്നിട്ടിരിക്കുന്നത്. പാരീസിലെ ലൂവ്രേ മ്യൂസിയം മുതല് നമ്മുടെ താജ്മഹല് വരെ വിര്ച്വല് ടൂറിസത്തിന്റെ സാധ്യതകള് ഉപയോഗപ്പെടുത്തിയിരിക്കുകയാണ്. വീട്ടിലിരിക്കുന്ന സമയം ഏറ്റവും പ്രയോദനപ്രദമായി കാര്യങ്ങള് ചെയ്യുവാന് ഉദ്ദേശിക്കുന്നവര്ക്ക് ഏറ്റവും പറ്റിയ വഴികളിലൊന്നാണ് വിര്ച്വല് ടൂറുകള്. ഇപ്പോള് സഞ്ചാരികളെ ഏറ്റവുമധികം അത്ഭുതപ്പെടുത്തിയ രാജ്യങ്ങളിലൊന്നായ ഈജിപ്തും വിര്ച്വല് ടൂറിന്റെ സാധ്യതകള് സഞ്ചാരികള്ക്കായി ഒരുക്കിയിരിക്കുന്നു.