ആറ്റുകാല് പൊങ്കാല ഉത്സവത്തിന്റെ ഭാഗമായി 1500 പേര്ക്ക് ക്ഷേത്രദര്ശനത്തിന് അനുമതി. ക്ഷേത്ര കോമ്പൗണ്ടിനുള്ളില് 25 ചതുരശ്ര അടിയില് ഒരാള് എന്ന നിലയിലാണ് അനുമതി നല്കിയിരിക്കുന്നത്. ക്ഷേത്രാതിര്ത്തിയോട് ചേര്ന്നുള്ള ഗ്രൗണ്ട്, കെട്ടിടങ്ങള് എന്നിവിടങ്ങളിലും ഇത് ബാധകമായിരിക്കും.
കോവിഡ് മാനദണ്ഡങ്ങൾ പാലിച്ച് വീടുകളിൽ മാത്രമായി പൊങ്കാല പരിമിതപ്പെടുത്തും. പൊതുനിരത്തുകളിലും പൊതുസ്ഥലങ്ങളിലും പൊങ്കാല അനുവദിക്കില്ല. ക്ഷേത്രത്തിൽ 18 വയസിന് മുകളിൽ പ്രായമുള്ളവർക്ക് മാത്രമായിരിക്കും പ്രവേശനം. ദർശനത്തിന് എത്തുന്നവർ 72 മണിക്കൂറിനുള്ളിലെടുത്ത ആർടിപിസിആർ നെഗറ്റീവ് സർട്ടിഫിക്കറ്റ് അല്ലെങ്കിൽ മൂന്ന് മാസത്തിനുള്ളിൽ കോവിഡ് പോസിറ്റീവ് ആയതിന്റെ രേഖ ഹാജരാക്കണം. രോഗലക്ഷണങ്ങൾ ഇല്ലാത്ത 18 വയസിന് താഴെയുള്ള കുട്ടികൾക്ക് കുടുംബാംഗങ്ങളോടൊപ്പം പ്രവേശിക്കാം.വോളണ്ടിയർമാർക്കും നിർദേശം ബാധകമാണ്.
രോഗലക്ഷണമുള്ളവർക്ക് ക്ഷേത്രത്തിനുള്ളിൽ പ്രവേശനം അനുവദിക്കില്ല. ക്ഷേത്രത്തിനുള്ളിലും പരിസരത്തും കോവിഡ് പ്രോട്ടോക്കോൾ കർശനമായി പാലിക്കുന്നുണ്ടെന്ന് സംഘാടകർ ഉറപ്പുവരുത്തണം.സാമൂഹിക അകലം പാലിക്കുന്നതിന്, കൃത്യമായ അകലം നിശ്ചയിച്ച് വൃത്താകൃതിയിൽ നിലത്ത് അടയാളപ്പെടുത്തണം. ഭക്തജനങ്ങൾ ഈ അടയാളങ്ങളിൽ മാത്രം നിൽക്കുന്നതിന് സംഘാടകർ നിർദേശം നൽകണം. ക്യൂ, ബാരിക്കേഡുകൾ എന്നീ സംവിധാനങ്ങളിലൂടെ പോലീസും സംഘാടകരും ആൾക്കൂട്ടം നിയന്ത്രിക്കണം. ആചാരപ്രകാരമല്ലാത്ത പരിപാടികൾ അനുവദിക്കില്ല.
ക്ഷേത്രദർശനത്തിനെത്തുന്നവർ മുഴുവൻ സമയവും കോവിഡ് പ്രോട്ടോക്കോൾ(മാസ്ക്, സാനിറ്റൈസർ, സാമൂഹിക അകലം) പാലിക്കുന്നുണ്ടെന്ന് സംഘാടകര് ഉറപ്പ് വരുത്തേണ്ടതാണ്.
സാമൂഹിക അകലം പാലിക്കുന്നതിന് , കൃത്യമായ അകലം നിശ്ചയിച്ച് വൃത്താകൃതിയില് നിലത്ത് അടയാളപ്പെടുത്തണം. ഭക്തജനങ്ങള് ഈ അടയാളങ്ങളില് മാത്രം നില്ക്കുന്നതിന് സംഘാടകര് നിര്ദേശം നല്കണം. ക്യൂ, ബാരിക്കേഡുകള് എന്നീ സംവിധാനങ്ങളിലൂടെ പോലീസും സംഘാടകരും ആള്ക്കൂട്ടം നിയന്ത്രിക്കണം. ആചാരപ്രകാരമല്ലാത്ത പരിപാടികള് അനുവദിക്കില്ല.
ക്ഷേത്രദര്ശനത്തിനെത്തുന്നവര് മുഴുവന് സമയവും കോവിഡ് പ്രോട്ടോക്കോള്(മാസ്ക്, സാനിറ്റൈസര്, സാമൂഹിക അകലം) പാലിക്കുന്നുണ്ടെന്ന് ഉറപ്പുവരുത്തണമെന്നും ഇത്തരവില് വിശദമാക്കിയിട്ടുണ്ട്,
ഈ വര്ഷത്തെ പൊങ്കാല ഫെബ്രുവരി 17 നാണ്. ക്ഷേത്രത്തിലെ പത്തു ദിവസം നീണ്ടു നില്ക്കുന്ന പൊങ്കാല ഉത്സവത്തിന് കഴിഞ്ഞ ദിവസം തുടക്കമായിരുന്നു.
കുംഭ മാസത്തിലെ പൂരം നാളും പൗർണമിയും ഒന്നുച്ചു വരുന്ന ഒൻപതാം ഉത്സവ ദിവസമായ ഫെബ്രുവരി 17 നാണ് 2022 ലെ ആറ്റുകാൽ പൊങ്കാല ഉത്സവം നടക്കുന്നത്. ഫെബ്രുവരി 09 ന് ദേവിയെ കാപ്പുകെട്ടി കുടിയിരുത്തുന്നതോടെ ഉത്സവത്തിന്റെ പ്രധാന ചടങ്ങുകളിലൊന്നായ തോറ്റംപാട്ട് അവതരണത്തിനും തുടക്കമാകും. 17ന് രാവിലെ 10.50 ന് പണ്ടാര അടുപ്പില് തീ കത്തിക്കും. ഉച്ചയ്ക്ക് 1.20 നാണ് പൊങ്കാല നിവേദിക്കുന്നത്. 18ന് ഉത്സവം അവസാനിക്കും. താലപ്പൊലി, വിളക്കുകെട്ട്, പുറത്തെഴുന്നള്ളത്ത്, തട്ടനിവേദ്യം എന്നിവ ആചാരപ്രകാരം നടത്തും.
ഇത്തവണയും കൊവിഡ് മാനദണ്ഡങ്ങള് പാലിച്ച് വീടുകളിലാണ് ഇക്കുറി പൊങ്കാല അര്പ്പണം.
ആറ്റുകാൽ പൊങ്കാല- ഐതിഹ്യം മുതൽ സമയം വരെ അറിയേണ്ടതെല്ലാം!
ആശ്രയിച്ചെത്തുന്നവരെ കൈവെടിയാത്ത ആറ്റുകാൽ അമ്മ