»ബാബാ വൈദ്യനാഥ് ക്ഷേത്രം... രാവണനെ സുഖപ്പെടുത്തിയ ശിവനെ ആരാധിക്കുന്ന ജ്യോതിര്ലിംഗസ്ഥാനം
ബാബാ വൈദ്യനാഥ് ക്ഷേത്രം... രാവണനെ സുഖപ്പെടുത്തിയ ശിവനെ ആരാധിക്കുന്ന ജ്യോതിര്ലിംഗസ്ഥാനം
Travel Guide
oi-Elizabeth Joseph
ഭക്തിയുടെ പാരമ്യതയില്, വരങ്ങള് ലഭിക്കുവാനായി തന്റെ തലകള് വെട്ടിയെറിഞ്ഞ രാവണനെ സുഖപ്പെടുത്തിയ ശിവന് വസിക്കുന്ന ക്ഷേത്രമാണ് ജാര്ഖണ്ഡിലെ ബൈദ്യനാഥ ക്ഷേത്രം
ഹൈന്ദവ വിശ്വാസമനുസരിച്ച് ലോകശക്തിയുടെ കേന്ദ്രങ്ങളാണ് ജ്യോതിര്ലിംഗ ക്ഷേത്രങ്ങള്.. ശിവനെ ആരാധിച്ചുപൂജിക്കുന്ന ഈ ക്ഷേത്രങ്ങള് ഭാരതീയ ശൈവവിശ്വാസങ്ങളുടെ കാതല് കൂടിയാണ്. ഓരോ ജ്യോതിര്ലിംഗ ക്ഷേത്രങ്ങള്ക്കും ഓരോ കഥകളാണുള്ളത്. ഭക്തിയുടെ പാരമ്യതയില്, വരങ്ങള് ലഭിക്കുവാനായി തന്റെ തലകള് വെട്ടിയെറിഞ്ഞ രാവണനെ സുഖപ്പെടുത്തിയ ശിവന് വസിക്കുന്ന ക്ഷേത്രമാണ് ജാര്ഖണ്ഡിലെ ബൈദ്യനാഥ ക്ഷേത്രം. വൈദ്യനാഥനായി ശിവനെ ആരാധിക്കുന്ന ഈ ക്ഷേത്രത്തിന് വിശ്വാസത്തില് വളരെയധികം പ്രാധാന്യമുണ്ട്. ഇന്ന് പ്രധാനമന്ത്രി നരേന്ദ്ര മോദിയുടെ സന്ദര്ശനത്തോടെ ക്ഷേത്രം വീണ്ടും വാര്ത്തകളില് ഇടം നേടിയിരിക്കുകയാണ്
ദിയോഘാര് വിമാനത്താവളം ഉദ്ഘാടനം ചെയ്യുന്നതിനായി വന്ന പ്രധാനമന്ത്രി നരേന്ദ്ര മോദി ബൈദ്യനാഥ ക്ഷേത്രം സന്ദര്ശിക്കുകയായിരുന്നു. ബാബ ബൈദ്യനാഥ് ധാമിലേക്ക് നേരിട്ട് ബന്ധിപ്പിക്കുന്ന വിമാനത്താവളമാണ് ദിയോഘർ വിമാനത്താവളം. രാജ്യത്തിന്റെ വിവിധ ഭാഗങ്ങളില് നിന്നും തീര്ത്ഥാടകരും വിശ്വാസികളും എത്തിച്ചേരുന്ന ക്ഷേത്രത്തിലേക്ക് നേരിട്ടുള്ള വിമാനസര്വ്വീസ് വലിയ മാറ്റങ്ങളായിരിക്കും കൊണ്ടുവരിക. ആത്മീയ വിനോദസഞ്ചാരത്തെ പ്രോത്സാഹിപ്പിക്കുന്ന പ്രവര്ത്തനങ്ങളും ക്ഷേത്രത്തില് തുടക്കമിട്ടിട്ടുണ്ട്. 2018 മെയ് 25 നായിരുന്നു ദിയോഘർ വിമാനത്താവളത്തിന് തറക്കല്ലിടല് നടത്തിയത്.