ജുറാസിക് പാർക്ക് സിനിമ കണ്ട് ആ ലോകത്തെക്കുറിച്ചും അവിടുത്തെ ദിനോസറുകളെക്കുറിച്ചും ഓർമ്മിക്കാത്തവരായി ആരും കാണില്ല. അഞ്ച് നില കെട്ടിടത്തിന്റെയത്രയും ഉയരമുള്ള ദിനോസറുകൾ മുതൽ കാഴ്ചയിൽ തന്നെ ജീവനെടുക്കുന്ന ദിനോസറുകൾ വരെ ഒരിക്കൽ ഇവിടെ ജീവിച്ചിരുന്നിരുന്നു. ഭൂമിയൊട്ടാകെ അവ അലഞ്ഞു തിരിഞ്ഞിരുന്നു എങ്കിലും അവയുടെ ശേഷിക്കുന്ന അടയാളങ്ങൾ അങ്ങനെ എല്ലായിടത്തും കണ്ടിരുന്നില്ല. എന്നാൽ നമ്മുടെ രാജ്യത്ത് അങ്ങനെയൊരിടമുണ്ട്. അതും ദിനോസറിന്റെ മുട്ടകൾ കണ്ടെത്തിയ ഇടം...ഗുജറാത്തിലെ റായ്യോലി ഗ്രാമമാണ് ദിനോസറുകളുടെ മുട്ടയുടെ പേരിൽ പ്രസിദ്ധമായിരിക്കുന്നത്. ദിനോസറുകളുടെ 'പ്ലേ ഏരിയ' ആയിരുന്ന റായ്യോലിയിൽ തന്നെയാണ് ഇന്ത്യയിലെ ആദ്യ ദിനോസര് മ്യൂസിയവും സ്ഥിതി ചെയ്യുന്നത്. റയ്യേലിയുടെയും ഇവിടുത്തെ ദിനോസർ പാർക്കിന്റെയും വിശേഷങ്ങളിലേക്ക്...