എക്സ്പ്രസ് പാതകളാണ് രാജ്യത്ത് ഇന്നു സംഭവിച്ചുകൊണ്ടിരിക്കുന്ന വികസനപ്രവർത്തനങ്ങളിൽ ഏറെ പ്രധാനപ്പെട്ടത്. നഗരങ്ങൾ തമ്മിലുള്ള യാത്രാ ദൂരവും സമയവും കുറയ്ക്കുക എന്ന ലക്ഷ്യത്തിൽ നിർമ്മിക്കപ്പെടുന്ന പാതകളിൽ പലതും നിർമ്മാണത്തിന്റെ പല ഘട്ടങ്ങൾ പിന്നിട്ടുകഴിഞ്ഞു. ഇപ്പോഴിതാ ഏറ്റവും പുതിയതായി പ്രഖ്യാപിക്കപ്പെട്ട പദ്ധതിയാണ് ബെംഗളുരു വിജയവാഡ ഗ്രീൻഫീൽഡ് ഹൈവേ.
കഴിഞ്ഞ ദിവസമാണ് കേന്ദ്ര ഗതാഗത മന്ത്രി നിതിൻ ഗഡ്കരി ഇതുസംബന്ധിച്ച വിവരങ്ങൾ ട്വീറ്റ് ചെയ്തത്.
ഡല്ഹി-മുംബൈ എക്സ്പ്രസ് വേ
ഇന്ത്യയിലെ ഏറ്റവും വലിയ എക്സ്പ്രസ് വേ ആകുവാനൊരുങ്ങുന്ന ഡല്ഹി-മുംബൈ എക്സ്പ്രസ് വേയുടെ നിർമ്മാമം പുരോഗതിയിലാണ്. 2023 മാര്ച്ച് മാസത്തോടെ നിർമ്മാണം പൂർത്തിയാകുമെന്നാണ് പ്രതീക്ഷ. ഡൽഹി, ഹരിയാന, രാജസ്ഥാൻ, മധ്യപ്രദേശ്, ഗുജറാത്ത്, മഹാരാഷ്ട്ര എന്നീ ആറ് സംസ്ഥാനങ്ങളിലൂടെ കടന്നുപോകുന്ന പാത ഡല്ഹിയില് നിന്നും മുംബൈയിലേക്കുള്ള യാത്രാ ദൈർഘ്യം 24 മണിക്കൂറിൽ നിന്നും 12 മണിക്കൂറായി കുറയ്ക്കും.
ഹരിയാനയിലെ ഗുഡ്ഗാവിൽ നിന്ന് ആരംഭിക്കുന്ന പാത രാജസ്ഥാനിലെ ജയ്പൂർ, സവായ് മധോപൂർ എന്നിവിടങ്ങളിലൂടെ കടന്നുപോകുന്നു. . പിന്നീട്, പാത മധ്യപ്രദേശിലെ രത്ലം, ഗുജറാത്തിലെ വഡോദര എന്നിവിടങ്ങളിലൂടെ കടന്നു മഹാരാഷ്ട്രയിലെ മുംബൈയിൽ അവസാനിക്കുന്നു.