Search
  • Follow NativePlanet
Share
» »ഈ മനോഹര തീരത്തു തരുമോ...

ഈ മനോഹര തീരത്തു തരുമോ...

ആരെയും ആകര്‍ഷിക്കുന്ന ഇന്ത്യയിലെ മനോഹരമായ ബീച്ചുകള്‍ പരിചയപ്പെടാം...

By Elizabath

കടലിനോടും കടല്‍ക്കാഴ്ചകളോടുമുള്ള സ്‌നേഹം ഒരിക്കലും അവസാനിക്കാത്ത ഒന്നാണ്.. ബീച്ചിലെ രസങ്ങളും കടലിന്റെ വന്യതയും ആകര്‍ഷിക്കാത്ത മനുഷ്യര്‍ കുറവാമെന്നുതന്നെ പറയാം. എന്നാല്‍ ബീച്ചിലേക്കുള്ള യാത്രകളില്‍ നിന്ന് പലരെയും പിന്തിരിപ്പിക്കുന്ന ഒന്നാണ് അവിടുത്തെ വൃത്തിഹീനമായ അന്തരീക്ഷം. എന്നാല്‍ മനോഹരമായ ബീച്ചുകള്‍ നമുക്ക് ഇനിയും ഇവിടെ ബാക്കിയുണ്ട്. ആരെയും ആകര്‍ഷിക്കുന്ന ഇന്ത്യയിലെ മനോഹരമായ ബീച്ചുകള്‍ പരിചയപ്പെടാം...

 രാധാനഗര്‍ ബീച്ച്

രാധാനഗര്‍ ബീച്ച്

ഏഷ്യയിലെ തന്നെ ഏറ്റവും മനോഹരമായ ബീച്ചുകളില്‍ ഒന്നാണ് ആന്‍ഡമാന്‍ നിക്കോബാര്‍ ദ്വീപസമൂഹത്തില്‍ സ്ഥിതി ചെയ്യുന്ന രാധാനഗര്‍ ബീച്ച്. സൂര്യാസ്തമയം ആണ് ഇവിടുത്തെ പ്രധാന കാഴ്ചകളിലൊന്ന്. വെള്ളമണലിനോട് ചേര്‍ന്ന് കിടക്കുന്ന നീലക്കടല്‍ കാണാനായി വിദേശികളടക്കം ഒത്തിരിപ്പേര്‍ ഇവിടെ എത്താറുണ്ട്.

PC:Harvinder Chandigarh

ഗോകര്‍ണ്ണ ബീച്ച്

ഗോകര്‍ണ്ണ ബീച്ച്

സ്വര്‍ണ്ണ നിറത്തില്‍ മണലുള്ള ഗോകര്‍ണ്ണ ബീച്ച് സഞ്ചാരികളുടെയും തീര്‍ഥാടകരുടെയും ഇഷ്ടകേന്ദ്രങ്ങളിലൊന്നാണ്. ബീച്ചുകളുടെ പേരില്‍ പ്രസിദ്ധമായ ഗോകര്‍ണ്ണത്ത് ബീച്ച് ട്രക്കിങ്ങിനായാണ് ആളുകള്‍ എത്താറുള്ളത്.

PC:Saransh Gupta

കോവളം ബീച്ച്

കോവളം ബീച്ച്

കേരളത്തിലെ അന്താരാഷ്ട്ര പ്രശസ്തിയാര്‍ജിച്ച ബീച്ചുകളില്‍ ഒന്നാണ് കോവളം ബീച്ച്. വൈകുന്നേരത്തോടെ മാത്രം സജീവമാകുന്ന ബീച്ച് ഇന്ത്യയിലെ തന്നെ അപൂര്‍വ്വം ടോപ്ലെസ് സണ്‍ബാത്ത് ബീച്ചുകളിലൊന്നുകൂടിയാണ്.

PC: Official Site

പാലോലം ബീച്ച് ഗോവ

പാലോലം ബീച്ച് ഗോവ

സൗത്ത് ഗോവയ്ക്കു സമീപം സ്ഥിതി ചെയ്യുന്ന പാലോലം ബീച്ച് ഗോവയിലെ ബീച്ചുകളില്‍ ഏറെ പ്രശസ്തവും വൃത്തിയുള്ളതുമാണ്. വിദേശികള്‍ അധികമായി എത്തുന്ന ഇവിടെ പാറക്കൂട്ടങ്ങളാണ് പ്രധാന കാഴ്ച.

PC:Satyajit Nayak

ഗണപതിപുലെ ബീച്ച്

ഗണപതിപുലെ ബീച്ച്

ഗണപതിയുടെ ആകൃതിയിലുള്ള മലയ്ക്കു സമീപം സ്ഥിതി ചെയ്യുന്ന ഗണപതിപുലെ ബീച്ച് കൊങ്കണിലെ പ്രധാന ബീച്ചുകളിലൊന്നാണ്. ഏറെ മനോഹരമായി സംരക്ഷിക്കപ്പെടുന്ന ഈ ബീച്ചില്‍ വെള്ളമണലാണുള്ളത്.

PC: Neil Satyam

മല്‍വാന്‍ ബീച്ച്

മല്‍വാന്‍ ബീച്ച്

മഹാരാഷ്ട്രയിലെ പ്രധാനപ്പെട്ട സ്ഥലങ്ങളിലൊന്നാണ് മല്‍വാന്‍ ബീച്ച്. ചരിത്രവുമായി ഏറെ അടുത്തു കിടക്കുന്ന ഇവിടെ കൂടുതല്‍ എത്തിച്ചേരുന്നത് ചരിത്രപ്രേമികള്‍ തന്നെയാണ്.

PC:Wikipedia

 കാല പാതാര്‍ ബീച്ച്, ആന്‍ഡമാന്‍

കാല പാതാര്‍ ബീച്ച്, ആന്‍ഡമാന്‍

ആന്‍ഡമാനിലെ ഏറ്റവും ശാന്തമായ ബീച്ച് എന്നറിയപ്പെടുന്ന കാല പാതാര്‍ ബീച്ച് ടൂറിസത്തിന്റെ സാധ്യതകള്‍ ഉള്‍പ്പെടുത്താത്ത ഒരിടമാണ്. അതിനാല്‍ നിശബ്ദത ആസ്വദിക്കാനെത്തുന്നവരാണ് ഇവിടുത്തെ ആളുകള്‍.

PC:Mukherjeesaikat

മന്ദര്‍മനി ബീച്ച് , പശ്ചിമബംഗാള്‍

മന്ദര്‍മനി ബീച്ച് , പശ്ചിമബംഗാള്‍

നഗരത്തിരക്കുകളില്‍ നിന്നും ഏറെ മാറി കിടക്കുന്ന ഈ ബീച്ച് ബഹളങ്ങളും ആള്‍ത്തിരിക്കും ഒട്ടും എത്തിയിട്ടില്ലാത്ത ഒരിടമാണ്. നെടുനീളം ദൂരം ഡ്രൈവ് ചെയ്യാന്‍ പറ്റുന്ന ഈ ബീച്ച് പ്രാദേശികമായി ഏറെ അറിയപ്പെടുന്ന ഒരിടം കൂടിയാണ്.

PC:Mum321

മൊബര്‍ ബീച്ച്

മൊബര്‍ ബീച്ച്

പക്ഷിനിരീക്ഷണത്തിനു പേരുകേട്ട് മൊബര്‍ ബീച്ച് ഗോവന്‍ ഹോളിഡേ ഡെസ്റ്റിനേഷനുകളില്‍ പ്രധാനപ്പെട്ട ഒന്നാണ്. ഏറെ മനോഹരവും വൃത്തിയുമായി സംരക്ഷിക്കപ്പെടുന്ന ഇവിടെ ധാരാളം ആളുകള്‍ എത്താറുണ്ട്.

PC: Saad Faruque

പാരഡൈസ് ബീച്ച്, പോണ്ടിച്ചേരി

പാരഡൈസ് ബീച്ച്, പോണ്ടിച്ചേരി

പോണ്ടിച്ചേരിയുടെ പ്രധാന ആകര്‍ഷണങ്ങളില്‍ ഒന്നാണ് പാരഡൈസ് ബീച്ച്. ടൗണിനോടടുത്തായി സ്ഥിതി ചെയ്യുന്ന ഈ ബീച്ച് അല്പം ഒറ്റപ്പെട്ടാണ് കിടക്കുന്നതെങ്കിലും ഇവിടെ എത്തിയാല്‍ അങ്ങനെയൊരു പ്രശ്‌നമില്ല. പോണ്ടിച്ചേരിയില്‍ പോകുന്നവര്‍ ഉറപ്പായും സന്ദര്‍ശിക്കേണ്ട സ്ഥലങ്ങളിലൊന്നുകൂടിയാണിത്.

PC: Flickr

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X