ഇന്ത്യയിലെ ഏറ്റവും മനോഹരമായ ചരിത്ര സ്മാരകങ്ങള് സ്ഥിതി ചെയ്യുന്ന ഗുജറാത്തിലെ കാഴ്ചകൾ ഒരവസാനമില്ലാത്തവയാണ്. നൂറ്റാണ്ടുകൾ പഴക്കമുള്ള കെട്ടിടങ്ങളും പച്ചപ്പിന്റെ വിവിധ ഭാവങ്ങൾ കാണിച്ചു തരുന്ന മലകളും പടിഞ്ഞാറിന്റെ സൗന്ദര്യവുമായി കാത്തു നിൽക്കുന്ന ഗുജറാത്തിന്റെ പ്രത്യേകതകളാണ്. ഒരു ക്യാമറയുമായി പോയാൽ നിറയെ ചിത്രങ്ങളുമായി തിരികെ വരുവാൻ സഹായിക്കുന്ന ഒട്ടേറെ ഇടങ്ങൾ ഇവിടെയുണ്ട്. ഗുജറാത്തിലെ പ്രധാനപ്പെട്ട ഫോട്ടോജെനിക് സ്ഥലങ്ങളെക്കുറിച്ചറിയാം...
ഗുജറാത്തിലെ ഏറ്റവും മനോഹരമായ ഇടങ്ങളിലൊന്നാണ് ഗ്രേറ്റ് റാൻ ഓഫ് കച്ച്. ഒരിക്കലും വിശ്വസിക്കുവാൻ സാധിക്കാത്ത കുറച്ചധികം ഫ്രെയിമുകൾ ലഭിക്കുന്ന ഇവിടം സ്ഥിരം സഞ്ചാരികൾ വന്നു പോകുന്ന ഇവിടം ഉപ്പുപാടമാണ്
അഹമ്മദാബാദിൽ നിന്നും 50 കിലോമീറ്റർ അകലെ സ്ഥിതി ചെയ്യുന്ന പോളോ ഫോറസ്റ്റ് കാടിനകത്തെ ഒരു വിസ്മയ കേന്ദ്രമാണ്. പുറംലോകത്തു നിന്നെല്ലാം മാറി കാടിനുള്ളിൽ ആരും അറിയാതെ കിടക്കുന്ന ഒരു പുരാതന നഗരമാണ് പോളോ ഫോറസ്റ്റ്.
പക്ഷി നിരീക്ഷണത്തിനും വന്യജീവി ഫോട്ടോഗ്രഫിക്കും താല്പര്യമുള്ളവർക്ക് പറ്റിയ ഇടമാണ് നൽസരോവർ തടാകം അഹമ്മദാബാദിൽ നിന്നും 60 കിലോമീറ്റർ അകലെയാണ് ഇവിടം സ്ഥിതി ചെയ്യുന്നത്.