»ഒളിഞ്ഞിരിക്കുന്ന അസുരന്കുണ്ട് മുതൽ തുടങ്ങുകയാണ് തൃശൂർ കാഴ്ചകൾ
ഒളിഞ്ഞിരിക്കുന്ന അസുരന്കുണ്ട് മുതൽ തുടങ്ങുകയാണ് തൃശൂർ കാഴ്ചകൾ
Travel Guide
oi-Elizabeth Joseph
ഒരു ദിവസം കൊണ്ടൊന്നും കണ്ടു തീർക്കുവാൻ സാധിക്കുന്ന കാഴ്ചകൾ അല്ല തൃശൂരിന്റേതെങ്കിലും ഒരൊറ്റ ദിവസത്തിൽ കറങ്ങിത്തീർക്കുവാൻ പറ്റിയ ഇവിടുത്തെ കുറച്ച് ഇടങ്ങൾ പരിചയപ്പെടാം...
തൃശൂർ...പൂരക്കാഴ്ചയുടെ പെരുമയുമായി സഞ്ചാരികളെ കൊതിപ്പിക്കുന്ന ഇടം... വടക്കുംനാഥന്റെ മണ്ണിൽ ഒരിക്കലെങ്കിലും കാലുകുത്തണമെന്ന് ആഗ്രഹിക്കാത്തവർ കാണില്ല. പൂരവും കലകളും ഉത്സവങ്ങളും പള്ളിപ്പെരുന്നാളും ഒക്കെയായി ഓരോ നിമിഷവും ജീവിതത്തെ ആസ്വദിക്കുന്ന തൃശൂർ രുചികൾ കൊണ്ടും സമ്പന്നമാണ്. വ്യത്യസ്തങ്ങളായ രുചികൾ വിളമ്പുന്ന ഹോട്ടലുകളും ഇവിടുത്തെ പ്രത്യേകതയാണ്. ഒരു ദിവസം കൊണ്ടൊന്നും കണ്ടു തീർക്കുവാൻ സാധിക്കുന്ന കാഴ്ചകൾ അല്ല തൃശൂരിന്റേതെങ്കിലും ഒരൊറ്റ ദിവസത്തിൽ കറങ്ങിത്തീർക്കുവാൻ പറ്റിയ ഇവിടുത്തെ കുറച്ച് ഇടങ്ങൾ പരിചയപ്പെടാം...
റൗണ്ടിൽ തുടങ്ങി
തൃശൂരിന്റെ കാഴ്ചകൾ തുടങ്ങുന്നതും അവസാനിക്കുന്നതും ഒരേയിടത്താണ്. വടക്കുംനാഥന്റെ മുന്നിൽ. കതൃശൂരിൽ കാണേണ്ട കാഴ്ചകളെല്ലാം ആ റൗണ്ടിനു ചുറ്റുമാണ്. റൗണ്ടിലൂടെ ഒന്നു കറങ്ങി പുറത്തിറങ്ങിയാൽ തൃശൂരിൽ കണ്ടു തീർക്കേണ്ട കാഴ്ചകൾ നോക്കാം.....
വടക്കുംനാഥൻ ക്ഷേത്രം
തൃശൂരിനെ ലോകത്തിന് മുന്നിൽ അടയാളപ്പെടുത്തുന്ന ഇടമാണ് വടക്കുംനാഥൻ ക്ഷേത്രം. തേക്കിൻകാട് മൈതാനത്തിന്റെ നടുവിലായി സ്ഥിതി ചെയ്യുന്ന ഈ ക്ഷേത്രത്തെ പറയാതെ തൃശൂരിനെ വിവരിക്കുവാനാവില്ല. 108 ശിവാലയങ്ങളിൽ പ്രഥമ സ്ഥാനത്താണ് ഈ ക്ഷേത്രമുള്ളത്. ദക്ഷിണ കൈലാസം എന്നും ഇവിടം അറിയപ്പെടുന്നു. വടക്കും നാഥന്റെ സാന്നിധ്യത്തിൽ നടക്കുന്ന തൃശൂർ പൂരമാണ് ഇവിടുത്തെ ഏറ്റവും വലിയ ആകർഷണം.
ചേരമാൻ ജുമാ മസ്ദിജ്
ഇന്ത്യയിലെ ആദ്യത്തെ ജുമാ മസ്ജിദാണ് തൃശൂരിലെ കൊടുങ്ങല്ലൂർ മീത്തലയിൽ സ്ഥിതി ചെയ്യുന്ന ചേരമാൻ ജുമാ മസ്ജിദ്. മുഹമ്മദ് നബിയുടെ അനുയായി ആയ മാലിക് ദിനാർ ആണ് ഇവിടെ പള്ളി നിർമ്മിച്ചതെന്നാണ് പറയപ്പെടുന്നത്. ഒരുകാലത്ത് ഇത് ഒരു ബുദ്ധ വിഹാരം ആയിരുന്നുവെന്നും പിന്നീട് മുസ്ലീം ദേവാലയമായി മാറിയതാണെന്നും പറയപ്പെടുന്നു.
തൃശൂരിലെ ഒഴിവു സമയങ്ങൾ ചെലവഴിക്കുവാൻ പറ്റിയ ഇടങ്ങളിലൊന്നാണ് ചാവക്കാട് ബീച്ച്. ഗുരുവായൂരിൽ നിന്നും 4 കിലോമീറ്റർ അകലെ സ്ഥിതി ചെയ്യുന്ന ഇവിടെ വിദേശികളടക്കമുള്ളവർ എത്താറുണ്ട്.