നഗരത്തിന്റെ തിരക്കുകളും പ്രകൃതിയുടെ ഭംഗിയും ഒരേ പോലെ ബാലന്സ് ചെയ്തുകൊണ്ടുപോകുന്ന അപൂര്വ്വം നാടാണ് മഹാരാഷ്ട്ര. ഉറങ്ങുവാന് പോലും സമയമില്ലാത്ത നഗരങ്ങളാണ് ഒരുവശത്തെങ്കില് മറുവശം പച്ചപ്പിന്റെയും ഗ്രാമീണതയുടെയും നന്മകളാല് സമൃദ്ധമാണ്. ഇങ്ങനെ പച്ചപ്പിനാല് അനുഗ്രഹീതമായ ഇടങ്ങള് നിരവധി ഇവിടെ കണ്ടെത്തുവാന് സാധിക്കുമെങ്കിലും പ്രകൃതി സ്നേഹികളും സഞ്ചാരികളും ഒരുപോലെ തിരഞ്ഞെടുക്കുന്ന ഇടങ്ങളിലൊന്നാണ് ഭണ്ഡാർദാര. സഹ്യാദ്രിയുടെ റാണി എന്നു വിളിക്കപ്പെടുന്ന ഇവിടം എന്തുകൊണ്ടും സന്ദര്ശന യോഗ്യമാണ്.
നിധികളുടെ താഴ്വര എന്നും മിന്നാമിനുങ്ങുകളുടെ താഴ്വര എന്നുമെല്ലാം യാത്രികർ സ്നേഹപൂർവ്വം വിളിക്കുന്ന ഭണ്ഡാർദാര മഹാരാഷ്ട്രയുടെ അവധിക്കാല സ്വര്ഗ്ഗം കൂടിയാണ്. ഓരോ സഞ്ചാരിയുടം ജീവിതത്തിൽ ഒരിക്കലെങ്കിലും ഇതുവഴി കടന്നു പോയിരിക്കണം.
വില്സണ് ഡാമിലെ വെള്ളത്തില് നിന്നും രൂപപ്പെടുന്ന അംബ്രല്ല വെള്ളച്ചാട്ടം ഇവിടുത്തെ മറ്റൊരു കാഴ്ചയാണ്. മഴക്കാലത്താണ് ഈ വെള്ളച്ചാട്ടം സജീനമാകുന്നത്. മുകളില് നിന്നും താഴേക്ക് കട്ടിയില് പതിക്കുന്ന ഈ വെള്ളച്ചാട്ടം അതിമനോഹരമായ കാഴ്ചാനുഭവം നല്കുന്നു.
PC:Desktopwallpapers
ആര്തര് ലേക്ക്
സഹ്യാദ്രിമലനിരകളുടെ പശ്ചാത്തലത്തില് സ്ഥിതി ചെയ്യുന്ന ആര്തര് ലേക്കാണ് ഇവിടുത്തെ മറ്റൊരു കാഴ്ച. കാടുകളാല് ചുറ്റപ്പെട്ടു കിടക്കുന്ന ഈ പ്രശാന്തമായ തടാകം സഞ്ചാരികളുടെ പ്രിയപ്പെട്ട സ്ഥാനമാണ്. പ്രവാര നദിയിൽ നിന്നാണ് തടാകത്തിന് വെള്ളം ലഭിക്കുന്നത്.
ഭണ്ഡാര്ദാരയില് നിന്നും ലഭിക്കുന്ന കാഴ്ചകളില് പ്രധാനപ്പെട്ട മറ്റൊന്നാണ് രത്തന്ഗഡിന്റേത്. രണ്ടായിരത്തിലധികം വര്ഷം പഴക്കമുള്ല രത്തന്ഗഡ് കോട്ട സമുദ്രനിരപ്പിൽ നിന്ന് 1142 മീറ്റർ ഉയരത്തിലാണ്
സ്ഥിതി ചെയ്യുന്നത്. കുത്തനെയുള്ള കയറ്റങ്ങളും കോണിപ്പണികളും എല്ലാം കയറി എത്തിച്ചേരുന്ന രത്തന്ഗഡ് കോട്ട വ്യത്യസ്തമായ ഒരു സാഹസിക അനുഭവമായിരിക്കും നല്കുക. മുഗള് ഭരണകാലത്താണ് കോട്ട സ്ഥാപിക്കപ്പെട്ടതെന്നാണ് കരുതുന്നത്. പിന്നീടത് ശിവാജി കീഴടക്കുകയായിരുന്നു. ഗണേഷ്, ഹനുമാൻ, കൊങ്കൺ, ത്രയമ്പക് എന്നിങ്ങനെ നാല് കവാടങ്ങള് കോട്ടയ്ക്കുണ്ട്.
മുംബൈ > കാസര > ഇഗ്തപുരി > ഭണ്ഡാർധാര > രത്തൻവാഡി വഴി ഇവിടേക്ക് എത്തിച്ചേരാം.
PC: Sriharsha.totakura
എത്തിച്ചേരുവാന്
പശ്ചിമഘട്ടത്തിലെ ഇഗത്പുരിക്ക് സമീപമുള്ള ഒരു ഹോളിഡേ റിസോർട്ട് ഗ്രാമമായ ഭണ്ഡാർദാര. അഹമ്മദ്നഗർ ജില്ലയിലെ അകോലെ തെഹ്സിലിലാണ് സ്ഥിതി ചെയ്യുന്നത്. മുംബൈയിൽ നിന്ന് 185 കിലോമീറ്ററും അഹമ്മദ്നഗറിൽ നിന്ന് 155 കിലോമീറ്ററുമാണ് ഭണ്ഡാര്ദാരയിലേക്കുള്ള ദൂരം. പൂനെയില് നിന്നും വരുമ്പോള് 191 കിലോമീറ്റര് ദൂരമുണ്ട്. ഏറ്റവും അടുത്തുള്ള വിമാനത്താവളം 90 കിലോമീറ്ററ് അകലെയള്ള നാസികും റെയില്വേ സ്റ്റേഷന് 25 കിലോമീറ്റര് അകലെയുള്ള ഇഗത്പുരിയുമാണ്.