ആകാശത്തിലെ വിസ്മയങ്ങള് എന്നും മനുഷ്യന് കൗതുകമാണ്. നക്ഷത്രങ്ങളും ഗ്രഹങ്ങളും അവയുടെ ഭ്രമണവും സ്ഥാനവും എല്ലാം ചേര്ന്ന് എന്നും ആകാശം അതിശയിപ്പിച്ചുകൊണ്ടേയിരിക്കും. അത്തരത്തിലൊരു അതിശയത്തിനാണ് ഇന്നു രാത്രി അതായത് 2020 ഒക്ടോബര് 31ന് നമ്മള് സാക്ഷ്യം വഹിക്കുവാന് പോകുന്നത്. അപൂര്വ്വമെന്നു തന്നെ വിശേഷിപ്പിക്കുവാന് സാധിക്കുന്ന ഈ കാഴ്ച ചന്ദ്രന്റേതാണ്. വളരെ അപൂര്വ്വമായി മാത്രം സംഭവിക്കുന്ന ഒരു മാസത്തില് തന്നെ രണ്ടാമത്തെ പൂര്ണ്ണ ചന്ദ്രന് ആകാശത്തില് പ്രത്യക്ഷപ്പെടുന്നു എന്നതാണത്.
രണ്ടോ മൂന്നോ വര്ഷത്തിലൊരിക്കല്
തീര്ത്തും അപൂര്വ്വമെന്നു ഈ പ്രതിഭാസത്തെ വിളിക്കുവാന് സാധിക്കില്ല. കണക്കുകളമുസരിച്ച് രണ്ടോ മൂന്നോ വര്ഷം കൂടുമ്പോള് ബ്ലൂ മൂണ് സംഭവിക്കുന്നുണ്ട്. മാസത്തിന്റെ തുടക്കത്തില് ഒരു പൗര്ണ്ണമി ഉള്ളപ്പോഴാണ് മിക്കപ്പോഴും ബ്ലൂ മൂണ് സംഭവിക്കുന്നത്. ഗ്രിഗോറിയന് കലണ്ടര് പിന്തുടരുന്നതിനാല് ഇത് നടക്കാറില്ല. കാരണം, തുടര്ച്ചയായ രണ്ട് പൂര്ണ്ണചന്ദ്രനുകള്ക്ക് ഇടയിലെ സമയം ഏകദേശം 29.5 ദിവസമാണ്. ഗ്രീഗോറിയന് കലണ്ടറുകളില് ഇത് കുറവാണ്.
ബ്ലൂ മൂണിനൊപ്പം തന്നെ അറിയേണ്ട രണ്ട കാര്യങ്ങളാണ് ഡബിള് ബ്ലൂ മൂണും ബ്ലാക്ക് മൂണും. ഗ്രിഗോറിയന് കലണ്ടര് അനുസരിച്ച് സാധാരണ ഗതിയില് ഫെബ്രുവരി മാസങ്ങളില് ബ്ലൂ മൂണ് സംഭവിക്കാറേയില്ല. ചിലപ്പോഴാവട്ടെ ഫെബ്രുവരിയില് പൗര്ണ്ണമി തന്നെയുണ്ടാവാറില്ല. ഇതിനെയാണ് ജ്യോതിശാസ്ത്രത്തില് ബ്ലാക്ക് മൂണ് എന്നു പറയുന്നത്.
ജനുവരി, മാര്ച്ച് മാസങ്ങളില് ഓരോ ബ്ലൂ മൂണ് വീതം നടന്നാലും ഫെബ്രുവരിയില് പൂര്ണ്ണചന്ദ്രനെ കാണാനാവില്ല. ഡബിള് ബ്ലൂ മൂണ് എന്നാണ് ഇതറിയപ്പെടുന്നത്. അപൂര്വ്വമായാണ് ഡബിള് ബ്ലൂ മൂണ് സംഭവിക്കുന്നത്. . 2018ലാണ് 'ഡബിള് ബ്ലൂ മൂണ്' പ്രതിഭാസം അവസാനമായി ദൃശ്യമായത്. അടുത്തത് ഇനി 19 വര്ഷത്തിനുശേഷം 2037ല് ദൃശ്യമാകും.ഒരു നൂറ്റാണ്ടില് മൂന്നോ അഞ്ചോ തവണ മാത്രമേ ഇത് നടക്കൂ എന്നാണ് ശാസ്ത്രം പറയുന്നത്.