യാത്രകളിലെ പുതിയ താരം ഇപ്പോള് കാരവാന് യാത്രകളാണ്. വീട്ടിലിരുന്ന് നാടുകാണുന്ന പോലെ എല്ലാ സൗകര്യങ്ങളുമുള്ള കാരവാനിലിരുന്ന് നാടുകാണുന്നത് നാട്ടുകാരും വിദേശികളും ഒരുപോലെ ഏറ്റെടുത്തു കഴിഞ്ഞു. കാരവാന് ടൂറിസം കേരളത്തിലും സജീവമായതോടെ മൂന്നാര് അടക്കമുള്ള പ്രദേശങ്ങളിലേക്ക് കിടിലന് പാക്കജും ഒരുക്കിയിട്ടുണ്ട്. വര്ക് ഫ്രം ഹോം ചെയ്യുവാന് സാധിക്കുന്നവര്ക്ക് വീട്ടിലിരുന്ന് ചെയ്യുന്ന അതേ സുഖത്തില് കാരവനില് താമസിച്ച് യാത്ര ചെയ്തു പാചകം ചെയ്ത് നാടുകണ്ട് പോകുവാനുള്ള വലിയ സാധ്യതയാണ് കാരവാന് ടൂറിസം തുറന്നിടുന്നത്. നമുക്കിഷ്ടമുള്ള പോലെ സ്ഥലങ്ങള് കണ്ട് പുതി ആളുകളെ പരിചയപ്പെട്ട് പോകുവാനുള്ള സൗകര്യങ്ങളും പാക്കേജുകളില് ലഭ്യമാണ്.
കാരവന് യാത്രകള് ഒരാവേശമാണെങ്കിലും ആദ്യ യാത്രയ്ക്ക് ഒരുങ്ങുംമുന്പായി അറിഞ്ഞിരിക്കേണ്ടതായ കുറച്ച് കാര്യങ്ങളുണ്ട്. നമ്മുടെ നാട്ടില് നടത്തുന്ന കാരവന് യാത്രകള് എളുപ്പമുള്ളതാക്കുവാന് ശ്രദ്ധിക്കേണ്ട കുറച്ചു കാര്യങ്ങള് നോക്കാം...