ജീവിതത്തില് അന്നേവരെ കണ്ട കാഴ്ചകളെയും യാത്രകളെയും മാറ്റി നിര്ത്തുവാന് കഴിയുന്നത്രയും മനോഹരിയായ ഒരു പ്രദേശം. ജീവിതത്തിനു പോലും പുത്തനൊരു കാഴ്ചപ്പാട് ഉണ്ടാക്കുവാന് ഒരു പ്രദേശത്തിന് സാധിക്കുമെങ്കില് അത് തീര്ച്ചയായും ചൗകോരി ആണ്. ഉത്തരാഖണ്ഡിന്റെ മുക്കും മൂലയും വരെ സഞ്ചാരികള് കയറിയിറങ്ങുമ്പോളും പിടികൊടുക്കാത്ത ഈ നാടിനെ ഇപ്പോള് സഞ്ചാരികളും തിരിച്ചറിഞ്ഞിരിക്കുകയാണ്. ശാന്തമായ യാത്രകള്ക്കും ആസ്വാദ്യകരമായ അനുഭവങ്ങള്ക്കുമായി മസൂറിയെ പോലും മാറ്റി നിര്ത്തി സഞ്ചാരികളെത്തുന്ന ചൗകോരിയുടെ വിശേഷങ്ങളിലേക്ക്!!
മുന്പു കണ്ടിട്ടില്ലാത്ത പോലെ ഹിമാലയത്തെ കാണാം
ഹിമാലയം എന്നും അതിശയിപ്പിച്ചിട്ടേയുള്ളൂ സഞ്ചാരികളെ. അതിന്റെ ഏറ്റവും മനോഹരമായ കാഴ്ചകള് നല്കുന്ന ഇടങ്ങളിലൊന്നാണ് ഇപ്പോള് ചൗകോരി. മനോഹരമായ നന്ദാദേവി, നന്ദ കോട്ട്, പഞ്ചചൂളി കൊടുമുടി എന്നിവയുടെ മനോഹരമായ കാഴ്ചകൾക്കായി സഞ്ചാരികൾ ചൗക്കോരിയെ ഇഷ്ടപ്പെടുന്നു.
പണിയെടുക്കാം കാഴ്ചയും കാണാം
ജോലിസ്ഥലത്തിന് വലിയ സാധ്യതയും നഗരത്തിന്റെ തിരക്കിൽ നിന്ന് രക്ഷപ്പെടാനുള്ള ഒരു സ്ഥലവുമായി ഇന്ന് ചൗകോരി മാറിയിട്ടുണ്ട്. വര്ക്കേഷന് (workcation) എന്ന പേരില് ഇവിടെ ധാരാളം സാധ്യതകള് ഉയര്ന്നു വരുന്നുണ്ട്. വര്ക്ക് അറ്റ് ഹോം വ്യാപകമായിരിക്കുന്ന ഈ കാലത്ത് വീട്ടിലിരുന്ന് ജോലിയെടുത്ത് മടുത്തവര്ക്ക് ഒരു മാറ്റത്തിനായി ഇവിടേക്ക് വരാം. ശാന്തമായ പ്രകൃതിയുടെ പശ്ചാത്തലത്തില് ഇവിടെ ഒരുക്കിയിട്ടുള്ള ഇടങ്ങള് നിങ്ങളെ മടുപ്പിക്കുകയേ ഇല്ല.
മാത്രമല്ല, ഇത് ഗ്രാമീണ സമ്പദ്വ്യവസ്ഥയെ നിയന്ത്രിക്കുന്ന കൂടുതൽ സഞ്ചാരികളെ ആകർഷിക്കുന്നു.
രാജ്യത്തിന്റെ നാനാഭാഗത്തുനിന്നും വിനോദസഞ്ചാരികളെ ആകർഷിക്കുന്ന ഏറ്റവും മികച്ച ഓഫ്ബീറ്റ് സ്ഥലങ്ങളിലൊന്നാണ് ചൗക്കോരി. ഇവിടെയുള്ള ഗ്രാമങ്ങൾ സന്ദർശിച്ച് കുമയോണി കലയും സംസ്കാരവും പാരമ്പര്യങ്ങളും പരിചയപ്പെടുവാനും ഇവിടം അവസരമൊരുക്കുന്നു.
എത്തിച്ചേരുവാന്
ഡൽഹിയിൽ നിന്ന് 530 കിലോമീറ്റർ അകലെയാണ് ചൗകോരി. 250 കിലോമീറ്റർ അകലെയാണ് ഏറ്റവും അടുത്തുള്ള വിമാനത്താവളം. 180 കിലോമീറ്റർ അകലെയുള്ള കാത്ഗോഡമാണ് ഏറ്റവും അടുത്തുള്ള റെയിൽവേ. ഇവിടെ ചൗക്കോരിയിലും അൽമോറയിലും ടാക്സി സർവീസ് ലഭ്യമാണ്. ഇവിടെ നിന്നും ബാഗേശ്വറിന് അര മണിക്കൂർ ദൂരമുണ്ട്.