രണ്ട് ബെഡ്റൂം...പൂന്തോട്ടം...കാർ കയറ്റിയിടുവാനുള്ള സ്ഥലം.. ബാത്റൂം അറ്റാച്ച്ഡ്.എസി...പൂജാമുറി...150 രൂപ വാടക!!! ദാസനും വിജയനും നാടോടിക്കാറ്റിൽ വീടന്വേഷിച്ചു നടക്കുന്നതും ബ്രോക്കറിനോട് ആവശ്യം പറയുന്നതും കണ്ട് ചിരിച്ചു മറിയാത്തവർ കാണില്ല. എന്നാൽ
ഇങ്ങനെ കുറഞ്ഞ ചെലവ്..അതായത് വളരെ കുറഞ്ഞ ചിലവിൽ ജീവിക്കുവാൻ കഴിഞ്ഞിങ്കിൽ എന്ന് ആലോചിച്ചിട്ടില്ലേ... വീട്ടു വാടകയും ചിലവും ഒക്കെ ഓരോ ദിവസവും കൂടി വരുമ്പോൾ അറിയാതെയെങ്കിലും ഇങ്ങനെ ആലോചിച്ചു പോയില്ലെങ്കിലേ അത്ഭുതമുള്ളൂ. പക്ഷേ ഇങ്ങനെയൊന്നും നടക്കില്ലെങ്കിലും വലിയ ചിലവുകൾ ഒന്നുമില്ലാതെ ജീവിക്കാൻ പറ്റിയ ഇടങ്ങൾ നമ്മുടെ നാട്ടിലുമുണ്ട്. കേൾക്കുമ്പോൾ ഇതുതന്നെയാണോ എന്നു അതിശയിപ്പിക്കുന്ന ഇടങ്ങൾ.
കുറഞ്ഞ ചിലവിൽ അടിച്ചു പൊളിച്ച് ജീവിക്കുവാൻ പറ്റിയ രാജ്യങ്ങളുടെ കണക്ക് പുറത്ത് വിട്ടിരിക്കുന്നത് എക്കണോമിസ്റ്റ് ഇന്റലിജെന്സ് യൂണിറ്റ് ആണ്. ഈ പട്ടികയിൽ ഉൾപ്പെട്ടിരിക്കുന്ന ഇന്ത്യന് നഗരങ്ങളെക്കുറിച്ചും അവയുടെ പ്രത്യേകതകളെക്കുറിച്ചും വായിക്കാം...
ചെന്നൈ കാഴ്ചകൾ
എല്ലാ തരത്തിലുമുള്ള കാഴ്ചകൾ കൊണ്ടു സമ്പന്നമായ നാടാണ് ചെന്നൈ. ക്ഷേത്രങ്ങളും തീർഥാടന കേന്ദ്രങ്ങളും മ്യൂസിയങ്ങളും ബീച്ചുകളുമാണ് ഇവിടുത്തെ കാഴ്ചകളിൽ ഒഴിച്ചു കൂടുവാൻ സാധിക്കാത്തത്. ചരിത്രമുറങ്ങുന്ന മഹാബലിപുരവും ഓപ്പൺ മ്യൂസിയവും മറീനാ ബീച്ചും സാന്തോം ബസലിക്കയും മൈലാപ്പൂരും ഒക്കെയാണ് ഇവിടെ എളുപ്പത്തിൽ പോയിവരുവാൻ സാധിക്കുന്ന കുറച്ചിടങ്ങൾ.
ബാംഗ്ലൂർ
ഷോപ്പിങ്ങിനും കാഴ്ചകൾക്കും അലഞ്ഞു തിരിയലിനും ഒക്കെ പേരുകേട്ട നാടാണ് ബാംഗ്ലൂർ. ഐടി നഗരമെന്നും ഇന്ത്യയുടെ പൂന്തോട്ടം എന്നുമൊക്കെ വിളിപ്പേരുണ്ടെങ്കിലും യഥാർഥത്തിൽ ഒരു ഗ്ലോബൽ വില്ലേജാണ് ഇവിടം. വിദേശ സഞ്ചാരികളടക്കം ആളുകൾ എത്തിച്ചേരുന്ന ഇവിടം കർണ്ണാടകയിൽ ഏറ്റവും അധികം ആളുകൾ തിരഞ്ഞെത്തുന്ന പ്രദേശം കൂടിയാണ്.
കുറഞ്ഞ ചിലവിൽ
ഏതു പാവപ്പെട്ടവും എത്ര വലിയ പണക്കാരനും സന്തോഷത്തോടെ ജീവിക്കുവാൻ സാധിക്കുന്ന നാടാണിത്. എത്ര കുറഞ്ഞ ചിലവിൽ വേണമെങ്കിലും ഇവിടെ ജീവിതം സാധ്യമാണ്.
ബാംഗ്ലൂർ കാഴ്ചകൾ
ലാൽ ബാഗ്, സാവൻ ദുർഗ്ഗ, നന്ദി ഹിൽസ്, ബാംഗ്ലൂർ സ്പെഷയ്ൽ രുചി ലഭിക്കുന്ന ഭക്ഷണ ശാലകൾ, ക്ഷേത്രങ്ങൾ, വിധാൻ സൗധ, ഫ്ലീ മാർക്കറ്റ്, ബാംഗ്ലൂർ കൊട്ടാരം, നെഹ്റു പ്ലാനെറ്റോറിയം, ടിപ്പു സുൽത്താൻ പാലസ്, തുടങ്ങിയവയാണ് ഇവിടുത്തെ കാഴ്ചകൾ.