വിമാനത്തിലാണ് യാത്രയെങ്കില് സുരക്ഷയുടെ കാര്യത്തില് ഒരു വിട്ടുവീഴ്ചയ്ക്കും തയ്യാറാകാതെ വേണം വിമാനയാത്ര തിരഞ്ഞെടുക്കുവാന്. മാസങ്ങള്ക്കു മുന്പേ ടിക്കറ്റ് മുന്കൂട്ടി ബുക്ക് ചെയ്യുന്ന രീതി ഇനിയുണ്ടായേക്കില്ല. നിലവില് യാത്രയ്ക്ക് വളരെ കുറച്ചു ദിവസങ്ങള്ക്കു മുന്പ് വരെ മാത്രമേ എയര് ടിക്കറ്റ് ബുക്ക് ചെയ്യുവാന് സാധിക്കൂ.
ഒരു ക്യാബിന് ലഗേജും ഒരു ചെക്ക് ഇന് ബാഗും മാത്രമേ ഇപ്പോള് യാത്രകളില് അനുവദിക്കുന്നുള്ളൂ. അതിനനുസരിച്ച് മാത്രം അത്യാവശ്യം വേണ്ടുന്ന സാധനങ്ങള് പാക്ക് ചെയ്യുക.
ഭക്ഷണം നല്കും കഴിഞ്ഞ ദിവസം പുറത്തിറക്കിയ ഉത്തരവില് വിമാന കാലാവധിയെ ആശ്രയിച്ച് ആഭ്യന്തര വിമാനങ്ങളിൽ പ്രീ-പായ്ക്ക് ചെയ്ത ലഘുഭക്ഷണങ്ങൾ / ഭക്ഷണം / പ്രീ-പായ്ക്ക് പാനീയങ്ങൾ എന്നിവ എയർലൈൻസിന് നൽകാമെന്ന് സിവിൽ ഏവിയേഷൻ മന്ത്രാലയം അറിയിച്ചിരുന്നു. അന്താരാഷ്ട്ര വിമാനങ്ങളിൽ ചൂടുള്ള ഭക്ഷണവും പരിമിതമായ പാനീയങ്ങളും നൽകാം എന്നും അറിയിപ്പില് പറയുന്നു.
ആഭ്യന്തര, അന്തർദ്ദേശീയ വിമാനങ്ങളിൽ ഭക്ഷണമോ പാനീയങ്ങളോ വിളമ്പുമ്പോൾ ഒരിക്കല് മാത്രം ഉപയോഗിക്കുവാന് സാധിക്കുന്ന ഡിസ്പോസിബിൾ ട്രേകൾ, പ്ലേറ്റുകൾ തുടങ്ങിയവ മാത്രമായിരിക്കും ഉപയോഗിക്കുക.
പുതിയ ട്രാക്കില് റെയില്വേ
കൊവിഡ് കാലത്തെ ട്രെയിന് യാത്രകള് പുതിയ പാതയിലാണ്. മുന്പത്തേക്കാല് തികച്ചും വൃത്തിയായ ഒരു അന്തരീക്ഷമാണ് ട്രെയിനുകളിലുള്ളത്. വളരെ അത്യാവശ്യമുള്ള യാത്രകള് മാത്രം നടത്തുന്നതിനാല് തിരക്കും വളരെ കുറവാണ്. ട്രെയിനില് കയറുന്നതിനു മുന്പായി ബാഗുകള് സാനിറ്റൈസ് ചെയ്യും.
ഭക്ഷണം കരുതാം സുരക്ഷയെ കരുതി ട്രെയിനുകളില് പാന്ട്രികള് നിലവില് പ്രവര്ത്തിക്കുന്നില്ല. അതിനാല് യാത്ര ചെയ്യുന്നവര് അത്യാവശ്യം ഭക്ഷണവും വെള്ളവും സ്വന്തം നിലയില് കരുതുന്നത് നല്ലതായിരിക്കും.
പുതപ്പും ടവ്വലും കരുതാം പുതപ്പും ടവ്വലും കരുതാം
എസി കോച്ചില് യാത്ര ചെയ്യുന്നവര്ക്ക് നേരത്തെ റെയില്വേ പുതപ്പും തലയിണയും ടവ്വലും അടക്കമുള്ള സൗകര്യങ്ങള് അനുവദിച്ചിരുന്നു. എന്നാല് ഏറ്റവും പുതിയ അറിയിപ്പുകള് പ്രകാരം ഇത്തരം സൗകര്യങ്ങള് റെയില്വേ അനുവദിക്കുന്നില്ല.
പകർച്ചവ്യാധി അവസാനിച്ചതിനുശേഷവും മുഴുവൻ സർവീസുകൾ പുനരാരംഭിക്കുമ്പോൾ ഇന്ത്യൻ റെയിൽവേ അതിന്റെ എയർകണ്ടീഷൻഡ് കോച്ചുകളിൽ പുതപ്പുകൾ, തലയിണകൾ, ഹാൻഡ് ടവലുകൾ, ഷീറ്റുകൾ എന്നിവ നൽകുന്നത് നിർത്തിയേക്കാം എന്നും അറിയിപ്പില് പറയുന്നു.
സാമൂഹിക അകലം പാലിക്കാം
ട്രെയിനുകളില് സാമൂഹിക അകലം പാലിക്കേണ്ടത് നിര്ബന്ധമായ കാര്യമാണ്. സീറ്റുകളിലും കോച്ചുകളിലും ഇത് ഒഴിച്ചിടേണ്ട ഇടങ്ങള് പ്രത്യേകം ലേബല് ചെയ്തിട്ടുണ്ട്. ഇതനുസരിച്ച് സാമൂഹിക അകലം പാലിച്ചു വേണം യാത്ര ചെയ്യുവാന്.
90 മിനിട്ട് മുന്പ്
ട്രെയിന് പുറപ്പെടുന്നതിന് 90 മിനിട്ട് മുന്പ് എങ്കിലും റെയില്വേ സ്റ്റേഷനില് എത്തിച്ചേരുവാന് ശ്രദ്ധിക്കണം. അങ്ങനെയെങ്കില് തെര്മല് സ്ക്രീനിങ്, സെല്ഫ് ഡിക്ലറേഷന് ഫോം ചെക്കിങ്, സാനിറ്റൈസേഷന് തുടങ്ങിയ കാര്യങ്ങള്ക്ക് ആവശ്യത്തിന് സമയം ലഭിക്കും.
എന്തെല്ലാം ധരിക്കണം യാത്രയില് മാസ്ക്, ഫേസ് ഷീല്ഡ്, ഗ്ലൗസ് തുടങ്ങിയവ നിര്ബന്ധമായും ധരിക്കുവാന് ശ്രദ്ധിക്കുക. യാത്രയിലുടനീളം ഇവ ധരിക്കുക.
ലക്ഷ്യ സ്ഥാനത്ത് എത്തിയാലുടന് വസ്ത്രങ്ങളും ഷൂകളും അഴിക്കുക, വസ്ത്രങ്ങൾ കഴുകുക, കുളിക്കുക തുടങ്ങിയ കാര്യങ്ങള് ശ്രദ്ധിക്കുക.
ഉയരത്തില് ഈഫലിനും മുന്നില്, എന്തുവന്നാലും കുലുങ്ങില്ല ഈ നീളന് പാലം!!!
വിമാനയാത്രയില് മാസ്ക് ധരിച്ചില്ലെങ്കില് 'നോ ഫ്ലൈ' ലിസ്റ്റില്!
70 ദിവസത്തില് 18 രാജ്യങ്ങള് കടന്ന് ഡല്ഹിയില് നിന്നും ലണ്ടനിലേക്ക് ഒരു ബസ് യാത്ര!!