വടക്കുകിഴക്കൻ ഇന്ത്യയുടെ ഭാഗമായതകൊണ്ട് അർഹമായ പ്രാധാന്യം ലഭിക്കാതെ പോയ സ്ഥലങ്ങളിലൊന്നാണ് ത്രിപുരയുടെ തലസ്ഥാനമായ അഗർത്തല. ചരിത്രവും മിത്തും ഒരുപോലെ ഇഴചേർന്നു കിടക്കുന്ന ഇവിടെ ഒന്നിനെ മറ്റൊന്നിൽ നിന്നും വേർതിരിച്ചെടുക്കുവാൻ അല്പം പ്രയാസമാണ്. ഹൗറ നദിയുടെ തീരത്ത് സ്ഥിതി ചെയ്യുമ്പോഴും സഞ്ചാരികളെ കാത്തിരിക്കുന്ന ഈ വടക്കു കിഴക്കൻ ഗ്രാമം കാലാവസ്ഥ കൊണ്ടും കാഴ്ചകൾ കൊണ്ടും സഞ്ചാരികളെ, പ്രത്യേകിച്ച് സാഹസികരെ സ്വീകരിക്കുന്ന ഇടമാണ്.
ആഘോഷങ്ങൾ ജീവിതത്തിന്റെ ഭാഗമാക്കിയ ഈ നാട്ടുകാർ സഞ്ചാരികളെ സ്നേഹപൂർവ്വം സ്വാഗതം ചെയ്യുന്നവരാണ്. അഗർത്തലയിലെ പ്രധാനപ്പെട്ട കാഴ്ചകൾ നോക്കാം
അഗര്ത്തലയില് നിന്നും 25 കിലോമീറ്റര് അകലെ സ്ഥിതി ചെയ്യുന്ന സിപാഹിലോല വൈല്ഡ് ലൈഫ് സാങ്ച്വറി ജൈവ വൈവിധ്യത്തിനു പേരുകേട്ട ഇടമാണ്. കൃത്രിമ താകം, ബോട്ടാണിക്കല് ഗാര്ഡന്, സൂ എന്നിവയെല്ലാം ഇതിന്റെ ഭാഗമാണ്. മൃഗങ്ങളെ എളുപ്പത്തില് കാണുവാന് സാധിക്കുന്ന തണുപ്പു കാലമാണ് ഇവിടം സന്ദര്ശിക്കുവാന് അനുയോജ്യമായ സമയം.
ത്രിപുരയുടെ ചരിത്രത്തെ കാണിക്കുന്ന മനോഹരമായ ഒരു സ്ഥലമാണ് അഗര്ത്തലയിലെ രാജ്ഭവനു സമീപം സ്ഥിതി ചെയ്യുന്ന ഹെറിറ്റേജ് പാര്ക്ക്. 2012ല് സന്ദര്ശകര്ക്കായി തുറന്നു കൊടുത്തതിനു ശേഷം വിദേശ രാജ്യങ്ങളില് നിന്നുള്ള സഞ്ചാരികളുള്പ്പെടെയുള്ളവരുടെ പ്രിയ കേന്ദ്രമാണിത്.
പ്രകൃതി ഭംഗിയുടെയും കാഴ്ചകളുടെയും കാര്യത്തില് ത്രിപുരയിലെ ഏറ്റവും മനോഹരമായ സ്ഥലമാണ് ജാംപോയ് ഹില്സ്. 1960 കളില് ആരംഭിച്ച ഓറഞ്ച് കൃഷിക്ക് പേരുകേട്ടിരിക്കുന്ന സ്ഥലം കൂടിയാണിത്. ഇന്ത്യയിലെ തന്നെ ഏറ്റവും മികച്ച ഓറഞ്ച് തോട്ടങ്ങളിലൊന്നാണ് ജാംപോയ് ഹില്സിലേത്. സഞ്ചാരികളെയും വിദേശികളെയും ആകര്ഷിക്കുന്ന മറ്റൊന്നാണ് ഇവിടുത്തെ ഓറഞ്ച് ഫെസ്റ്റിവല്.