കൊവിഡ് മെല്ലെ പിടിയയച്ചു തുടങ്ങിയതോടെ ആഘോഷങ്ങളും യാത്രകളും മെല്ലെ സജീവമായിക്കൊണ്ടിരിക്കുകയാണ്. നവരാത്രി ആഘോഷങ്ങള്ക്കു ശേഷം ഇനി യാത്രാ പ്ലാനിലുള്ളത് ദീപാവലിയുടെ ദിവസങ്ങളാണ്. രാജ്യത്തെ കൊവിഡ് നിയന്ത്രണത്തിലാണെങ്കില് പോലും ആഭ്യന്തര വിനോദ സഞ്ചാരത്തേക്കാള് ഉപരിയായി അന്താരാഷ്ട്ര യാത്രകള്ക്കാണ് ആളുകള് പ്രാധാന്യം നല്കുന്നത്. പല രാജ്യങ്ങളും ഇന്ത്യയില് നിന്നുണ്ടായിരുന്ന സന്ദര്ശകര്ക്ക് ഇളവുകള് നല്കിയതോടെ സഞ്ചാരികള്ക്കു നല്ലകാലമാണ്. ക്വാറന്റൈന് പ്രശ്നമില്ലാതെ ഈ ദീപാവലി കാലത്ത് ഇന്ത്യയില് നിന്നും എളുപ്പത്തില് പോകുവാന് സാധിക്കുന്ന വിദേശ രാജ്യങ്ങള് പരിചയപ്പെടാം...
ഇന്ത്യയിൽ നിന്ന് സെർബിയയിലേക്ക് പോകുന്ന യാത്രക്കാർക്ക് ക്വാറന്റൈൻ ചെയ്യേണ്ടതില്ല. എന്നിരുന്നാലും, രാജ്യത്തെത്തുമ്പോള് കൊവിഡ്- 19 നെഗറ്റീവ് റിപ്പോർട്ട് ഹാജരാക്കണം. പുറപ്പെടുന്ന സമയത്തിന് 48 മണിക്കൂർ മുമ്പ് ആയിരിക്കണം ഈ ആര്ടി-പിസിആര് പരിശോധന നടത്തേണ്ടത്. ഇന്ത്യയിൽ നിന്ന് ഇപ്പോൾ പരിമിതമായ വിമാനങ്ങൾ മാത്രമാണ് സെർബിയയിലേക്ക് സർവീസ് നടത്തുന്നത്.