Click it and Unblock the Notifications
വിവിധ വര്‍ണ്ണങ്ങളില്‍ നിറഞ്ഞു കത്തുന്ന ദീപങ്ങളു‌ടെ ആഘോഷമാണ് ഓരോ ദീപാവലിയും. പങ്കുവയ്ക്കലിന്റെയും കരുതലിന്റെയും നന്മയുടെയും സന്ദേശം പകരുന്ന ദീപാവലിയില്‍ പങ്കെ‌ടുക്കുക എന്നതുതന്നെ അത്യന്തം മഹനീയമാണ്. തിന്മയു‌ടെ മേലുള്ള നന്മയുടെ വിജയത്തിന്റെ ഈ ആഘോഷത്തിന് ഇന്ത്യയില്‍ വളരെയധികം പ്രാധാന്യമുണ്ട്. ദീപങ്ങള്‍ തെളിയിച്ചും പൂജകള്‍ നടത്തിയും പരസ്പരം സമ്മാനങ്ങള്‍ കൈമാറിയും കുടുംബാംഗങ്ങള്‍ ഒത്തുചേര്‍ന്നുമെല്ലാം ഇവിടെ ദീപാവലി ആഘോഷിക്കുന്നു. ഇന്ത്യയുടെ വൈവിധ്യം കണക്കിലെടുത്ത്, ഓരോ നഗരത്തിനും സംസ്ഥാനത്തിനും ദീപാവലി ആഘോഷിക്കാൻ അതിന്റേതായ രീതിയുണ്ട്. ദീപാവലി ദിനത്തിൽ സ്വപ്നഭൂമിയായി മാറുന്ന നഗരങ്ങളിൽ ചിലത് നമുക്ക് നോക്കാം.
വാരണാസി
ഏറ്റവും പുരാതന ഇന്ത്യൻ നഗരങ്ങളിലൊന്നായ വാരണാസിക്ക് ദീപാവലി ആഘോഷിക്കാൻ അതിന്റേതായ സവിശേഷമായ രീതിയുണ്ട്. ദശലക്ഷക്കണക്കിന് ദീപങ്ങളും ദിയകളും കത്തിനില്‍ക്കുന്ന ഇവിടുത്തെ കാഴ്ചയ്ക്ക് പ്രത്യേക ഭംഗി തന്നെയുണ്ട്.ഗംഗാസ്‌നാന അനുഷ്ഠാനത്തോടെ ആരംഭിക്കുന്ന ദീപാലി ആഘോഷം ഘാട്ടുകളിൽ ദീപങ്ങൾ കൊളുത്തുന്നതിലൂടെ അവസാനിക്കും. പ്രസിദ്ധമായ ഗംഗാ ആരതിക്ക് സാക്ഷ്യം വഹിക്കാൻ നിരവധി ആളുകൾ വാരണാസി സന്ദർശിക്കുന്നു.
ഉദയ്പൂര്‍
തടാകങ്ങളുടെ ആകർഷകമായ നഗരം തിളങ്ങുന്ന ദിയകളും വർണ്ണാഭമായ ലൈറ്റുകളും കൊണ്ട് ഗംഭീരമായി മാറുന്ന ദിനമാണ് ദീപാവലി. മിന്നുന്ന ലൈറ്റുകളാൽ പൊതിഞ്ഞ മഹത്തായ കൊട്ടാരങ്ങളുടെ പ്രതിബിംബം കാഴ്ചക്കാരിൽ അത്ഭുതങ്ങള് സൃഷ്ടിക്കും. രാത്രികളില്‍ പടക്കങ്ങള്‍ പൊട്ടിച്ചുള്ള ഫോ‌ട്ടോഷൂട്ട് ഇവിടുത്തെ മറ്റൊരു ആകര്‍ഷണമാണ്.
അമൃത്സർ, പഞ്ചാബ്
അമൃത്സറിൽ ദീപാവലി മാന്ത്രികമാണ്! സിഖ് സമൂഹത്തിന് ദീപാവലി വലിയ പ്രാധാന്യമുള്ള ദിവസമാകയാല്‍ ഇവിടുത്തെ ആഘോഷങ്ങള്‍ കണ്ടിരിക്കേണ്ടതു തന്നെയാണ്. സുവർണ്ണ ക്ഷേത്രം കൂടുതൽ സ്വർണ്ണമായി മാറുന്നു. മുഴുവൻ ഘടനയും വൈകുന്നേരങ്ങളിൽ തിളങ്ങുന്ന ദിയകൾ കൊണ്ട് അലങ്കരിച്ചിരിക്കുന്നു, ഇത് അതിഗംഭീരമായ കാഴ്ചയാണ്.
അയോധ്യ, ഉത്തർപ്രദേശ്
ഏറ്റവും പുണ്യനഗരങ്ങളിലൊന്നായ അയോധ്യ മറ്റേതൊരു നഗരവും ചെയ്യാത്തവിധം ദീപാവലി ആഘോഷിക്കുന്നു. പതിനാലു വർഷത്തെ വനവാസത്തിനുശേഷം സീതയ്ക്കും ലക്ഷ്മണനുമൊപ്പം ശ്രീരാമൻറെ അയോധ്യയിലേക്കുള്ള മടങ്ങിവരവിന്റെഓര്‍മ്മയാണ് ഈ ദിവസം ഇവിടെ ആചരിക്കുന്നത്. ദിനം ആഘോഷിക്കാൻ നഗരം മുഴുവൻ ദിയകളും വർണ്ണാഭമായ ഇലക്ട്രിക് ബൾബുകളും കൊണ്ട് പ്രകാശിക്കുന്നു. 2020-ൽ, 5.84 ലക്ഷം ദിയകൾ കത്തിച്ച് നഗരം ഗിന്നസ് ബുക്ക് ഓഫ് വേൾഡ് റെക്കോർഡിൽ ഇടം നേടിയിരുന്നു.
പുരിഷ്വാഡി, മഹാരാഷ്ട്ര
മുംബൈ-നാസിക് ഹൈവേയിൽ കുന്നിൻ മുകളിലുള്ള ഒരു ചെറിയ ഗ്രാമമാണ് പുരുഷവാദി. ഒരു ഓഫ്‌ബീറ്റ് ദീപാവലി അനുഭവം ആഗ്രഹിക്കുന്നവർക്ക്, പുരുഷ്വാടിയാണ് ഏറ്റവും നല്ല സ്ഥലം. ദീപാവലി ദിനത്തിൽ, ഈ മനോഹരമായ പട്ടണത്തിലെ നിവാസികൾ ഒരുമിച്ച് തീകൂട്ടി ഭക്ഷണം പാകം ചെയ്യുന്നു. ആളുകൾ ഓരോ വീട്ടുകാരെയും വിളക്കിൽ എണ്ണ ഒഴിക്കാൻ ക്ഷണിക്കുന്നതാണ് മറ്റൊരു പരിപാടി.
ജയ്പൂര്‍
അലങ്കാരത്തിന്റെ കാഴ്ചകളാണ് ദീപാവലിയില്‍ ജയ്പൂരിന്‍റെ ആകര്‍ഷണം. പരമാവധി അലങ്കരിച്ചു നിര്‍ത്തിയിരിക്കുന്ന മാര്‍ക്കറ്റ് കാഴ്ചകള്‍ നിങ്ങളെ അറിയാതെ അതിനുള്ളിലെത്തിക്കും. പ്രദർശനങ്ങളും നാടൻ പ്രകടനങ്ങളും ദീപാവലി കാലത്തെ ഇവിടുത്തെ പ്രധാന കാഴ്ചകളില്‍ ഒന്നാണ്.
ദീപാവലി 2021: അഞ്ച് ദിവസം നീണ്ടു നില്‍ക്കുന്ന ആഘോഷങ്ങളും വിശ്വാസങ്ങളും
പിസയിലെ ചെരിഞ്ഞ ഗോപുരത്തേക്കാളും ചെരിഞ്ഞ ക്ഷേത്രം! വാരണാസിയിലെ അത്ഭുതം
