യാത്രാരംഗത്ത് ഈ അടുത്തകാലത്ത് ഏറെ മാറ്റങ്ങൾ കൊണ്ടുവന്ന കാര്യങ്ങളിലൊന്നാണ് ഇ- വിസ അഥവാ ഇലക്ട്രോണിക് വിസകൾ. വളരെ വർഷങ്ങളായി ഇ-വിസകൾ വന്നിട്ടെങ്കിലും ഇപ്പോൾ മാത്രമാണ് കുറേയധികം രാജ്യങ്ങൾ ഇ-വിസകൾക്ക് അനുമതി നല്കുന്നത്. അന്താരാഷ്ട്ര യാത്രകലെ കൂടുതൽ എളുപ്പമുള്ളതാക്കുന്നതിന് ഇ-വിസകളുടെ പങ്ക് ചെറുതല്ല. എന്താണ് ഇ വിസയെന്നും ഇതിന്റെ പ്രത്യേകതകൾ എന്തൊക്കെയാണെന്നും നോക്കാം
ആവശ്യമായ രേഖകൾ
കുറഞ്ഞത് ആറുമാസത്തെ കാലാവധിയുള്ള സാധുവായ പാസ്പോർട്ട്.
പാസ്പോർട്ട് സൈസ് ഫോട്ടോഗ്രാഫുകൾ.
ക്ഷണക്കത്ത് Invitation(ആവശ്യമെങ്കിൽ)
ചോദിച്ചാൽ മറ്റേതെങ്കിലും പ്രസക്തമായ അനുബന്ധ രേഖകൾ
ട്രാവൽ ഇൻഷുറൻസ്,
തിരിച്ചുപോകുവാനുളള ഫ്ലൈറ്റ് ടിക്കറ്റ്, താമസ സൗകര്യം ഉറപ്പു വരുത്തുന്ന രേഖകൾ തുടങ്ങിയവ നിങ്ങളുടെ സന്ദര്ശനത്തിനും യാത്രാ ലക്ഷ്യത്തിനും കാലാവധിക്കും അനുസരിച്ച് ചോദിക്കാം.
ഇ-വിസയ്ക്ക് ആവശ്യമായ രേഖകൾ രാജ്യത്തിനനുസരിച്ച് മാറ്റത്തിന് വിധേയമാണ്.
ഇന്ത്യൻ പാസ്പോർട്ട് ഉടമകൾക്ക് ഇ വിസ അനുവദിക്കുന്ന രാജ്യങ്ങൾ
അംഗോള, ബെനിൻ, ബോട്സ്വാന, കോട്ട് ഡി ഐവയർ, ജിബൂട്ടി, എത്യോപ്യ, ഗാബോൺ, ഗിനിയ, കെനിയ, ലെസോത്തോ, മലാവി, റുവാണ്ട, സാവോ ടോം ആൻഡ് പ്രിൻസിപെ, ദക്ഷിണാഫ്രിക്ക, സൗത്ത് സുഡാൻ, ഉഗാണ്ട,സുരിനാം, അർമേനിയ, കംബോഡിയ, ഇറാൻ, കിർഗിസ്ഥാൻ, ലാവോസ്, മലേഷ്യ, മ്യാൻമർ, സിംഗപ്പൂർ, ശ്രീലങ്ക, താജിക്കിസ്ഥാൻ, ഉസ്ബെക്കിസ്ഥാൻ, വിയറ്റ്നാം, അസർബൈജാൻ, ജോർജിയ, റഷ്യ, ഉക്രെയ്ൻ, ബഹ്റൈൻ, തുർക്കി, പാപ്പുവ ന്യൂ ഗിനിയ, ആന്റിഗ്വ ബാർബുഡ എന്നീ രാജ്യങ്ങളാണ് നിബന്ധനകൾക്ക് അനുസരിച്ച് ഇന്ത്യൻ പാസ്പോർട്ട് ഉടമകൾക്ക് ഇ വിസ അനുവദിക്കുന്ന രാജ്യങ്ങൾ