കോളിവുഡിനും മോളിവുഡിനും മാത്രമല്ല, അങ്ങ് ബോളിവുഡില് വരെ കേരളത്തിനാരാധകരുണ്ടത്രെ..കാരണം എന്താണന്നറിയുമോ...ദൈവത്തിന്റെ സ്വന്തം നാടിന്റെ ആരെയും ആകര്ഷിക്കുന്ന കാഴ്ചകളാണ് സിനിമാക്കാര്ക്കിടയില് കേരളത്തെ ഉയര്ത്തിനിര്ത്തുന്നത്. കേരളത്തില് ഒരുസീനെങ്കിലും ചിത്രീകരിക്കാത്ത അന്യഭാഷാ സിനിമകള് ഇല്ല എന്ന് ഉറപ്പിച്ചു പറയാന് സാധിക്കുന്നതിന്റെ കാരണവും ഇതുതന്നെയാണ്.
സിനിമാക്കാര് തേടിയെത്തുന്ന കേരളത്തിലെ കൊതിപ്പിക്കുന്ന ലൊക്കേഷനുകള്...
കേരളത്തിന്റെ ഹോളിവുഡ് എന്നറിയപ്പെടുന്ന സ്ഥലമാണ് തൊടുപുഴ. വെള്ളച്ചാട്ടങ്ങളും അണക്കെട്ടും കാടും പ്രകൃതി രമണീയമായ കാഴ്ചകളും ക്ഷേത്രങ്ങളിം കുന്നും ഒക്കെ കൂടിയഇ ഇവിടെ മിക്കവാറും ദിവസങ്ങളില് സിനിമാ ഷൂട്ടിങ്ങ് ഉണ്ടാവാറുണ്ട്. മലയാലം സിനിമയുടെ ഏറ്റവും പ്രശസ്തവും ജനപ്രീതിയുള്ളതുമായ ഷൂട്ടിങ്ങ് ലൊക്കേഷനാണിത്.
കിഴക്കിന്റെ വെനീസ് എന്നറിയപ്പെടുന്ന ആലപ്പുഴ മിക്കവാറും സിനിമാക്കാരുടെ ഭാഗ്യ ലൊക്കേഷനാണ്. ആലപ്പുഴയുടെ ഗ്രാമീണഭംഗി അതേപോലെ ഒപ്പിയെടുത്ത ഒരു ചിത്രം ഉണ്ട്. ആമ്മേന്. ആലപ്പുഴയെ മനസ്സിലാക്കാനും അവിടെ പകര്ത്താന് മറ്റൊരു സ്ഥലവും ഇല്ലാത്ത രീതിയിലാണ് ആലപ്പുഴയെ സിനിമകളില് കാണിച്ചിരിക്കുന്നത്.
മണിച്ചിത്രത്താഴ്, മാനത്തെ കൊട്ടാരം തുടങ്ങിയ സിനിമകളില് പ്രത്യക്ഷപ്പെട്ട് ആളുകളുടെ മനസ്സില് ഇടം നേടിയ ഹില് പാലസ് എറണാകുളം ജില്ലയിലെ തൃപ്പൂണിത്തുറയിലാണ് സ്ഥിതി ചെയ്യുന്നത്.
കേരളത്തിലെ ഏറ്റവം വലിയ പുരാവസ്തു മ്യൂസിയവും കൊച്ചി രാജാക്കന്മാരുടെ ഭരണകേന്ദ്രവുമായിരുന്നു ഇവിടം.
അറബിക്കടലിലേക്ക് വാതില് തുറന്നു നില്ക്കുന്ന ചന്ദ്രഗിരി കോട്ട മലബാറിലെ പ്രശസ്തമായ ഷൂട്ടിങ് ലൊക്കേഷനുകളില് ഒന്നാണ്. ചന്ദ്രഗിരി പുഴയുടെ തീരത്തായാണ് ഇവിടം സ്ഥിതി ചെയ്യുന്നത്. കാസര്കോഡു നിന്നും 15 മിനിറ്റ് ദൂരം മാത്രമേ ഇവിടേക്കുള്ളു.
മലബാറിന്റെ ഭംഗി തേടി അലയുന്ന സിനിമാക്കാര്ക്കിടയില് പ്രശസ്തമായ സ്ഥലമാണ് കണ്ണൂര് ജില്ലയിലെ തലശ്ശേരി. ആധുനികതയുടെയും പഴമയുടെയും മിശ്രിതമായ അനുഭവമാണ് ഈ കൊച്ചു പട്ടണത്തിന്റെ പ്രത്യേകത. തലശ്ശേരി കടല്പ്പാലവും നിരവധി സിനിമകളില് മുഖം കാണിച്ചിട്ടുണ്ട്.
ഇന്ത്യയിലെ പ്രശസ്തമായ വന്യജീവി സങ്കേതങ്ങളിലൊന്നാണ് ഇടുക്കിയിലെ പെരിയാര് വൈല്ഡ് ലൈഫ് സാങ്ച്വറി. കാടിന്റെ ദൃശ്യങ്ങളും ബോട്ടിങ്ങുമാണ് ഇവിടേക്ക് സിനിമാക്കാരെ ആകര്ഷിക്കുന്നത്.
മലയാള സിനിമ പ്രശസ്തമാക്കിയ മറ്റൊരു സ്ഥലമാണ് പത്തനംതിട്ട ജില്ലയിലെ ഗവി. വശ്യമായ ഭംഗിയും പ്രകൃതി സൗന്ദര്യവും കൊണ്ട് ആരെയും ആകര്ഷിക്കുന്ന ഇവിടം ഇന്ന് പ്രശസ്തമായ ഒരു വിനോദ സഞ്ചാര കേന്ദ്രമാണ്.
ഇയ്യോബിന്റെ പുസ്തകത്തില് സഹോദരന് അലോഷിയെ അക്രമിക്കാന് വരുന്ന രംഗങ്ങള് അതിമനോഹരമായി ചിത്രീകരിച്ചിരിക്കുന്ന സ്ഥലമാണ് അഞ്ചുരുളി തുരങ്കം. പുറംലോകത്തിന് അത്രയൊന്നും പരിചിതമല്ലാത്ത, മൂന്നര കിലോമീറ്ററോളം ദൂരത്തില് നീണ്ടുകിടക്കുന്ന അഞ്ചുരുളിയെന്ന സ്ഥലം അത്ഭുതം മാത്രം ഉണര്ത്തുന്ന ഒരിടമാണ്.
കട്ടപ്പനയില് നിന്നും ഏലപ്പാറ വഴി ഒന്പതു കിലോമീറ്റര് ദൂരത്തിലാണ് അഞ്ചുരുളി സ്ഥിതി ചെയ്യുന്നത്. കാഞ്ചിയാര് കക്കാട്ടുകട ജംങ്ഷനില് നിന്നും 2.5 കിലോമീറ്റര് സഞ്ചരിച്ചാല് ടണലിനടുത്തെത്താം.