Search
  • Follow NativePlanet
Share
» »വാറങ്കലും കരീംനഗറും പിന്നെ അനനന്തഗിരിയും! തെലുങ്കുനാ‌ട്ടിലെ കാഴ്ചകളിലൂടെ

വാറങ്കലും കരീംനഗറും പിന്നെ അനനന്തഗിരിയും! തെലുങ്കുനാ‌ട്ടിലെ കാഴ്ചകളിലൂടെ

കാലേശ്വരം, ശ്രീശൈലം, ദ്രാക്ഷരം എന്നീ മൂന്നു ക്ഷേത്രങ്ങള്‍ ചേര്‍ന്ന ത്രിലിംഗ ദേശമാണ് പിന്നീട് തെലുങ്കാന എന്ന പേരിലായതെന്നാണ് ചരിത്രം പറയുന്നത്

താരതമ്യേന പുതിയ സംസ്ഥാനമായതിനാല്‍ സഞ്ചാരികള്‍ അധികമൊന്നും 'എക്സ്പ്ലോര്‍' ചെയ്തിട്ടില്ലാത്ത ഒരു നാടാണ് തെലുങ്കാന. ആത്മീയതയും ചരിത്രവും ഇഷ്ടപ്പെടുന്നവര്‍ക്ക് ധൈര്യമായി തിരഞ്ഞെടുക്കുവാന്‍ സാധിക്കുന്ന തെലുങ്കാന, സ്ഥിരം സാഹസിക-അടിച്ചുപൊളി സഞ്ചാരികളേക്കാള്‍ ഇഷ്‌ടമാവുക യാത്രയില്‍ ശാന്തത ആഗ്രഹിക്കുന്നവര്‍ക്കാണ്.

കാലേശ്വരം, ശ്രീശൈലം, ദ്രാക്ഷരം എന്നീ മൂന്നു ക്ഷേത്രങ്ങള്‍ ചേര്‍ന്ന ത്രിലിംഗ ദേശമാണ് പിന്നീട് തെലുങ്കാന എന്ന പേരിലായതെന്നാണ് ചരിത്രം പറയുന്നത്. വാറങ്കലിലെ ശാന്തമായ പഖാൽ തടാകവും ഇന്ത്യയുടെ തെക്കൻ സമതലങ്ങളിലെ ഏറ്റവും വലിയ ഡാമായ - നാഗാർജുന സാഗർ ഡാമും ഒക്കെയായി കാഴ്ചകളിങ്ങനെ ഇവിടെ നിരവധിയാണ്.

ആദിലാബാദ്

ആദിലാബാദ്


തെലങ്കാനയ്ക്കും മഹാരാഷ്ട്രയ്ക്കും ഇടയിൽ സ്ഥിതി ചെയ്യുന്ന ആദിലാബാദ് തെലങ്കാനയിലെ ഏറ്റവും പ്രശസ്തമായ വിനോദ സഞ്ചാര കേന്ദ്രമാണ്. വേനല്‍ക്കാലത്താണ് ഇവിടേക്ക് കൂടുതലും സഞ്ചാരികള്‍ എത്തുന്നത്., പ്രകൃതി ഭംഗിയാണ് പ്രദേശത്തിന്റെ മുഖ്യാകര്‍ഷണം. പച്ചപ്പും കാടും വെള്ളച്ചാട്ടങ്ങളും ഇവിടെ എവിടെ തിരിഞ്ഞാലും കാണുവാന്‍ സാധിക്കും. മനോഹരമായ വനങ്ങൾ, താഴ്‌വരകൾ, നദികൾ എന്നിവയാണ് ഇവിടെ കാണേണ്ടത്.

അനന്തഗിരി

അനന്തഗിരി

മലയാളികള്‍ക്ക് മൂന്നാര്‍ എന്നതുപോലെയാണ് തെലുങ്കാനക്കാര്‍ക്ക് അനന്തഗിരി. ഹൈദരാബാദില്‍ നിന്നും 80 കിലോമീറ്റര്‍ അകലെയായി സ്ഥിതി ചെയ്യുന്ന ഇവിടം സിറ്റി ജീവിതത്തിന്റെ തിരക്കുകളില്‍ നിന്നും പൊടിപ‌ടലങ്ങളില്‍ നിന്നും ശാന്തതയും ശുദ്ധവായുവും തേടി എത്തുന്നവരുടെ കേന്ദ്രമാണ്. 350 വർഷം മുമ്പ് നിസാം നവാബുകൾ നിർമ്മിച്ച അനന്ത പത്മനാഭ സ്വാമി ക്ഷേത്രത്തില്‍ നിന്നുമാണ് ഇവി‌ടം അനന്തഗിരിയായി മാറുന്നത്. ഇതിനടുത്തായി ശിവക്ഷേത്രവും അതിനെ ചുറ്റിയഒരു തടാകവും കാണാം.

മേഡക് കോട്ട

മേഡക് കോട്ട

ഹൈദരാബാദിൽ നിന്ന് 100 കിലോമീറ്റർ അകലെയാണ് മേഡക് കോട്ട സ്ഥിതി ചെയ്യുന്നത്. തെലങ്കാനയിലെ ഏറ്റവും പ്രശസ്തമായ ചരിത്ര സ്ഥലങ്ങളിൽ ഒന്നാണിത്. ഹിന്ദു, ഇസ്ലാമിക വാസ്തുവിദ്യാ ശൈലികളുടെ സമന്വയമുള്ള നിര്‍മ്മിതിയാണിത്. മേ ഇതിനു മുകളിലെത്തണമെങ്കില്‍ 550 പടികളാണ് കയറേണ്ടത്. ഏറെക്കുറെ തകര്‍ന്ന അവസ്ഥയിലാണെങ്കിലും ഇത് ഇപ്പോഴും വർഷം തോറും പതിനായിരക്കണക്കിന് ആളുകളെ ആകർഷിക്കുന്നു.

യാത്രകള്‍ നഷ്ടമാവില്ല! വീട്ടിലിരുന്നും താജ് മഹല്‍ കാണാം.. ഒപ്പം വേറെയും ഇടങ്ങളുംയാത്രകള്‍ നഷ്ടമാവില്ല! വീട്ടിലിരുന്നും താജ് മഹല്‍ കാണാം.. ഒപ്പം വേറെയും ഇടങ്ങളും

വാറങ്കല്‍

വാറങ്കല്‍

പുരാതന സ്ഥലങ്ങളും ക്ഷേത്രങ്ങളും ചേര്‍ന്ന് പ്രസിദ്ധമാക്കിയ വാറങ്കല്‍ തെലുങ്കാനയുടെ ചരിത്രത്തിലെ തന്നെ ഏറ്റവും പ്രധാന ഇടമാണ്. ഹൈദരാബാദിന് ശേഷം തെലങ്കാനയിലെ ഏറ്റവും പ്രധാനപ്പെട്ട രണ്ടാമത്തെ നഗരമാണിത്. മധ്യകാലഘട്ടത്തിൽ കകതിയ രാജവംശത്തിന്റെ തലസ്ഥാനമായിരുന്ന ഈ ചരിത്ര നഗരം നിരവധി ചരിത്ര സ്ഥലങ്ങളുടെ ആവാസ കേന്ദ്രമാണ്. കെട്ടുകഥകൾ അനുസരിച്ച്, വാറങ്കൽ നഗരം മുഴുവൻ ഒരൊറ്റ പാറയിൽ നിന്ന് കൊത്തിയെടുത്തതാണെന്നും വിശ്വസിക്കപ്പെടുന്നു.

വെമുലവാഡ

വെമുലവാഡ

മേളവാഗു അരുവിയുടെ നദീതീരത്ത് സ്ഥിതി ചെയ്യുന്ന വെമുലവാഡ തെലങ്കാനയിലെ ഏറ്റവും മികച്ച ശൈത്യകാല സ്ഥലങ്ങളിൽ ഒന്നാണ്. മികച്ച ചാലൂക്യ വാസ്തുവിദ്യയുടെ ഉദാഹരണത്തെ പ്രതിനിധീകരിക്കുന്ന ക്ഷേത്രങ്ങളുടെയും കോട്ടകളുടെയും അവശിഷ്ടങ്ങൾ ഇവിടെക്ക് കൂടുതല്‍ ചരിത്രകാരന്മാരെയും ചരിത്ര സഞ്ചാരികളെയും ആകര്‍ഷിക്കുന്നു. ന്ന ശിവന്റെ ആൾരൂപമായ രാജരാജേശ്വര സ്വാമിയുടെ ക്ഷേത്രം ഇവിടുത്തെ മറ്റൊരു ആകര്‍ഷണമാണ്.

കരീംനഗര്‍

കരീംനഗര്‍

സമ്പന്നമായ ചരിത്രവും സംസ്കാരവുമുള്ള നാടാണ് കരീംനഗർ. എൽഗണ്ടൽ ഹിൽ-ഫോർട്ട്, രാമഗിരി ഫോർട്ട്, ജഗ്‌തിയൽ ഫോർട്ട് തുടങ്ങിയ നിരവധി ചരിത്ര ആകര്‍ഷണങ്ങള്‍ ഇവിടെ കാണാം. . വന്യജീവി പ്രേമികൾക്കും ഫോട്ടോഗ്രാഫര്‍മാര്‍ക്കും നിരവധി മികച്ച ഷോട്ടുകളും കാഴ്ചകളും ഇവിടെ നിന്നും ലഭിക്കും. ശിവാരം വന്യജീവി സങ്കേതമാണ് ഇവിടുത്തെ മറ്റൊരു ആകര്‍ഷണം.

 മഹാബുൽനഗര്‍

മഹാബുൽനഗര്‍

ബഹാമികൾ, ചാലൂക്യർ, ഗൊൽക്കൊണ്ട നവാബ്സ്, വിജയനഗർ എന്നീ മഹാരാജാക്കന്മാരാണ് മഹാബുൽനഗറിൽ ഭരിച്ചിരുന്നത്. തുംഗഭദ്ര, കൃഷ്ണ നദികൾ മഹാബൂബ് നഗറിലൂടെ ഒഴുകുന്നു, ഇത് തെലങ്കാനയിലെ പ്രശസ്തമായ ശൈത്യകാല കേന്ദ്രമാണ്. . ജുലാര ഡാം, ആലാംപൂർ, കൊയ്‌ൽകോണ്ട കോട്ട, പിള്ളലാമരി, ഗദ്‌വാൾ കോട്ട, കൊല്ലാപൂർ തുടങ്ങി നിരവധി വിനോദസഞ്ചാര കേന്ദ്രങ്ങൾ തെലങ്കാനയിലുണ്ട്. ഈ ഹോട്ട്‌സ്‌പോട്ടുകളെല്ലാം ഇവിടെ ഒന്നോ രണ്ടോ ദിവസം ചിലവഴിച്ച് കാണുവാന്‍ സാധിക്കുന്നതാണ്.

യാദഗിരിഗുട്ട

യാദഗിരിഗുട്ട

വേദഗിരി എന്നും അറിയപ്പെടുന്ന യാദഗിരിഗുട്ട ഇന്ത്യയിലെ ഏറ്റവും പ്രസിദ്ധവും പ്രാധാന്യവുമുള്ള മതപരമായ സ്ഥലങ്ങളിൽ ഒന്നാണ്. യാദഗിരിഗുട്ട ക്ഷേത്രത്തില്‍ നൂറുകണക്കിന് വിശ്വാസികളാണ് ആരാധിക്കുവാനായി എത്തുന്നത്.കുന്നിൻ പാറയിൽ 300 അടി ഉയരത്തിൽ സ്ഥിതിചെയ്യുന്ന ഒരു ഗുഹാക്ഷേത്രമാണ് യാദഗിരിഗുട്ട, വിഷ്ണുവിന്റെ അവതാരത്തിനായാണ് ഇത് സമർപ്പിച്ചിരിക്കുന്നത്. വിഷ്ണു തന്റെ വേദങ്ങളെല്ലാം അമൂല്യമായി കരുതുന്നത് ഇവിടെയാണെന്നും വിശ്വസിക്കപ്പെടുന്നു.

തകര്‍ന്ന കപ്പലും വെള്ളത്തിനടിയിലായ നഗരവും!! ആഴക്കടല്‍ മ്യൂസിയങ്ങളിലെ അത്ഭുതങ്ങള്‍തകര്‍ന്ന കപ്പലും വെള്ളത്തിനടിയിലായ നഗരവും!! ആഴക്കടല്‍ മ്യൂസിയങ്ങളിലെ അത്ഭുതങ്ങള്‍

രാമഗുണ്ടം.

രാമഗുണ്ടം.

കരീംനഗറിൽ നിന്നും വാറങ്കലിൽ നിന്നും എളുപ്പത്തിൽ എത്തിച്ചേരുവാന്‍ സാധിക്കുന്ന ഇടമാണ് രാമഗുണ്ടം. പഴയ തുറമുഖ നഗരത്തിൽ സ്ഥിതി ചെയ്യുന്ന രാമ സങ്കേതം പോലുള്ള വിനോദസഞ്ചാര കേന്ദ്രങ്ങൾ നിങ്ങൾക്ക് ഇവിടെ സന്ദർശിക്കാം. കൂടാതെ സന്ദർശിക്കേണ്ട മറ്റൊരു ഹോട്ട്‌സ്പോട്ട് രാമഗുണ്ടം ഡാം ആണ്, ഇത് ദക്ഷിണേന്ത്യയിലെ ഏറ്റവും മികച്ച ഡാമുകളിലൊന്നാണ്. തെലുങ്കാനയിലെ മറ്റിടങ്ങളില്‍ നിന്നും വ്യത്യസ്തമായി വളരെ ശാന്തമായ അന്തരീക്ഷമാണ് ഇവിടെയുള്ളത്.

ബസാര

ബസാര

വിജ്ഞാനദേവിയായ സരസ്വതി ദേവിക്കായി സമര്‍പ്പിച്ചിരിക്കുന്ന നഗരമാണ് ബസാര. രാജ്യത്തിന്റെ വിവിധ ഭാഗങ്ങളിൽ നിന്നുള്ള ആളുകൾ വരുന്ന സരസ്വതി ക്ഷേത്രമാണ് ബസാരയെ ശ്രദ്ധേയമായ സ്ഥലമാക്കി മാറ്റുന്നത്. ഇന്ത്യയിലെ ഏറ്റവും പ്രിയപ്പെട്ട സരസ്വതി ക്ഷേത്രങ്ങളിലൊന്നായതിനാൽ ഈ ക്ഷേത്രം അതിന്റെ രീതിയിൽ പുതുമയുള്ളതാണ്. ഗോദാവരി നദിയുടെ തീരത്ത് സ്ഥിതി ചെയ്യുന്ന ബസറ, തെലങ്കാനയിൽ വേനൽക്കാലത്ത് കാണേണ്ട സ്ഥലങ്ങളിൽ ഒന്നാണ്.

ലോകത്തിലെ ഏറ്റവും മനോഹരമായ പത്ത് റോഡുകള്‍! ഇന്‍സ്റ്റഗ്രാമിലും ഇവര്‍ തന്നെ താരം!ലോകത്തിലെ ഏറ്റവും മനോഹരമായ പത്ത് റോഡുകള്‍! ഇന്‍സ്റ്റഗ്രാമിലും ഇവര്‍ തന്നെ താരം!

സൗത്ത് എന്നും പൊളിയാണ്! ഇതാ സൗത്ത് ഇന്ത്യയിലെ ഏറ്റവും മികച്ച റോഡ് ട്രിപ്പുകള്‍സൗത്ത് എന്നും പൊളിയാണ്! ഇതാ സൗത്ത് ഇന്ത്യയിലെ ഏറ്റവും മികച്ച റോഡ് ട്രിപ്പുകള്‍

Read more about: travel tips history temples fort
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X