ഡെസ്റ്റിനേഷൻ വെഡ്ഡിങ്- കഴിഞ്ഞ കുറച്ചു നാളുകളായി വിവാഹരംഗത്തെ ഏറ്റവും ട്രെൻഡിങ് കാര്യങ്ങളിലൊന്നാണ് ഡെസ്റ്റിനേഷൻ വെഡ്ഡിങ്. തങ്ങളുടെ ജീവിതത്തിലെ ഏറ്റവും പ്രധാന ദിവസം ഒരു സ്വപ്നം പോലെ പൂര്ത്തിയാക്കുവാൻ ആഗ്രഹിക്കാത്തവർ കാണില്ല. കൈകൾ പരസ്പരം ചേർത്തുപിടിക്കുന്ന ആ നിമിഷം തങ്ങള് ആഗ്രഹിച്ചതുപോലെ സാക്ഷാത്കരിക്കുവാൻ ഏതറ്റംവരെയും പോകുവാൻ ഇന്ന് ആളുകൾ തയ്യാറാണ്. ഇതുതന്നെയാണ് ഡെസ്റ്റിനേഷൻ വെഡ്ഡിങ്ങിൻറെ വിജയവും.
നാടോടിക്കഥകളിൽ കേട്ടതുപോലെ കുതിരപ്പുറത്ത് വന്നെത്തുവാനാണോ ആഗ്രഹം, അതോ കടലിനെയും തിരയെയും സാക്ഷിയാക്കി ജീവിതത്തിന്റെ പുതിയ ഘട്ടത്തിലേക്കു പ്രവേശിക്കുവാനാണോ ഇഷ്ടം.. എന്താഗ്രഹമാണെങ്കിലും ലോകത്തിന്റെ ഏതു കോണിലാണെങ്കിലും നിങ്ങൾക്ക് ഡെസ്റ്റിനേഷൻ വെഡ്ഡിങ് നടത്താം. നിങ്ങളുടെ ആഗ്രഹത്തിനനുസരിച്ചുള്ള വിവാഹവേദിയുമായി കേരളവും മുന്നിലുണ്ട്. ഇന്ത്യയിലെ ഏറ്റവും മികച്ച ഡെസ്റ്റിനേഷൻ വെഡ്ഡിങ് കേന്ദ്രമായ കേരളത്തിലെ സ്ഥലങ്ങളെക്കുറിച്ച് വായിക്കാം.
Cover PC: Anna Vi/Unsplash
കോഴിക്കോട്
ഡെസ്റ്റിനേഷൻ വെഡ്ഡിങ് എന്ന പട്ടികയിലേക്ക് കോഴിക്കോട് ഇതുവരെ വന്നിട്ടില്ലെങ്കിലും തീർച്ചയായും പരിഗണിക്കുവാൻ പറ്റിയ സ്ഥലമാണ് കോഴിക്കോട്. നഗരത്തിരക്കിൽ നിന്നും മാറി ശാന്തമനോഹരമായ ഒരുപാട് ഇടങ്ങൾ കോഴിക്കോട് ഉണ്ട്. വയലട, കരിയാത്തുംപാറ തുടങ്ങിയ സ്ഥലങ്ങളിലെ റിസോർട്ടുകള് ഇതിനായി തിരഞ്ഞെടുക്കാം. സാധ്യതകൾ ഒരുപാട് അവകാശപ്പെടുവാൻ സാധിക്കില്ലെങ്കിലും ഭാവിയിൽ ഒരു ഡെസ്റ്റിനേഷൻ വെഡ്ഡിങ് ഇടമായി കോഴിക്കോട് മാറിയേക്കും.
സ്വന്തം വിവാഹത്തിന് കുറച്ച് വെറൈറ്റി വേണമെന്നുണ്ടെങ്കിൽ കേരളം മികച്ച തിരഞ്ഞെടുപ്പാണ്. അണ്ടര്വാട്ടര് വെഡ്ഡിങ് എന്ന സ്വപ്നം യാഥാർത്ഥ്യമാക്കുവാൻ പറ്റിയ ഇഷ്ടംപോലെ സ്ഥലങ്ങൾ കേരളത്തിലുണ്ട്. അതിലുപരിയായി അണ്ടര്വാട്ടര് വെഡ്ഡിങ് ഫോട്ടോഗ്രഫിയിൽ പ്രാവീണ്യമുള്ള, രാജ്യത്തെ തന്നെ ഏറ്റവും മികച്ച പോട്ടോഗ്രാഫർമാരില് ചിലരും കേരളത്തില് നിന്നുമാണ്. രാജ്യത്തെ തന്നെ ആദ്യത്തെ അണ്ടര്വാട്ടര് വെഡ്ഡിങ് നടന്നത് കോവളത്താണ് എന്നതും ഇതിനൊപ്പം ഓർമ്മിക്കാം.