യാത്രികരെ സംബന്ധിച്ചെ‌ടുത്തോളം വൈവിധ്യങ്ങളുടെ ഒരു പാക്കേജ് തുറക്കുന്ന നാ‌ടാണ് തമിഴ്നാട്.. അതിമനോഹരങ്ങളായ ക്ഷേത്രങ്ങളും ആചാരങ്ങളും ദേവാലയങ്ങളും പിന്നെ ബീച്ചുകളും വെള്ളച്ചാ‌ട്ടവും ചരിത്രത്തോട് ചേര്‍ന്നു നില്‍ക്കുന്ന നിര്‍മ്മിതികളും കാപ്പിത്തോ‌ട്ടങ്ങളും കാടുമെല്ലാമായി അതിശയിപ്പിക്കുന്ന ഒരു നാട്. അതുകൊണ്ടു തന്നെ ഒരു സംശയവുമില്ലാതെ തീരെ ചെറിയ യാത്രകള്‍ക്കും വലിയ യാത്രകള്‍ക്കുമെല്ലാം ഇവിടം തിരഞ്ഞെടുക്കാം. ഇതാ ഏപ്രില്‍ മാസത്തില്‍ തമിഴ്നാട്ടില് കണ്ടിരിക്കേണ്ട പ്രധാന ഇ‌ടങ്ങളെക്കുറിച്ച് വായിക്കാം....
ധനുഷ്കോ‌ടി
പ്രേതനഗരം എന്നും ഉപേക്ഷിക്കപ്പെട്ട നഗരം എന്നും അറിയപ്പെ‌ടുന്ന ധനുഷ്കോ‌ടി ഏപ്രിലിലെ യാത്രകള്‍ക്ക് പറ്റിയ ഇടമാണ്. പ്രത്യേകിച്ച് തിരക്കുള്ള ഇ‌‌ടങ്ങള്‍ ഇഷ്ടമല്ലാത്ത ഒരാളാണ് നിങ്ങളെങ്കില്‍.. ഉപേക്ഷിക്കപ്പെട്ടു കിടക്കുന്ന ദേവാലയങ്ങളും കെട്ടിടങ്ങളും മണ്ണില്‍ പൂഴ്ന്നുപോയ ചരിത്രവും ഇവിടെ നിന്നും കണ്ടറിഞ്ഞ് വായിച്ചെടുക്കാം, ഈ ബീച്ച് പട്ടണത്തിന്റെ മഹത്വവും സൗന്ദര്യവും നിങ്ങളുടെ യാത്രയെ ഏറെ പ്രത്യേകതയുള്ളതാക്കി മാറ്റും.
ഹൊഗനക്കൽ
വെള്ളച്ചാ‌ട്ടങ്ങളുടെയും സാഹസിക വിനോദത്തിന്‍റെയും കാഴ്ചകളിലേക്ക് ഏപ്രില്‍ മാസത്തില്‍ നിങ്ങളെ സ്വാഗതം ചെയ്യുന്ന ഇടമാണ് ഹൊഗനക്കൽ. ധരംപുരിയിൽ സ്ഥിതി ചെയ്യുന്ന ഈ ചെറിയ ഗ്രാമം കുടുംബ യാത്രകൾക്കും ഒരു ചെറിയ റൊമാന്റിക് അവധിക്കാലത്തിനും നിങ്ങളുടെ സുഹൃത്തുക്കളുമൊത്തുള്ള ഒരു ഓഫ്‌ബീറ്റ് യാത്രയ്ക്കുമുള്ള ഒരു സമ്പൂർണ്ണ ഹോട്ട്‌സ്‌പോട്ടാണ്.
പൊള്ളാച്ചി
മലയാളികള്‍ക്ക് സിനിമകളിലൂടെ പരിചിതമായ പ്രദേശമാണ് പൊള്ളാച്ചി. പൊള്ളാച്ചി ചന്ത മുതല്‍ ഇവിടുത്തെ ഉള്‍ഗ്രാമങ്ങള്‍ വരെ ഒരു കാലത്ത് മലയാള സിനിമകളുടെ പ്രധാനപ്പെട്ട ഷൂ‌ട്ടിങ് ലൊക്കേഷന്‍ ആയിരുന്നു. ഏപ്രിലിൽ തമിഴ്‌നാട്ടിൽ സന്ദർശിക്കേണ്ട ഏറ്റവും മികച്ച സ്ഥലങ്ങളിലൊന്നായ പൊള്ളാച്ചി, കോയമ്പത്തൂരിന്റെ തെക്ക് താഴെയാണ് സ്ഥിതി ചെയ്യുന്നത്. പ്രകൃതിദൃശ്യങ്ങൾ ആണ് ഇവിടുത്തെ പ്രത്യേകത. ടോപ്‌സ്ലിപ്പ് ടൈഗർ റിസർവ്, അണ്ണാമലൈ വന്യജീവി സങ്കേതം തുടങ്ങിയ പ്രശസ്തമായ ആകർഷണങ്ങളും ഇവിടെയുണ്ട്.
യാനം
പുതുച്ചേരി ജില്ലയിലെ ഒരു ചെറിയ നഗരമാണ് യാനം, ഏപ്രിലിൽ തമിഴ്‌നാട്ടിൽ സന്ദർശിക്കാൻ പറ്റിയ സ്ഥലങ്ങളിൽ ഒന്നാണിത്. ചരിത്രവും സംസ്കാരവും ഒരുപോലെ ചേര്‍ന്നു നില്‍ക്കുന്ന പ്രദേശം ഇത്തരം കാര്യങ്ങളില്‍ താല്പര്യമുള്ളവര്‍ക്ക് സന്ദര്‍ശിക്കാം. വ്യൂപോയിന്റിൽ നിന്ന് സൂര്യോദയവും സൂര്യാസ്തമയവും ആസ്വദിക്കാനും നഗരത്തിന് ചുറ്റും വ്യാപിച്ചുകിടക്കുന്ന കുറച്ച് വിശുദ്ധ ക്ഷേത്രങ്ങൾ സന്ദർശിക്കാനും കഴിയും. ഫ്രഞ്ച് വാസ്തുവിദ്യയുടെ സ്പർശമുള്ള ചില പഴയ പള്ളികളും നഗരത്തിലുണ്ട്.
നീലഗിരി ഹില്‍സ്
നീലഗിരി കുന്നുകളിൽ സ്ഥിതി ചെയ്യുന്ന മുതുമല ഏപ്രിലിൽ തമിഴ്‌നാട്ടിൽ സന്ദർശിക്കാൻ പറ്റിയ സ്ഥലങ്ങളിൽ ഒന്നാണ്. വന്യജീവി കാഴ്ചകള്‍ക്കും വന്യജീവി സങ്കേതങ്ങള്‍ക്കുമാണ് ഇവിടം പേരുകേ‌ട്ടിരിക്കുന്നത്. പ്രകൃതിയുമായി ചേര്‍ന്നു നില്‍ക്കുവാനും കാഴ്ചകള്‍ കാണുവാനും ഒക്കെ താല്പര്യമുള്ള ആളുകള്‍ക്ക് ഇവിടം സന്ദര്‍ശിക്കാം.
ട്രിച്ചി
ഒരു വാരാന്ത്യത്തിൽ എളുപ്പത്തിൽ പര്യവേക്ഷണം ചെയ്യാൻ കഴിയുന്ന തമിഴ്‌നാട്ടിലെ അതിവേഗം വളർന്നുവരുന്ന നഗരങ്ങളിലൊന്നാണ് ട്രിച്ചി. ക്ഷേത്രങ്ങൾ, പള്ളികൾ എന്നിങ്ങനെ വിനോദസഞ്ചാരികൾക്കായി ഒന്നിലധികം സ്ഥലങ്ങൾ ഇത് വാഗ്ദാനം ചെയ്യുന്നു. ഓരോന്നിനും അതിമനോഹരമായ ഒരു പ്രത്യേകത ഉണ്ട്.
കോയമ്പത്തൂര്‍
കേരളത്തില്‍ നിന്നും എളുപ്പത്തില്‍ പോകുവാന്‍ പറ്റുന്ന ഇടങ്ങളില്‍ ഒന്നാണ് കോയമ്പത്തൂര്‍, പാലക്കാ‌ടിനോട് ചേര്‍ന്നു സ്ഥിതി ചെയ്യുന്ന ഇവിടം തമിഴ്‌നാട്ടിലെ ഏറ്റവും വലിയ നഗരങ്ങളിലൊന്നാണ്. കോയമ്പത്തൂരിലെ മനോഹരമായ വെള്ളച്ചാട്ടങ്ങളും, മനംമയക്കുന്ന മലനിരകളും, ആരാധനാലയങ്ങളും തീർച്ചയായും സന്ദർശിക്കേണ്ടവയാണ് ഈ സ്ഥലം.
തഞ്ചാവൂര്‍
.യാത്രകളുടെയും അനുഭവങ്ങളുടെയും കാര്യത്തില്‍ മറ്റു പല തമിഴ്നാടന്‍ സ്ഥലങ്ങളെയും അപേക്ഷിച്ച് ഏറെ നല്കുവാനുണ്ട് തഞ്ചാവൂരിന്. അതിപുരാതനങ്ങളായ ക്ഷേത്രങ്ങളാണ് ഇവിടുത്തെ പ്രത്യേകത. ചുവര്‍ ചിത്രങ്ങളും സാരികളും കലകളും കരകൗശല വസ്തുക്കളുമെല്ലാം തഞ്ചാവൂരിനെ സഞ്ചാരികള്‍ക്ക് പ്രിയപ്പെ‌ട്ടതാക്കുന്നു.
Click it and Unblock the Notifications
