ഇനിയിപ്പോൾ കുറേ പ്ലാനിങ്ങുകളുടെ സമയമാണ്. ക്രിസ്മസും ന്യൂ ഇയറും എവിടെ ആഘോഷിക്കണം എന്നതു മുതൽ പുതിയ വർഷത്തില് എവിടേക്ക് യാത്ര പോകണം എന്നിങ്ങനെ നിരവധി കാര്യങ്ങളുണ്ട് ചെയ്യുവാൻ. മുന്നത്തെ രണ്ടു വർഷങ്ങള് ഏകദേശം മുഴുവനായി കൊവിഡ് കൊണ്ടുപോയെങ്കിലും 2022 അങ്ങനെയല്ലായിരുന്നു. ആഗ്രഹിച്ച പല യാത്രകളും പലരും പൂർത്തിയാക്കിയ വർഷം കൂടിയാണിത്. എന്നാൽ ഈ യാത്ര പോയ ആളുകളൊക്കെ എവിടെയൊക്കെ സന്ദർശിച്ചിരിക്കും എന്നാലോചിച്ചിരുന്നോ? ഏതൊക്കെ രാജ്യങ്ങളിലേക്കായിരിക്കും ഏറ്റവും കൂടുതൽ സഞ്ചാരികൽ പോയിട്ടുണ്ടാവുക? ഒരുപാട് ആലോചിക്കേണ്ട!2022ൽ ലോകത്തിൽ ഏറ്റവുമധികം ആളുകൾ സന്ദർശിച്ച രാജ്യങ്ങളുടെ പട്ടിക വിമാന ടിക്കറ്റുകളുടെ വിവര ശേഖരണ കമ്പനിയായ ഫോര്വേഡ് കീസ് പുറത്തു വിട്ടിട്ടുണ്ട്.
Cover Image: Wilson Paulino / Unspalsh
ഈജിപ്ത്
2022 ൽ ഏറ്റവുമധികം സഞ്ചാരികളെത്തിയ ഒൻപതാമത്തെ രാജ്യമാണ് ഈജിപ്ത്. പുരാതന ഈജിപ്ഷ്യൻ നാഗരികതയുടെ പേരിലാണ് ഇന്നും ഈജിപ്തിനെ ലോകം അടയാളപ്പെടുത്തിയിരിക്കുന്നത്. പിരമിഡുകൾ, ഫറവോകൾ, മമ്മികൾ, ശവകുടീരങ്ങൾ എന്നിവയാണ് ഇവിടുത്തെ പ്രധാന കാഴ്ചകൾ. ഗിസയിലെ പിരമിഡ് ആണ് ഇവിടെ ഏറ്റവും കൂടുതൽ ആളുകൾ കാണുവാനെത്തുന്ന ഇടം.
പോർച്ചുഗൽ
യൂറോപ്യന് രാജ്യമായ പോര്ച്ചുഗലാണ് ലോകയാത്രികരുടെ പ്രിയപ്പെട്ട രാജ്യങ്ങളില് പത്താം സ്ഥാനം നേടിയത്. ബീച്ച് കാഴ്ചകൾക്കാണ് പോർച്ചുഗൽ പ്രസിദ്ധമായിരിക്കുന്നത്. പൗരാണിക വാസ്തുവിദ്യയിൽ പ്രസിദ്ധമായ കെട്ടിടങ്ങൾ, സമുദ്ര വിഭവങ്ങൾ എന്നിവയ്ക്കും ഇവിടം പ്രസിദ്ധമാണ്.