ശാന്തിയു‌ടെയും സമാധാനത്തിന്‍റെയും ആഘോഷമായ തിരുപ്പിറവി ലോകമെങ്ങും കൊണ്ടാടുന്ന ആഘോഷമാണ്. ബത്ലഹേമിലെ കാലിത്തൊഴുത്തില്‍ ദൈവപുത്രന്‍ മനുഷ്യനായി അവതരിച്ചതിന്‍റെ ഓര്‍മ്മപ്പെടുത്തലാണ് ഓരോ ക്രിസ്മസ് കാലവും. ഒത്തുചേരലിന്‍റെയും പങ്കുവയ്ക്കലിന്‍റെയും സന്ദേശം പകരുന്ന ക്രിസ്മസ് ലോകം ഡിസംബര്‍ 25 ന് ആണ് ആഘോഷിക്കുന്നത്. എന്നാല്‍ ഈ ദിവസം ക്രിസ്മസം ആഘോഷിക്കാത്ത ചില രാജ്യങ്ങളുമുണ്ട്. എതാണ് ഈ രാജ്യങ്ങളെന്നും എന്തുകൊണ്ടാണ് ഇവി‌ടെ ഡിസംബര്‍ 25ന് ക്രിസ്മസ് ആഘോഷിക്കാത്തത് എന്നും നോക്കാം.
ഡിസംബര്‍ 25നു അല്ല ക്രിസ്മസ്
ലോകത്തിലെ മിക്ക രാജ്യങ്ങളും ഡിസംബര്‍ 25 ന് രക്ഷകന്‍റെ പിറവി ആഘോഷിക്കുമ്പോള്‍ ചുരുക്കം ചില രാജ്യങ്ങള്‍ ഈ ദിവസമല്ല ക്രിസ്മസ് ആഘോഷിക്കുന്നത്. മധ്യേഷ്യയിലെയും കിഴക്കന്‍ യൂറോപ്പിലെയും നിരവധി രാജ്യങ്ങള്‍ ഡിസംബറില്‍ ക്രിസ്മസ് ആഘോഷിക്കുന്നവരല്ല.
ജനുവരിയില്‍
ഈ രാജ്യങ്ങളെല്ലാം തന്നെ ക്രിസ്മസ് കഴിഞ്ഞ് 13 ദിവസങ്ങള്‍ക്കു ശേഷമാണ് തങ്ങളുടെ ക്രിസ്മസ് ആഘോഷിക്കുന്നത്. ഈ ക്രിസ്മസ് ആഘോഷം ജനുവരി ജനുവരി 6-ാം തിയതിയോ 7-ാം തിയതിയോ ആയിരിക്കും ക്രിസ്മസ് ആഘോഷം.
കാരണം
വ്യത്യസ്തമായഈ ആഘോഷത്തിനു കാരണം അവര്‍ പിന്തുടരുന്ന കലണ്ടറാണ്. ഡിസംബര്‍ 25 ന് ക്രിസ്മസ് ആഘോഷിക്കുന്നവര്‍ പിന്തുടരുന്നത് ഗ്രിഗോറിയന്‍ കലണ്ടറാണെങ്കില്‍ ഈ രാജ്യങ്ങള്‍ ജൂലിയന്‍ കലണ്ടറാണ് പിന്തുടരുന്നത്.
ഏഷ്യയിലെയും ഈസ്റ്റേണ്‍ യൂറോപ്പിലെയും
ഏഷ്യയിലെയും ഈസ്റ്റേണ്‍ യൂറോപ്പിലെയും ചില രാജ്യങ്ങളിലാണ് ഇതുള്ളത്. ബെലാറസ്, ഈജിപ്ത്, ജോര്‍ജിയ, എത്യോപ്യ, കസാക്കിസ്ഥാന്‍, സെര്‍ബിയ എന്നിവയാണ് ഇതില്‍ പ്രധാനപ്പെട്ട രാജ്യങ്ങള്‍. റഷ്യയുടെ പല ഭാഗങ്ങളിലും ജനുവരി 7 ന് ക്രിസ്മസ് ആഘോഷിക്കുന്നു. ഇറ്റലിയിൽ, ക്രിസ്മസ് ആഘോഷിക്കുന്നത് ജനുവരി ആറിന് എപ്പിഫാനി തിരുന്നാൾ ദിനമായാണ്. ക്രിസ്തീയ വിശ്വാസം അനുസരിച്ച് യേശു ജനിച്ച് 12-ാം ദിവസം,മൂന്ന് പൂജ്യ രാജാക്കന്മാര്‍ സമ്മാനങ്ങളമായി യേശുവിനെ സന്ദർശിച്ചുവെന്ന് വിശ്വസിക്കപ്പെടുന്നു. ഈ കാരണത്താലാണ് ജനുവരി ആറിന് ഇറ്റലി ക്രിസ്മസ് ആഘോഷിക്കുന്നത്.
Click it and Unblock the Notifications
