ഓരോ ചിങ്ങമാസം പ്രതീക്ഷകളോടെയാണ് എത്തുന്നത്... മഴ തോര്ന്ന് സമൃദ്ധിയും ഐശ്വര്യവും പങ്കുവയ്ക്കുവാനെത്തുന്ന പുതുവര്ഷമാണ് മലയാളികള്ക്ക് ചിങ്ങം. ഈ മാസത്തിലെ ക്ഷേത്രദര്ശനങ്ങള്ക്ക് വലിയ ഫലമുണ്ടാകുമെന്നാണ് പൊതുവെ വിശ്വസിക്കപ്പെടുന്നത്. പുതുവര്ഷത്തിന്റെ തുടക്കം ഏറ്റവും മികച്ചതാക്കുവാന് പോയിരിക്കേണ്ട കേരളത്തിലെ പ്രധാന ക്ഷേത്രങ്ങള് പരിചയപ്പെടാം
ചിങ്ങമാസത്തിലെ പൂജകള്ക്ക് പ്രസിദ്ധമായ മറ്റൊരു ക്ഷേത്രമാണ് ശബരിമല ധർമ്മശാസ്താക്ഷേത്രം. 2022 ഓഗസ്റ്റ് 21 വരെ ക്ഷേത്രം ചിങ്ങമാസ പൂജകള്ക്കായി തുറന്നിരിക്കും. വ്രതമെടുത്ത് നിരവധി വിശ്വാസികളാണ് ആ സമയത്ത് ഇവിടെയെത്തുന്നത്. മണ്ഡലമാസത്തെ അപേക്ഷിച്ച് തിരക്കില്ലാതെ ദര്ശനം നടത്തുവാന് സാധിക്കുമെന്നതാണ് ചിങ്ങമാസത്തിലെ പ്രത്യേകത.
വിര്ച്വല് ക്യൂ സംവിധാനത്തിലൂടെ ബുക്ക് ചെയ്ത് അയ്യപ്പഭക്തര്ക്ക് ചിങേങമാസത്തില് ദര്ശനത്തിനായി വരാം. .കൂടാതെ നിലയ്ക്കലില് എത്തിച്ചേരുന്ന അയ്യപ്പഭക്തന്മാര്ക്ക് സ്പോട്ട് ബുക്കിംഗ് സംവിധാനവും ഒരുക്കിയിട്ടുണ്ട്. ഓണത്തിലെ പൂജകള്ക്കായി ക്ഷേത്രം സെപ്റ്റംബര് 6 ന് വൈകിട്ട് തുറക്കുകയും സെപ്റ്റംബര് 10 ന് നട അടയ്ക്കുകയും ചെയ്യും.
ലോകത്തില് തന്നെ ഏറ്റവുമധികം വിശ്വാസികള് എത്തിച്ചേരുന്ന തീര്ത്ഥാടന കേന്ദ്രമായും ശബരിമല അറിയപ്പെടുന്നു.
പറശ്ശിനിക്കടവ് ക്ഷേത്രം
ആശ്രയിച്ചെത്തുന്നവരെ കൈവെടിയാത്ത പറശ്ശിനിക്കടവ് മുത്തപ്പന് മലബാറുകാരുടെ ആശ്രയമാണ്. മനസ്സറിഞ്ഞു വിളിച്ചാല് മുത്തപ്പന് കേള്ക്കുമെന്നും സങ്കടങ്ങള് പരിഹരിച്ച് തരുമെന്നും വിശ്വസിച്ചുപോരുന്നു. സമയമോ ദിവസമോ നോക്കാതെ വിശ്വാസികള്ക്ക് ഏതു നേരവും ധൈര്യപൂര്വ്വം വരാന് കഴിയുന്ന ഇവിടം വടക്കേ കേരളത്തില് ഏറ്റവും കൂടുതല് വിശ്വാസികളെത്തുന്ന സ്ഥലം കൂടിയാണ്.