മഴയൊക്കെ മാറി വന്നതോടെ നിര്ത്തിവെച്ച യാത്രകള് വീണ്ടും തുടങ്ങുവാനുള്ള ഒരുക്കത്തിലാണ് എല്ലാവരും. അതില്തന്നെ പ്രധാനം രാജ്യത്തെ വന്യജീവി സങ്കേതങ്ങള് തേടിയുള്ള യാത്രകളാണ്. മഴക്കാലത്ത് അടച്ചിട്ടിരുന്ന വന്യജീവി സങ്കേതങ്ങളെല്ലാം ഈ ഒക്ടോബര് മാസത്തോടു കൂടി മുഴുവനായും തുറക്കും. മഴകഴിഞ്ഞുള്ള യാത്രയായതിനാല് തന്നെ വളര മനോഹരമായ കാഴ്ചകളാണ് സഞ്ചാരികളെ ഇതിനുള്ളില് കാത്തിരിക്കുന്നത്. ഇതാ ഒക്ടോബര് മാസത്തില് വിവിധ സമയങ്ങളിലായി വീണ്ടും തുറക്കുവാന് പോകുന്ന ഇന്ത്യയിലെ വന്യജീി സങ്കേതങ്ങള് ഏതൊക്കെയാണ് എന്നു നോക്കാം
രൺതംബോർ നാഷണൽ പാർക്ക്, രാജസ്ഥാൻ
കാഴ്ചയ്ക്കു വിരുന്നൊരുക്കുന്ന സ്ഥലമാണ് രാജസ്ഥാനിലെ രൺതംബോർ നാഷണൽ പാർക്ക്. രാജഭകണ കാലത്തെ വേട്ടയാടല് കേന്ദ്രമായിരുന്ന ഇവിടെ അതിന്റെ പല അവശിഷ്ടങ്ങളും ഇന്നും ഇവിടെ കാണാം. അന്ന് കെട്ടിയ കോട്ടയുടെ ഭാഗങ്ങള്, തടാകങ്ങള് ഒക്കെ മനോഹരമായ കാഴ്ചാനുഭവം നല്കുന്നു, രൺതംബോർ കോട്ടയും പദം തലാവോ തടാകവും ഇവിടേക്കുള്ള യാത്രയില് തീര്ച്ചയായും കാണുവാന് ശ്രമിക്കുക. ഇവിടെ ഏതു നിമിഷവും കടുവകള് നിങ്ങള്ക്കു മുന്നില് പ്രത്യക്ഷപ്പെടുവാന് സാധ്യതയുള്ളതിനാല് തയ്യാറായി ഇരിക്കുക.
രൂപത്തിലും വലുപ്പത്തില് അത്ര വലുതല്ലെങ്കിലും മധ്യ പ്രദേശിലെ ബാന്ധവ്ഗഡ് നാഷണൽ പാർക്കിലാണ് , കടുവകളുടെ സാന്ദ്രത ഏറ്റവും കൂടുതലുള്ളത്. അതുകൊണ്ടുതന്നെ വളരെ ചെറിയ യാത്രയാണെങ്കില് പോലും കടുവകള് നിങ്ങളുടെ മുന്നിലെത്തുവാനുള്ള സാധ്യത വളരെ കൂടുതലാണ്. പാറക്കെട്ടുകള് നിറഞ്ഞു കിടക്കുന്ന ഭൂപ്രകൃതിയായതിനാല് ഇതിനുള്ളിലൂടെയുള്ള യാത്ര സാഹസികത നിറഞ്ഞതുമായിരിക്കും.
വന്യജീവി പ്രേമികള്ക്കു എന്തുകൊണ്ടും സന്ദര്ശിക്കുവാന് പറ്റിയ സ്ഥലമാണ് മധ്യപ്രദേശിലും മഹാരാഷ്ട്രയിലും വ്യാപിച്ചുകിടക്കുന്ന പെഞ്ച് നാഷണൽ പാർക്ക്. കടുവകൾ, പുള്ളിപ്പുലികൾ, മടിയൻ കരടികൾ, എന്നിങ്ങനെ നിരവധി ജന്തുക്കളെ ഇവിടെകാണാം. കാഴ്ചയില് അതിമനോഹരമായ വനവും ജൈവവൈവിധ്യവുമാണ് ഇവിടുത്തേത്.
പുള്ളിപ്പുലി, സാമ്പാർ മാൻ, ഇന്ത്യൻ മുണ്ട്ജാക്ക്, ബ്ലാക്ക് ബക്ക്, സ്ലോത്ത് ബിയർ എന്നിങ്ങനെ വ്യത്യസ്തമായ ജീവജാലങ്ങളെ ഒരു യാത്രയില് തന്നെ സ്പോട്ട് ചെയ്യുവാന് പറ്റിയ സ്ഥലമാണ് മധ്യപ്രദേശിലെ സത്പുര നാഷണൽ പാർക്ക്. സന്ദർശകർക്ക് കാൽനടയായി പ്രദേശം പര്യവേക്ഷണം ചെയ്യാൻ അനുവാദമുള്ള ഇന്ത്യയിലെ വളരെ കുറച്ച് വന്യജീവി പാർക്കുകളിൽ ഒന്നുകൂടിയെന്ന പ്രത്യേകതയും ഇതിനുണ്ട്.
മികച്ച കുറച്ച് സമയം വനത്തിനുള്ളില് സമാധാനപൂര്വ്വമായി ചിലവഴിക്കുകയാണ് നിങ്ങളുടെ ലക്ഷ്യമെങ്കില് അതിനു പറ്റിയ സ്ഥലം മധ്യപ്രദേശിലെ പന്ന ദേശീയോദ്യാനം ആണ്. നേരത്തെ പറഞ്ഞ സ്ഥലങ്ങളിലെ പോലെ വന്യജീവികളെ ഇവിടെ കാണുവാന് സാധിക്കില്ലായെങ്കില്പ്പോലും ചിലവഴിക്കുന്ന സമയം ഒരു നഷ്ടമായി ഇവിടെ നിങ്ങള്ക്ക് തോന്നില്ല. പാർക്കിൽ സാധാരണയായി കടുവകളെ കാണുന്നതിന്റെ നിരക്ക് കുറവാണ്