മഴക്കാലവും ട്രക്കിങ്ങും ഒരിക്കലും വേര്പെടുത്തുവാന് പറ്റാത്ത ഒരു കോംബിനേഷനാണ്..കുറച്ച് മഴയും കോടമഞ്ഞുമൊന്നുമില്ലെങ്കില് ട്രക്കിങ്ങൊന്നും പൂര്ണ്ണമാകില്ല എന്നു പറയേണ്ടി വരും. മഴയുടെ ഭാവം പ്രകൃതിയെ കൂടുതല്ഡ മനോഹരിയാക്കി മാറ്റുമ്പോള് എങ്ങനെ യാത്രകളോട് നോ പറയും... ഇതാ ഈ ഓഗസ്റ്റ് മാസത്തില് ഇന്ത്യയില് ചെയ്യുവാന് കഴിയുന്ന ഏറ്റവും മികച്ച ട്രക്കിങ്ങുകള് എന്തൊക്കെയാണെന്നും അവയുടെ പ്രത്യേകതകളും വായിക്കാം
അന്ദര്ബാന് ട്രക്ക്
പശ്ചിമഘട്ടത്തിലെ മണ്സൂണ് യാത്രകളില് ഉള്പ്പെടുടുത്താവുന്ന ഒരു യാത്രയാണ് അന്ദര്ബാന് ട്രക്ക്. സഹ്യാദ്രിയില് മഴക്കാലത്ത് ജീവന്വയ്ക്കുന്ന കാഴ്ചകള് തേടിച്ചെല്ലുവാന് സഞ്ചാരികലെ അനുവദിക്കുന്ന ഈ യാത്ര പേരുപോലെ തന്നെ കനത്ത കാടുകള്ക്കുള്ളിലൂടെയാണ് പോകുന്നത്. താമിനി ഘാട്ടില് 2160 അടി ഉയരത്തിലൂടെയാണ് യാത്ര കടന്നുപോകുന്നത്. ആകെ 13 കിലോമീറ്റര് ദൂരം പിന്നിടുവാനുള്ള യാത്രയ്ക്കായി കുറഞ്ഞത് 5 മണിക്കൂറെങ്കിലും വേണ്ടിവരു. കാടിനുള്ളിലെ കാഴ്ചകള് ഏറ്റവും മനോഹരമാകുന്ന മഴക്കാലം തന്നെയാണ് യാത്രയ്ക്ക് പറ്റിയത്. കയറ്റങ്ങളെക്കാള് കൂടുതല് ചെറിയ ചെറിയ ഇറക്കങ്ങളാണെന്നതും ക്ഷീണിക്കാതെ പൂര്ത്തിയാക്കാം എന്നതും തുടക്കക്കാരെ പോലും ഈ യാത്രയിലേക്ക് ആകര്ഷിക്കുന്നു. ലോണാവാലയില് നിന്നും എളുപ്പത്തില് യാത്രയുടെ തുടക്കസ്ഥാനത്തേയ്ക്ക് എത്തിച്ചേരാം.
നിരവധി ട്രക്കിങ്ങുകള് കാശ്മീരില് അങ്ങോളമിങ്ങോളം നമുക്ക് കാണാം. അതിലൊന്നാണ് തര്സാര് മര്സാര് ലേക്ക് ട്രക്കിങ്. സമുദ്രനിരപ്പിൽ നിന്ന് 13,201 അടി ഉയരത്തിൽ ടാർസർ, മാർസാർ, സുന്ദർസർ എന്നീ മൂന്ന് ആൽപൈൻ തടാകങ്ങളിലേക്കുള്ള യാത്രയാണ് തര്സാര് മര്സാര് ലേക്ക് ട്രക്കിങ് എന്നറിയപ്പെടുന്നത്. മഞ്ഞുമലകളും കാടും കയറി മേഘങ്ങളെ തൊടുവാന് സാധിക്കുന്ന ഉയരത്തിലേക്ക് കയറിച്ചെന്ന് തടാകങ്ങളെ കാണുന്ന കാഴ്ച അതിമനോഹരമായ ഒരനുഭവമാണ്.
PC:Thisguyhikes
മാർക്ക താഴ്വര
ലഡാക്കിന്റെ മഞ്ഞുമരുഭൂമിക്കുള്ളിലെ അതിമനോഗരമായ നദീതടമാണ് മാര്ക്ക. ഇതിന്റെ തീരങ്ങളിലേക്ക് നടത്തുന്ന യാത്ര വളരെ രസകരവും വ്യത്യസ്തവുമായ യാത്രാനുഭവങ്ങള് സമ്മാനിക്കുന്നു. ഹെമിസ് നാഷണൽ പാർക്ക്, റംബക് താഴ്വര തുടങ്ങിയവയിലൂടെ കടന്നുപോകുന്ന ഈ യാത്ര വൈവിധ്യമാർന്നതും അപൂർവവുമായ ജന്തുജാലങ്ങളുടെ ആവാസ കേന്ദ്രങ്ങളെ പരിചയപ്പെടുത്തിതരും. കൊടുമുടികൾ, ബുദ്ധ വിഹാരങ്ങൾ, പാറക്കെട്ടുകൾ എന്നിങ്ങനെ യാത്രയെ രസകരമാക്കുന്ന വേറെയും ഘടകങ്ങളുണ്ട്.
ഉയര്ന്നു നില്ക്കുന്ന പര്വ്വതങ്ങള്ക്കു നടുവിലുള്ള അതിമനോഹരമായ തടാകമാണ് ബിയാസ് കുണ്ഡ്. ഇതിലേക്കുള്ള സാഹസിക യാത്ര ഓഗസ്റ്റ് മാസത്തിലെ യാത്രകളുടെ പട്ടികയില് ഉള്പ്പെടുത്തുവാന് പറ്റിയ ഒന്നാണ്. സമുദ്രനിരപ്പില് നിന്നും 3800 മീറ്റര് ഉയരത്തില് സ്ഥിതി ചെയ്യുന്ന ഈ തടാകത്തിന് സമീപമാണ് വ്യാസ മുനി തപസ്സനുഷ്ഠിച്ചത് എന്നാണ് വിശ്വാസം. അങ്ങനെയാണ് ബിയാസ് കുണ്ഡ് എന്ന പേര് തടാകത്തിന് ലഭിച്ചതെന്നും വിശ്വസിക്കപ്പെടുന്നു. തടാരത്തില് അദ്ദേഹം ദിവസവും സ്നാനത്തിനായി വരുമായിരുന്നുവത്രെ.
ഹിമാലയത്തിന്റെ മനോഹരമായ മഴക്കാഴ്ചകളിലേക്ക് സഞ്ചാരികളെ പോകുവാന് അനുവദിക്കുന്ന യാത്രയാണ് ബ്രിഗു ലേക്ക് ട്രക്ക്. മണാലിയിൽ നിന്ന് 20 കിലോമീറ്റർ വടക്കായും പ്രശസ്തമായ റോഹ്താങ് ചുരത്തിന് കിഴക്കുമായാണ് ഭൃഗു തടാകം സ്ഥിതി ചെയ്യുന്നത്. ഓള്ഡ് മണാലിയില് നിന്നും ആരംഭിക്കുന്ന ട്രക്കിങില് 26 കിലോമീറ്റര് ദൂരമാണ് പിന്നിടേണ്ടത്. സാമാന്യം ആരോഗ്യമുള്ള ഒരാള്ക്ക് 4 ദിവസം മതി യാത്ര പൂര്ത്തിയാക്കി തിരിച്ചെത്തുവാന്. സെവന് സിസ്റ്റര് പീക്ക്സ്, ദിയോ ടിബ്ബ, ഇന്ദ്രസൻ, ഹനുമാൻ ടിബ്ബ, നീണ്ടുകിടക്കുന്ന പിർ പഞ്ചൽ തുടങ്ങിയ സ്ഥലങ്ങളുടെ കാഴ്ച ഈ യാത്രയില് കണാം.