Click it and Unblock the Notifications
കാഴ്ചകളു‌ടെ ഒരു കൂ‌ടാരമാണ് കോട്ടയം.. കായലും പുഴയും മലയും കുന്നും എല്ലാം ചേര്‍ന്ന് സഞ്ചാരികളെ സ്വാഗതം ചെയ്യുന്നിടം. എത്ര പോയാലും കണ്ടാലും പിന്നെയും പിന്നെയും പോയിക്കാണുവാന്‍ തോന്നിപ്പിക്കുന്ന ഒരു പ്രത്യേകതയും കോട്ടയത്തിനുണ്ട്. കുമരകവും നാലുമണിക്കാറ്റും അരുവിക്കുഴിയും മാറ്റി നിര്‍ത്തിയാല്‍ ജില്ലയിലെ വിനോദ സഞ്ചാര ഭൂപടത്തില്‍ കയറിക്കൂടിനെ പുതിയ ഇടങ്ങളും ഒരുപാടുണ്ട്. പെട്ടന്നുള്ള ഒരു യാത്രയില്‍ കോട്ടയത്ത് കാണാന്‍ സാധിക്കുന്ന ചില ഇടങ്ങള്‍ പരിചയപ്പെടാം..
മലരിക്കല്‍
തിരുവാർപ്പ് പഞ്ചായത്തിലെ മലരിക്കലിലും പനച്ചിക്കാട് പഞ്ചായത്തിലെ അമ്പാട്ടുകടവിലും കോട്ടയത്തിന്റെ പടിഞ്ഞാറൻമേഖലകളിലുമായാണ് ആമ്പല്‍ പൂത്തു നില്‍ക്കുന്ന കാഴ്ച കാണുവാനുള്ളത്. കോട്ടയം ജില്ലയിൽ കുമരകത്തിന് സമീപത്താണ് മലരിക്കൽ സ്ഥിതി ചെയ്യുന്നത്. കോട്ടയം ഇല്ലിക്കൽ കവലയിൽ നിന്നും തിരുവാർപ്പ് റോഡിലൂടെ കാഞ്ഞിരം ബോട്ട് ജെട്ടി റോഡ് വഴി കാഞ്ഞിരം പാലം കയറി ഇറങ്ങിയാൽ മലരിക്കലിൽ എത്താം.
ഇല്ലിക്കല്‍ കല്ല്
ഏറ്റവും ഉയരം കൂടിയ പാറ കൂടക്കല്ല് എന്നും തൊട്ടടുത്ത് സർപ്പാകൃതിയിൽ കാണപ്പെടുന്ന പാറ കൂനൻ കല്ല് എന്നും അറിയപ്പെടുന്നു. ഇവയ്ക്കിടയിലായി 20 അടി താഴ്ചയിൽ വലിയൊരു വിടവുണ്ട്
PC:Kkraj08
അരുവിക്കുഴി വെള്ളച്ചാട്ടം
ഏതു പ്രായക്കാര്‍ക്കും സുരക്ഷിതമായി കാണുവാനും ആസ്വദിക്കുവാനും കഴിയും എന്നതാണ് ഇതിന്റെ പ്രത്യേകത. ജൂൺ മാസം മുതൽ ഏകദേശം ഡിസംബര്‍ വരെ ഇവിടെ മല്ല രീതിയില്‍ വെള്ളച്ചാട്ടമുണ്ടാകും, വേനലില് ചെറിയ നീരൊഴുക്ക് മാത്രം ഇവിടെ പ്രതീക്ഷിച്ചാല്‍ മതി. പാറക്കെട്ടുകളിലൂടെ ഏകദേശം 100 അടി ഉയരത്തിൽ നിന്നുമാണ് ഈ വെള്ളച്ചാട്ടം താഴേക്ക് പതിക്കുന്നത്
കോട്ടയം -കുമളി റോഡിൽ പാമ്പാടിയിൽ നിന്നും തിരിഞ്ഞ് എട്ടു കിലോമീറ്ററാണ് ഇവിടേക്കുള്ള ദൂരം.
പാലാക്കരി
വൈക്കത്തുള്ള ചെമ്പു ഗ്രാമത്തിൽ കാട്ടിക്കുന്നിലാണ് ഈ ഫാം സ്ഥിതി ചെയ്യുന്നത്. ബോട്ടിങ്ങും വിശ്രമവും മാത്രമല്ല, മീന്‍ പിടിക്കുവാനുള്ള സൗകര്യങ്ങളും ഇവിടെയുണ്ട്. ഉച്ചയൂണ് ഗംഭീരമാക്കുവാനുള്ള നിരവധി വിഭവങ്ങള്‍ സന്ദര്‍ശകരെ ഇവിടെ കാത്തിരിക്കുന്നു
PC: official Site
വൈക്കം
PC:Vishnubonam
കുമരകം
PC:Rison Thumboor
