»റിട്ടയര്മെന്റ് ജീവിതം ഏറ്റവും മികച്ചതാക്കാന് ഒന്പത് നഗരങ്ങള്... ആരോഗ്യപരിരക്ഷ മുതല് കുറഞ്ഞ ചിലവ് വരെ
റിട്ടയര്മെന്റ് ജീവിതം ഏറ്റവും മികച്ചതാക്കാന് ഒന്പത് നഗരങ്ങള്... ആരോഗ്യപരിരക്ഷ മുതല് കുറഞ്ഞ ചിലവ് വരെ
Travel Guide
oi-Elizabeth Joseph
റിട്ടയര്മെന്റ് കഴിഞ്ഞുള്ള ജീവിതത്തിനായി നേരത്തെ ഒരുങ്ങുന്ന ഈ കാലത്ത് ഇതാ ഈ ജീവിതം ആസ്വദിക്കുവാന് പറ്റിയ ഇന്ത്യയിലെ ഏറ്റവും മികച്ച നഗരങ്ങള് പരിചയപ്പെടാം...
കുടുംബത്തിനും ജോലിക്കും വേണ്ടി മാറ്റിവെച്ച ജീവിതം മിക്കവരും ഒന്നാസ്വദിക്കുവാന് തുടങ്ങുന്നത് ജോലിയില് നിന്നു റിട്ടയര് ചെയ്തുകഴിഞ്ഞായിരിക്കും. ബാധ്യതകളില്ലാതെ, ഏറ്റവും സന്തോഷത്തിലും സമാധാനത്തിലും ജീവിക്കുക എന്ന ആഗ്രഹത്തില് മറ്റു നഗരങ്ങളിലേക്ക് ചേക്കേറുന്ന ഒരു പ്രവണത അടുത്തകാലത്തായി വ്യാപകമായിട്ടുണ്ട്. തിരക്കുകളും ബഹളങ്ങളും ഒന്നുമില്ലാത്ത, വളരെ ശാന്തമായും സ്വസ്ഥമായും ജീവിക്കുവാനുള്ള പല സൗകര്യങ്ങളും വിവിധ നഗരങ്ങള് നല്കുന്നു. റിട്ടയര്മെന്റ് കഴിഞ്ഞുള്ള ജീവിതത്തിനായി നേരത്തെ ഒരുങ്ങുന്ന ഈ കാലത്ത് ഇതാ ഈ ജീവിതം ആസ്വദിക്കുവാന് പറ്റിയ ഇന്ത്യയിലെ ഏറ്റവും മികച്ച നഗരങ്ങള് പരിചയപ്പെടാം...
കുറച്ചു സാഹസികതയും വെല്ലുവിളികളും നിറഞ്ഞ വിരമിക്കല് ജീവിതമാണ് മുന്നോട്ടേയ്ക്കു നോക്കുന്നതെങ്കില് ഹിമാചല് പ്രദേശിലെ ധരംശാലയും തൊട്ടടുത്തു തന്നെയുള്ള മക്ലിയോജ് ഗഞ്ചും തിരഞ്ഞെടുക്കാം. ടിബറ്റില് നിന്നുള്ള ആളുകളാണ് ഇവിടെ ജീവിക്കുന്നവരില് അധികവും. അതുകൊണ്ടുതന്നെ പുതിയൊരു ജീവിതം തുടങ്ങുന്നതിനും സംസ്കാരങ്ങളും ജീവിതരീതികളും അറിഞ്ഞ് ജീവിക്കുന്നതിനും ധരംശാലയും സമീപത്തെ മക്ലിയോഡ് ഗഞ്ചും നിങ്ങളെ സഹായിക്കും. സാഹസികത മാത്രമല്ല, ആത്മീയ ജീവിതത്തിന് പറ്റിയ സാഹചര്യം തേടുന്നവര്ക്കും ഇവിടെ സാധ്യതകള് നിരവധിയുണ്ട്. ആശ്രങ്ങള്, ബുദ്ധമതം പഠിപ്പിക്കുന്ന ഇടങ്ങള്, മ്യൂസിയങ്ങള് എന്നിങ്ങനെ ചെയ്യുവാനും സ്വയം തിരക്കുള്ളവരാകുവാനും ഇവിടുത്തെ ഈ സാധ്യതകള് നിങ്ങളെ സഹായിക്കും.
ഇന്ത്യയിലെ മെട്രോ നഗരങ്ങളില് ഏറ്റവും ചിലവ് കുറഞ് ജീവിതം വാഗ്ദാനം ചെയ്യുന്ന നഗരം കൊല്ക്കത്തയാണ്. വിരമിച്ചവരെ സംബന്ധിച്ചെടുത്തോളം ഇവിടെ കുറച്ചുകാലമെങ്കിലും ജീവിക്കുവാന് നിരവധി സാധ്യതകളുണ്ട്. അതില് എടുത്തുപറയേണ്ടത് നഗരം നല്കുന്ന ആരോഗ്യപരിരക്ഷകളും മികച്ച ഗതാഗത സൗകര്യങ്ങളും തന്നെയാണ്. എന്നും തിരക്കനുഭവപ്പെടുന്ന നഗരമാണെങ്കിലും നിങ്ങളെ ഒരിക്കലുമത് ബാധിക്കില്ല എന്നുമാത്രമല്ല, വിവിധ രീതികളും സംസ്കാരങ്ങളും പരിചയപ്പെടുവാനും കൊല്ക്കത്ത നിങ്ങളെ സഹായിക്കുകയും ചെയ്യും.
പല ദേശക്കാരോടും പലതരക്കാരോടും ഒത്തൊരുമിച്ച് ഒരുജീവിതമാണ് മുന്നോട്ടേയ്ക്ക് പ്രതീക്ഷിക്കുന്നതെങ്കില് മുംബൈ നിങ്ങള്ക്ക് തിരഞ്ഞെടുക്കാം. എല്ലാവരെയും ഒരുപോലെ ചേര്ത്തു നിര്ത്തുന്ന നഗരമായ മുംബൈ എല്ലാതരത്തിലും മുന്നിട്ടു നില്ക്കുന്നു. മികച്ച ജീവിതസൗകര്യങ്ങളും ആരോഗ്യസംരക്ഷണ സംവിധാനങ്ങളും സൗകര്യങ്ങളും ഗതാഗത മാര്ഗ്ഗങ്ങളും അതില് പ്രത്യേകം എടുത്തുപറയേണ്ടവയാണ്. ഇവിടെ ഒരു ഭവനം സ്വന്തമാക്കുക എന്നത് അധികം പണച്ചിലവ് ഉണ്ടാക്കുന്നതാണെങ്കില് വാടകയ്ക്ക് ഭവനം ലഭിക്കുക എന്നത് താരതമ്യേന പണച്ചിലവ് കുറവുള്ള ഒരു കാര്യമാണ്.