വര്ക്-ലൈഫ് ബാലന്സിന് ഓസ്ലോ ജോലിയും ജീവിതവും ഒരേ പോലെ ബാസന്സ് ചെയ്തുകൊണ്ടുപോയി ആസ്വദിക്കുവാന് പറ്റിയ നഗരം എന്ന നിലയിലാണ് നോര്വെയുടെ തലസ്ഥാനമായ ഓസ്ലോ തിരഞ്ഞെടുക്കപ്പെട്ടത്. തൊഴിൽ-ജീവിത സന്തുലിതാവസ്ഥയുടെ ഏറ്റവും മികച്ച നഗരമായി ഓസ്ലോയെ അടയാളപ്പെടുത്തുവാന് നിരവധി കാരണങ്ങളുണ്ട്. ഈ നഗരത്തില് ജോലി ചെയ്യുന്നവര്ക്ക് 25 ദിവസത്തെ വാർഷിക അവധിക്കാല അലവൻസും 707 ദിവസത്തേക്ക് രക്ഷാകർതൃ അവധിയും ലഭിക്കും. ആരോഗ്യ സംരക്ഷണം, ശക്തമായ വായു ഗുണനിലവാരം, ടെലികമ്മ്യൂട്ടിംഗ് ശക്തിപ്പെടുത്തൽ തുടങ്ങിയ മറ്റ് ഘടകങ്ങളും ഓസ്ലോയെ മുന്നിലെത്തിച്ചു.
സഞ്ചാരികളെ സംബന്ധിച്ചെടുത്തോളം നിരവധി സാധ്യതകളിലേക്ക് വാതില് തുറക്കുന്ന നഗരമാണ് ഓസ്ലോ. ചരിത്രവും ഭാവിയും ഇവിടെ നിങ്ങള്ക്കു കാണാം. പച്ചപ്പിനും മ്യൂസിയങ്ങള്ക്കും ഓസ്ലോ പ്രസിദ്ധമാണ്. ലോകത്തിലെ സുരക്ഷിതമായ നഗരങ്ങളില് ഒന്നുകൂടിയാണിത്.
PC:Oliver Cole
ബേണ്, സ്വിറ്റസര്ലാന്ഡ് 2022 ലെ വര്ക്-ലൈഫ് ബാലന്സ് ഇന്ഡെക്സില് രണ്ടാം സ്ഥാനത്തെത്തിയ നഗരം സ്വിറ്റ്സര്ലന്ഡിലെ ബേണ് ആണ്. ഓസ്ലോയെ പോലെ തന്നെ ഇവിടെ ജോലി ചെയ്യുന്നവര്ക്കും 25 ദിവസത്തെ വാർഷിക അവധിക്കാല അലവൻസ് ലഭിക്കും. വിവിധ ഘടകങ്ങളെ അടിസ്ഥാനമാക്കി ഓസ്ലോയ്ക്ക് 100 സ്കോര് ലഭിച്ചപ്പോള് 99.46 ആണ് ബേണ് നേടിയത്.
ജലധാരകളുടെ നഗരം എന്നാണ് ബേൺ അറിയപ്പെടുന്നത്
ഹെല്സിങ്കി വര്ക്-ലൈഫ് ബാലന്സിന് മൂന്നാം സ്ഥാനത്തേയ്ക്ക് തിരഞ്ഞെടുക്കപ്പെട്ടത് ഫിന്ലന്ഡിലെ ഹെല്സിങ്കിയാണ്. ഇവിടെ ജീവനക്കാർക്ക് എല്ലാ വർഷവും ശമ്പളത്തോടുകൂടിയ ഒരു മാസം മുഴുവൻ അവധി എടുക്കാം.
ഹെൽസിങ്കി അതിന്റെ നൂതനമായ കല, സംസ്കാരം, വാസ്തുവിദ്യ എന്നിവയ്ക്ക് പേരുകേട്ടതാണ്. ലോകത്തിലെ ഏറ്റവും വാസയോഗ്യമായ നഗരങ്ങളിൽ ഒന്നായാണ് ഹെല്സിങ്കി അറിയപ്പെടുന്നത്. ഭൂഖണ്ഡത്തിലെ യൂറോപ്യൻ തലസ്ഥാനങ്ങളിൽ ഏറ്റവും വടക്കുള്ള ഭാഗമാണിത്. ഇതിനെ പലപ്പോഴും "വടക്കിന്റെ വെളുത്ത നഗരം" എന്ന് വിളിക്കുന്നു, കാരണം അതിന്റെ പല കെട്ടിടങ്ങളും പ്രാദേശിക ഇളം നിറത്തിലുള്ള ഗ്രാനൈറ്റ് കൊണ്ടാണ് നിർമ്മിച്ചിരിക്കുന്നത്. 99.24 പോയിന്റാണ് ഹെല്സിങ്കി നേടിയത്.
PC:Julius Jansson
സൂറിച്ച് വര്ക്-ലൈഫ് ബാലന്സ് ഇന്ഡെക്സില് 96.33 പോയിന്റ് നേടിയാണ് സൂറിച്ച് നാലാം സ്ഥാനത്തെത്തിയത്. ഏറ്റവും കുറഞ്ഞത് 20 അവധി ദിവസങ്ങളാണ് ഇവിടെ ജോലിക്കാര്ക്ക് ലഭിക്കുന്നത്. 82 ദിവസത്തേക്ക് രക്ഷാകർതൃ അവധിയും ലഭിക്കും. സൂറിച്ച് ഒരു ഉയർന്ന ബാങ്കിംഗ് നഗരവും സ്വിറ്റ്സർലൻഡിന്റെ സാമ്പത്തിക തലസ്ഥാനവുമാണ്. അതിനാൽ, ലോകത്തിലെ ഏറ്റവും ചെലവേറിയ നഗരമായി ഇത് അറിയപ്പെടുന്നു. ഉയർന്ന നിലവാരമുള്ള ഷോപ്പിംഗിനും ഫാൻസി ചോക്ലേറ്റുകൾക്കും സൂറിച്ച് പ്രശസ്തമാണ്.
കോപ്പന്ഹേഗന് 100 രാജ്യങ്ങളുടെ പട്ടികയില് അഞ്ചാം സ്ഥാനത്ത് 96.21 പോയിന്റുമായി കോപ്പന്ഹേഗന് അഞ്ചാം സ്ഥാനത്തെത്തി. ഈ നഗരത്തില് ജോലി ചെയ്യുന്നവര്ക്ക് 28 ദിവസത്തെ വാർഷിക അവധിക്കാല അലവൻസും 364 ദിവസത്തേക്ക് രക്ഷാകർതൃ അവധിയും ലഭിക്കും. ലോകത്തിലെ ഏറ്റവും സുരക്ഷിത നഗരമെന്ന് വിശേഷിപ്പിക്കപ്പെടുന്ന കോപ്പന്ഹേഗന് ഡെന്മാര്ക്കിന്റെ തലസ്ഥാനം കൂടിയാണ്.
ആദ്യ പത്തില് മേല്പ്പറഞ്ഞ നഗരങ്ങളെ കൂടാതെ ആദ്യ പത്തില് ജെനീവ, ഒട്ടാവ, സിഡ്നി, സ്റ്റുഗര്ട്ട്, മ്യൂണിച്ച് എന്നീ നഗരങ്ങളും ഇടം നേടിയിട്ടുണ്ട്.
PC:Benoit Debaix
ഏറ്റവും കൂടുതൽ ജോലി ചെയ്യുന്ന നഗരം കിസിയുടെ കണക്കനുസരിച്ച്, ഏറ്റവും കൂടുതൽ ജോലി ചെയ്യുന്ന നഗരമായി ദുബായ് അടയാളപ്പെടുത്തിയിരിക്കുന്നു. വിദൂര തൊഴിലിന്റെ ലഭ്യത, പണമടച്ച രക്ഷാകർതൃ അവധി ദിവസങ്ങളുടെ എണ്ണം, സുരക്ഷ, ആരോഗ്യ സംരക്ഷണം എന്നിവ അടിസ്ഥാനമാക്കിയാണ് റാങ്കിംഗ് നടത്തിയത്. ഔട്ട്ഡോർ സ്പേസ്, വായുവിന്റെ ഗുണനിലവാരം, പണപ്പെരുപ്പം എന്നിവയെ അടിസ്ഥാനമാക്കിയാണ് ഗവേഷണം. ദുബായ് കഴിഞ്ഞാല് ഹോങ് കോങ്, കോലാലംപൂര്, സിംഗപ്പൂര്, മോണ്ടെവിഡോ എന്നിവയാണ് ലോകത്തിലെ ഓവര് വര്ക്ഡ് സിറ്റീസ്.
ജോലി മടുപ്പിക്കുന്നുവോ.. എങ്കില് പോകാം!! ജോലി സ്ഥലത്ത് മടുപ്പും സഹിക്കാന് കഴിയാത്ത വിധത്തിലുള്ള സമ്മര്ദ്ദവും മറ്റുമാണെങ്കില് ജീവനക്കാർക്ക്, ആംസ്റ്റർഡാം, ബ്യൂണസ് ഏരീസ് അല്ലെങ്കിൽ സിഡ്നി എന്നിവിടങ്ങളിലേക്ക് മാറുന്നത് പരിഗണിക്കാം, അവിടെ പഠനമനുസരിച്ച്, ജനസംഖ്യയുടെ 10 ശതമാനത്തിൽ താഴെ ആളുകൾ മാത്രമാണ് ഓവര് വര്ക് ചെയ്യുന്നത്. പഠനമനുസരിച്ച്, വിദൂരമായി നടത്തുന്ന ഏറ്റവും ഉയർന്ന ശതമാനം ജോലികൾ സിംഗപ്പൂർ, വാഷിംഗ്ടൺ ഡിസി, ഓസ്റ്റിൻ എന്നിവിടങ്ങളിലായിരുന്നു.
PC:Red Morley Hewitt
പഠനം ഇങ്ങനെ ഒന്നിലധികം ജോലികൾ ചെയ്യുന്ന ആളുകളുടെ ശതമാനം, അവധിക്കാല അലവൻസുകൾ, ലിംഗസമത്വം, ഔട്ട്ഡോർ സ്പേസുകളിലേക്കുള്ള പ്രവേശനം, താമസസൗകര്യം എന്നിവയും അതിലേറെ കാര്യങ്ങളും കിസി പരിഗണിക്കുന്ന ഘടകങ്ങളിൽ ഉൾപ്പെടുന്നു.
PC:charlesdeluvio
ബാഗ് പാക്ക് ചെയ്തോ... പണിയെടുക്കാം നാടുകാണാം.. ഇന്ത്യക്കാര്ക്ക് ബാക്ക്പാക്കര് വിസയുമായി ഓസ്ട്രേലിയ
കുറഞ്ഞ ചിലവില് മിഷലിന് സ്റ്റാര് ഭക്ഷണവും ഫൈവ് സ്റ്റാര് താമസവും...പോക്കറ്റ് കാലിയാക്കാതെ ഒരു ആഢംബര യാത്ര