ഓരോ ട്രെയിന് യാത്രയേയും മനോഹരമാക്കുന്ന നിരവധി കാര്യങ്ങളുണ്ട്...ചിലപ്പോള് ഒരിക്കലും കാണില്ല എന്നു കരുതിയിരുന്ന ഇടങ്ങളിലേക്ക് എത്തിച്ചേരുന്നതായിരിക്കും അല്ലെങ്കില് അപരിചിതരായ ആളുകള് ഒരു യാത്രകൊണ്ട് ചിരപരിചിതരായി മാറുന്നതോ പോലുള്ള കാര്യങ്ങളാവും.. എന്തായാലും ചില കാഴ്ചകള് ട്രെയിന് യാത്രകള്ക്കു മാത്രം സമ്മാനിക്കുവാന് സാധിക്കുന്നവയാണ്. ട്രെയിന് യാത്രയിലെ ചെറിയ ഗ്രാമങ്ങളും പച്ചപ്പുകളും കൂടുതല് മനോഹരമായി കാണുവാന് ഇപ്പോള് വിസ്റ്റാഡോം കോച്ചുകളുണ്ട്. ഗ്ലാസില് നിര്മ്മിച്ച കോച്ചിലൂടെ ചുറ്റുപാടുമുള്ള കാഴ്ചകള് ഒന്നുപോലും വിടാതെ കണ്ടുപോകുവാന് ഈ യാത്ര നിങ്ങളെ സഹായിക്കും. വിസ്റ്റാഡോം ട്രെയിനുകൾ വഴി നിങ്ങൾക്ക് എത്തിച്ചേരാവുന്ന ചില മനോഹരമായ സ്ഥലങ്ങൾ ഇതാ.
അലിപുർദുവാർ, പശ്ചിമ ബംഗാൾ
ഭൂട്ടാനും അസമും അതിർത്തി പങ്കിടുന്ന അലിപുർദുവാർ പ്രകൃതിദത്തമായ ലോകത്തിലേക്ക് സഞ്ചാരികലെ എത്തിക്കുന്ന ഇടമാണ് അലിപുർദുവാർ. ഇടതൂർന്ന കാടുകൾ, ബുക്സ കുന്നുകളുടെയും ഭൂട്ടാൻ താഴ്വരയുടെയും കാഴ്ചകൾ പ്രദാനം ചെയ്യുന്ന പംത്സെ കൊടുമുടി, ഖൈർബാരി ടൈഗർ റെസ്ക്യൂ സെന്റർ എന്നിങ്ങനെ നിരവധി കാഴ്ചകള് ഇവിടെയുണ്ട്. ന്യൂ ജൽപായ്ഗുരി-അലിപുർദുവാറിൽ നിന്ന് 05777/05778 ട്രെയിൻ ബുക്ക് ചെയ്ത് ഇവിടെയെത്താം. മാർച്ച് മുതൽ മെയ് വരെ, ഒക്ടോബർ മുതൽ ജനുവരി വരെയും ഇവിടെ വരാം,
മംഗലാപുരത്തു നിന്നും ബാംഗ്ലൂരിലേക്കും തിരിച്ചുമുള്ള വിസ്റ്റാഡോം കോച്ച് യാത്ര കര്ണ്ണാടകയില് ചെയ്യുവാന് പറ്റിയ ഏറ്റവും മികച്ച കാര്യങ്ങളിലൊന്നാണ്. പശ്ചിമഘട്ടത്തിന്റെ ഭംഗി ആസ്വദിച്ച് കാഴ്ചകള് കണ്ട് പോകാം എന്നതാണ് ഈ യാത്രയുടെ പ്രത്യേകത. മംഗളൂരു ജംഗ്ഷനും യെസ്വന്ത്പൂറിനുമിടയിൽ സഞ്ചരിക്കുന്ന ട്രെയിനിലാണ് ഇത് അവതരിപ്പിച്ചത്. ഇത് ദൈനംദിന സേവനമായിരിക്കും.