Click it and Unblock the Notifications
യാത്ര ചെയ്തുകൊണ്ടൊരു ജോലി...അല്ലെങ്കില്‍ ചെയ്യുന്ന യാത്രയ്ക്ക് ശമ്പളം നല്കുന്ന ഒരു ജോലി.. ഓഫീസില്‍ ലാപ്‌ടോപ്പിനും ഫയലുകള്‍ക്കും നടുവില്‍ മടുത്ത് ഇരിക്കുമ്പോള്‍ ഒരിക്കലെങ്കിലും ഇത്തരമൊരു സ്വപ്നം കാണാത്തവരുണ്ടാവില്ല. അല്ലെങ്കില്‍ തന്നെ ജീവിതവും ജോലിയും മടുത്തിരിക്കുമ്പോള്‍ ഒരു പ്രതിവിധിയായി ബാഗും തൂക്കി ഇറങ്ങുന്നവര്‍ക്ക് യാത്രകള്‍ തന്നെയാണ് എന്നും ആശ്വാസം.
വല്ലപ്പോഴും ലഭിക്കുന്ന നീണ്ട അവധി ദിവസങ്ങളിലെ യാത്രയല്ലാതെ ജീവിതം മുഴുവന്‍ ഒരു യാത്രയാക്കുന്നതിനെപ്പറ്റി ആലോചിച്ചിട്ടുണ്ടോ? എന്നും എന്നും പുതിയ സ്ഥലങ്ങള്‍ കാണുന്നതും വ്യത്യസ്ത ആളുകളെ പരിചപ്പെടുന്നതും വ്യത്യസ്ത സംസ്കാരങ്ങളും ഭക്ഷണങ്ങളുമെല്ലാം അനുഭവിക്കുന്നതുമെല്ലാം ആലോചിക്കുവാന്‍ തന്നെ രസമുള്ള കാര്യങ്ങളാണ്. എന്നാല്‍ അതിനു ശമ്പളം ലഭിക്കുന്നതോ?!! യാത്ര ചെയ്യുവാന്‍ താല്പര്യപ്പെടുന്നവര്‍ക്ക് പുതിയ സ്ഥലങ്ങളും അനുഭവങ്ങളും നല്കുന്ന നിരവധി ജോലികളുണ്ട്. ഫോട്ടോഗ്രാഫര്‍ മുതല്‍ ടൂര്‍ ഗൈഡ് വരെ ഇത്തരം യാത്രകള്‍ സാധ്യമാക്കുന്ന ജോലികളാണ്.
ടൂര്‍ ഗൈഡ്
നഗരത്തിന്റെ ചരിത്രം, സംസ്കാരം, രീതികള്‍, ഭക്ഷണം, അവിടുത്തെ രഹസ്യങ്ങള്‍ തുടങ്ങിയവ അറിഞ്ഞിരിക്കുന്നതിനൊപ്പം നല്ല രീതിയിലുള്ള ആശയവിനിമയ കഴിവും വേണം. ഇംഗ്ലീഷ്, പ്രാദേശിക ഭാഷകളിലുള്ള പരിജ്ഞാനം. ഏതെങ്കിലും വിദേശ ഭാഷകളിലുള്ള അറിവ് തുടങ്ങിയവയെല്ലാം ഇതിന് വേണ്ടവരുന്ന കഴിവുകളാണ്.
ട്രാവല് ബ്ലോഗിങ്
വൃത്തിയില്‍ മനോഹരമായി എഴുതുവാനുള്ള കഴിവ്, മാര്‍ക്കറ്റിങ്ങിലെ ആശയങ്ങള്‍, സാമൂഹിക മാധ്യമങ്ങളെക്കുറിച്ചുള്ള അറിവ് എന്നീ കാര്യങ്ങള്‍ പ്രധാനമായും വേണം.
ഫ്ലൈറ്റ് അറ്റെന്‍ഡന്‍റ്
നല്ല പെരുമാറ്റവും ആകര്‍ഷണീയമായ വ്യക്തിത്വവും ആശയവിനിമയ ശേഷിയുമാണ് ഇതിനായി വേണ്ടത്.
ഫോട്ടോഗ്രാഫര്‍
ഒരുപാട് യാത്ര ചെയ്ത് പോകുന്ന ഇടങ്ങളുടട ഫോട്ടോ വ്യത്യസ്ത ആംഗിളുകളില്‍ പകര്‍ത്തുവാനും അത് പങ്കുവയ്ക്കുവാനും താല്പര്യമുള്ളവര്‍ ഏറെയുണ്ടാവും. ഒരു ട്രാവല് ഏജന്‍സിയോ‌ടൊപ്പം ചേര്‍ന്ന് അവരുടെ ഒപ്പം പ്രവര്‍ത്തിച്ച് ഈ രംഗത്തേയ്ക്ക് വരാം. അല്ലെങ്കില്‍ മികച്ച ഫോട്ടോകള്‍ എടുത്ത് അവ വിറ്റ് ജീവിക്കുകയും ചെയ്യാം. ക്യാമറാ കമ്പനികള്‍ ന‌ടത്തുന്ന മത്സരങ്ങളില്‍ പങ്കു ചേര്‍ന്ന് അവരുടെ സ്പോര്‍ണസര്‍ഷിപ്പ് ലഭിക്കുവാനും അവസരങ്ങളുണ്ട്.
ഫോട്ടോ എടുക്കുവാന്‍ അറിയുന്നതിനൊപ്പം ക്രിയേറ്റീവ് ആയി അതിനെ സമീപിക്കുവാനും എഴുതുവാനും മാര്‍ക്കറ്റ് ചെയ്യുവാനും കൂടി അറിഞ്ഞിരിക്കണം.
ക്രൂസ് ഷിപ്പ് ക്രൂ
ആഢംബര കപ്പലുകളില്‍ ഭക്ഷണം ഉണ്ടാക്കുന്ന ആളുടെ മുതല്‍ വ‍ൃത്തിയാക്കുന്നവര്‍, സംഗീതജ്ഞര്‍, ജിം ജോലി, തുടങ്ങി എല്ലാ തലത്തിലുമുള്ള ജോലികളുടെ ഒഴിവ് ഉണ്ടാകും.
ഇംഗ്ലീഷ് ട‌ീച്ചര്‍
ഇംഗ്ലീഷ് ടീച്ചറും യാത്രയും തമ്മിലെന്താണ് ബന്ധമെന്നല്ലേ? ലോകം മുഴുവന്‍ സംസാരിക്കുന്ന ഇംഗ്ലീഷ് ഭാഷയില്‍ വേണ്ടത്ര പ്രാഗത്ഭ്യം ഉണ്ടെങ്കില്‍ പിന്നെ ഒരു രംഗത്തും പിന്തിരിഞ്ഞു നോക്കേണ്ടി വരില്ല. അത്രയധികം ഡിമാന്റാണ് ഇംഗ്ലീഷ് ഭാഷ ഒഴുക്കോടെ അനായാസം സംസാരിക്കുന്നവര്‍ക്ക് ലോകത്തുള്ളത്. എല്ലാ രാജ്യങ്ങളിലും ഏറ്റവും ജോലി സാധ്യതയുള്ള ഒന്നാണ് ഇംഗ്ലീഷ് പഠിപ്പിക്കുന്നത്. ഇംഗ്ലീഷ് സംസാരിക്കുന്ന രാജ്യങ്ങളല്ലാത്തവയില്‍ വന്‍ സാധ്യതകള്‍ ഇംഗ്ലീഷ് ടീച്ചര്‍മാര്‍ക്കുണ്ട്. വലിയ ശമ്പളത്തില്‍ വന്‍ ജോലി സാധ്യതയാണ് ഇത് തുറന്നിടുന്നത്.
ഇംഗ്ലീഷില്‍ സംസാരിക്കുവാനും എഴുതുവാനും കഴിവുണ്ടെങ്കില്‍ സംശയിക്കാതെ മുന്നോട്ട് പോകാം. എന്നാല്‍ കൃത്യമായ യോഗ്യത നേടിയിരിക്കണമെന്ന് മാത്രം. ഗ്രാമറിലുള്ള അറിവ്, ക്ഷമയോട് പറഞ്ഞു കൊടുക്കുവാനുള്ള കഴിവ് തുടങ്ങിയവയെല്ലാം ഇതിനു വേണം.
ഡൈവിങ് ഇന്‍സ്ട്രക്ടര്‍
ഇവന്‍റ് കോര്‍ഡിനേറ്റര്‍
ഹൈക്കിങ് ഗൈഡ്
ഇന്‍റര്‍നാഷണല്‍ എയ്ഡ് വര്‍ക്കര്‍
ഈ സ്ഥാനങ്ങളിൽ, യുദ്ധങ്ങൾ, ക്ഷാമങ്ങൾ, പ്രകൃതിദുരന്തങ്ങൾക്ക് ശേഷമുള്ള സഹായം എന്നിവ ആവശ്യമുള്ള ലോകമെമ്പാടുമുള്ള രാജ്യങ്ങൾ നിങ്ങൾ സന്ദർശിക്കും. ഈ ഓർ‌ഗനൈസേഷനുകളിൽ പലതും ഒരു മുഴുവൻ ശമ്പളം, ഭവന നിർമ്മാണം, വിദ്യാർത്ഥികളുടെ വായ്‌പ ഒഴിവാക്കൽ തുടങ്ങിയവ വാഗ്ദാനം ചെയ്യുന്നു,
ആര്‍ക്കിയോളജിസ്റ്റ്
പഴമയിലേക്ക് തിരികെ പോകുവാന്‍ ആഗ്രഹിക്കുന്ന ഒരാളാണെങ്കില്‍ ധൈര്യമായി ആര്‍ക്കിയോളജി എന്ന ജോലി തിര‍ഞ്ഞെ‌‌ടുക്കാം. വിവിധ രാജ്യങ്ങളുടെ ഇന്നലകള്‍ തേടി ചെല്ലാം എന്നതു മാത്രമല്ല, മറ്റാരും കാണാത്ത പഴമയെ അടുത്തറിയുവാന്‍ സാധിക്കും എന്നതും ഇതിന്റെ പ്രത്യേകതയാണ്. യാത്രയിലുള്ള താല്പര്യം എന്നതിലുപരിയായി ചരിത്രത്തിലുള്ള അവഗാഹവും താല്പര്യവുമാണ് ഇതിനു വേണ്ടത്.
വ്ളോഗിങ്‌
പോകുന്ന സ്ഥലത്തെ കുറിച്ചുള്ള നിങ്ങള്‍ തന്നെയെടുത്ത വീഡിയോ, ആകര്‍ഷകമായ പ്രസന്‍റേഷന്‍ തുടങ്ങിയവ ഒക്കെ ഇതിനെ സ്വാധീനിക്കുന്ന ഘടകങ്ങളാണ്.
