സെല്ഫി, സ്വയം അടയാളപ്പെടുത്തലിന്റെ മറ്റൊരുവാക്ക്. എളുപ്പത്തില് ആരുടെയും സഹായമില്ലാതെ സ്വയം എടുക്കുന്ന സ്വന്തം ഫോട്ടോ എന്ന നിര്വ്വചനത്തില് നിന്നും ഒരു സ്റ്റേറ്റ്മെന്റ് അല്ലെങ്കില് ഒരു പേഴ്സണാലിറ്റി തന്നെ നിലയില് വളര്ന്നു നില്ക്കുകയാണ് സെല്ഫി. വെറുതേ നില്ക്കുമ്പോള് പോലും സെല്ഫിയെടുക്കുന്ന കൂട്ടമായി മാറിയപ്പോള് അപകടവും കൂടെയെത്തി. എന്നെ അടയാളപ്പെടുത്തുന്ന സെല്ഫി ഞാന് തന്നെയായി മാറിയപ്പോള് അപകടങ്ങളുടെ എണ്ണം വര്ദ്ധിച്ചു. സെല്ഫികള്ക്കു കിട്ടുന്ന സ്വീകാര്യതയില് കെട്ടിടങ്ങളും വിനോദസഞ്ചാര കേന്ദ്രങ്ങളും ട്രെയിനും ബീച്ചും തീയും കടലും എല്ലാം സെല്ഫിക്കു പിന്നില് നിരന്നു. വിനോദ സഞ്ചാര കേന്ദ്രങ്ങളിലെ മിക്ക സ്പോട്ടുകളും ഇന്ന് സെല്ഫി കോര്ണറുകളായി മാറിയിട്ടുണ്ട്.
അശ്രദ്ധമായ സെല്ഫികള് മരണത്തിനു കാരണമാകുന്നതിനാല് പല വിനോദ സഞ്ചാര കേന്ദ്രങ്ങളും സെല്ഫികള്ക്ക് നിരോധനം ഏര്പ്പെടുത്തിയിട്ടുണ്ട്. അപകടം ഒഴിവാക്കുക എന് ലക്ഷ്യത്തില് രാജ്യത്തിന്റെ പല ഇടങ്ങളും സെല്ഫി നിരോധിത മേഖലകളാണ്. നിരോധത മേഖലകളില് നിന്നും സെല്ഫി എടുക്കുന്നത് ചിലപ്പോള് നിങ്ങളെ ജയിലില് എത്തിച്ചേക്കാം...