ലോകത്തിലെ നിര്മ്മാണ വിസ്മയങ്ങളും വേണ്ടിവന്ന ചിലവും.... ഇതാണ് കണക്ക്!!!
ലോകാത്ഭുതങ്ങളായി കണക്കാക്കപ്പെടുന്ന നിര്മ്മിതികള് അവയുടെ ആകാരം കൊണ്ടുമാത്രമല്ല നമ്മെ അതിശയിപ്പിക്കുന്നത്. സാങ്കേതികവിദ്യകളും ശാസ്ത്രവും ഒക്കെ അതിന്റെ പ്രാരംഭദശയിലായിരുന്ന കാലത്തും സാധാരണക്കാര്ക്കൊന്നും വിചാരിക്കുവാന് പോലും സാധിക്കാത്ത രീതിയില് പണിതുയര്ത്തി എന്നതാണ് സംഗതി.
എന്നാല് അത്തരത്തിലൊരു നിര്മ്മിതി ഇന്ന് പണിതുയര്ത്തണമെങ്കില് എത്ര ചിലവ് വരുമെന്ന് ആലോചിച്ചിട്ടുണ്ടോ? ഉദാഹരണത്തിന് വെണ്ണക്കക്കില് പണിതുയര്ത്തിയ താജ്മഹല് ഇന്നായിരുന്നു നിര്മ്മിക്കുന്നതെങ്കില് എത്ര കോടികളായിരിക്കും വേണ്ടിവരിക.. ഇങ്ങനെയൊരു കണക്ക് ആലോചിച്ചുനോക്കുന്നത് തന്നെ രസകരമാണ്. ഇതാ ലോകത്തില് തലയുയര്ത്തി നില്ക്കുന്ന നിര്മ്മാണ വിസ്മയങ്ങള് ഇന്നാണ് നിര്മ്മിക്കുന്നതെങ്കില് എത്ര പണം ചിലവാക്കേണ്ടി വന്നേനെ എന്നു നോക്കാം
സ്റ്റോണ്ഹെഞ്ച്, യുകെ
ലോകത്തിലെ ഉത്തരം കിട്ടാത്ത ചോദ്യങ്ങളിലൊന്നാണ് ഇംഗ്ലണ്ടിസെ സ്റ്റോണ് ഹെഞ്ചുകളുടേത്. 13 അടിയോളം ഉയരത്തിലുള്ള ഒരു കൂട്ടം കല്ലുകള് വൃത്താകൃതിയില് ചേര്ത്തുവച്ചിരിക്കുന്ന കാഴ്ചയാണ് ഇവിടുത്തേത്. ദീര്ഘചതുരാകൃതിയിലുള്ള ക്ലലുകള് കുത്തിനിര്ത്തി അതിനു മുകളിലായി വലിയ കല്ലുകള് എടുത്തുവച്ചിരിക്കുന്ന രൂപത്തിലാണ് ഇതുള്ളത്. മൂന്നാള് ഉയരത്തിലാണ് ഈ കല്ലുകളുള്ളത്.
ലണ്ടൻ നഗരത്തിൽ നിന്ന് 140 കിലോമീറ്റർ അകലെയായി വിൽറ്റ്ഷിർ കൗണ്ടിയിലെ ഈംസ്ബെറിയിലാണ് സ്റ്റോണ്ഹെന്ഞ്ചുള്ളത്.
ആധുനിക രീതികൾ ഉപയോഗിച്ച് സ്റ്റോൺഹെഞ്ച് നിർമ്മിക്കുന്നതിന് ഏകദേശം 3.5 മില്യൺ ഡോളർ വേണ്ടിവരും എന്നാണ് കണക്കുകള് പറയുന്നത്
ഹൂവര് ഡാം, യുഎസ്എ
അമേരിക്കയുടെ തെക്കുപടിഞ്ഞാറൻ സംസ്ഥാനങ്ങളിലേക്ക് വൈദ്യുതിയും വെള്ളവും എത്തിക്കുക എന്ന ലക്ഷ്യത്തില് 1930 കളിലെ മഹാമാന്ദ്യത്തിന്റെ കാലത്ത് നിര്മ്മിച്ച അണക്കെട്ടാണ് ഹൂവര്. ഈ അണക്കെട്ട് നിർമ്മിക്കുന്നതിനിടെ 100-ലധികം ആളുകൾക്ക് ജീവൻ നഷ്ടപ്പെട്ടതായി രേഖകൾ പറയുന്നു..49 മില്യൺ ഡോളർ ആയിരുന്നു അക്കാലത്ത് ഇതിനായി ചിലവഴിച്ചത്. ഇത് ഇന്നത്തെ ഇത് ഇന്ന് 890 മില്യണിലധികം ഡോളറിന് തുല്യമായിരിക്കും.
PC: Lindsay