India
Search
  • Follow NativePlanet
Share
» »മഴക്കാല യാത്രകളില്‍ ഈ അണക്കെട്ടുകളെയും ഉള്‍പ്പെടുത്താം

മഴക്കാല യാത്രകളില്‍ ഈ അണക്കെട്ടുകളെയും ഉള്‍പ്പെടുത്താം

നദികളുടെ നാടാണ് ഭാരതം....രാജ്യത്തിനു തലങ്ങും വിലങ്ങും ഒഴുകുന്ന നദികളും പര്‍വ്വതങ്ങളും രാജ്യങ്ങളും ക‌ടന്നൊഴുകുന്ന നദികളും ഇവിടെയുണ്ട്. വിവിധ നദികൾ, പ്രകൃതിദത്ത തടാകങ്ങൾ, പോഷകനദികൾ, ജലസംഭരണികൾ എന്നിവയ്ക്ക് കുറുകെ നിർമ്മിച്ചിരിക്കുന്ന 4000 അണക്കെട്ടുകൾ ആണ് നമ്മുടെ രാജ്യത്തുള്ളത്. ചിലത് വൈദ്യുതി ഉൽപാദനത്തിനും ചിലത് വ്യാവസായിക ആവശ്യങ്ങൾക്കും ചിലത് ജലസേചനത്തിനും കുടിവെള്ളത്തിനും വേണ്ടിയുള്ളതാണ്, മറ്റു ചിലത് മഴ സംഭരിക്കുന്ന സ്ഥലമാണ്. മഴക്കാലങ്ങളില്‍ വെള്ളം നിറഞ്ഞുകവിഞ്ഞു കിടക്കുന്ന ഇതിന്റെ ഘടന വ്യത്യസ്തമായ ഒരു കാഴ്ചാനുഭവം നല്കുന്നു.
ഇതാ മഴക്കാലങ്ങളില്‍ സന്ദര്‍ശിക്കുവാന്‍ സാധിക്കുന്ന ഇന്ത്യയിലെ മികച്ച അണക്കെട്ടുകള്‍ പരിചയപ്പ‌െടാം.

മെ‌ട്ടുര്‍ അണക്കെ‌ട്ട്

മെ‌ട്ടുര്‍ അണക്കെ‌ട്ട്

തമിഴ്നാ‌ട്ടിലെ ഏറ്റവും വലിയ അണക്കെ‌‌ട്ടായ മെ‌ട്ടൂര്‍ 934-ൽ ബ്രിട്ടീഷുകാർ നിർമ്മിച്ചതാണ്. സ്റ്റാൻലി റിസർവോയർ എന്നായിരുന്നു ഇത് നേരത്തെ അറിയപ്പെ‌ട്ടിരുന്നത്. സേലം, ഈറോഡ്, നാമക്കൽ, കരൂർ, തിരുച്ചിറപ്പള്ളി, തഞ്ചാവൂർ എന്നിവിടങ്ങളിലെ വിവിധ കൃഷിയിടങ്ങളിൽ ജലസേചനത്തിനായി അണക്കെട്ടിൽ നിലനിർത്തുന്ന വെള്ളം പതിവായി വിതരണം ചെയ്യുന്നു. ഡാമിൽ നിന്ന് മുകളിലേക്ക് ഒഴുകുന്ന വെള്ളമാണ് ഹൊഗനക്കൽ വെള്ളച്ചാട്ടത്തിന് കാരണമാകുന്നത്

PC: Emjgopi

തുംഗഭദ്ര ഡാം

തുംഗഭദ്ര ഡാം

കര്‍ണ്ണാ‌ടകയിലെ ഏറ്റവും വലിയ അണക്കെട്ടാണ് തുംഗഭദ്ര അണക്കെട്ട്. മഴക്കാലത്ത് അണക്കെട്ട് സന്ദർശിക്കുകയും അതിന്റെ 33 ഗേറ്റുകളും വെള്ളം തുറന്നുവിടുമ്പോൾ ഉള്ള കാഴ്ചയ്ക്കും നിരവധി ആരാധകരുണ്ട്. രാത്രികാലങ്ങളില്‍ ലൈറ്റുകളി‌ട്ടു അലങ്കരിച്ച അണക്കെ‌ട്ടിന്റെ ഭംഗി കാണേണ്ടതു തന്നെയാണ്.
PC: Anurag Mangalwadikar

തെഹ്‌രി അണക്കെട്ട്

തെഹ്‌രി അണക്കെട്ട്

ഉത്തരാഖണ്ഡിലെ ഏറ്റവും പ്രശസ്തമായ അണക്കെട്ടാണ് തെഹ്റി അണക്കെട്ട്. രാജ്യത്തെ ഏറ്റവും ഉയരം കൂടിയ അണക്കെട്ട് എന്ന ബഹുമതിയുള്ള തെഹ്‌രി അണക്കെട്ട് ഭഗീരഥി, ഭിലാംഗന എന്നീ നദികൾക്ക് കുറുകെയാണ് അണക്കെട്ട് നിർമ്മിച്ചിരിക്കുന്നത്. 260.5 മീറ്റർ ഉയരത്തിൽ പർവതങ്ങളാൽ ചുറ്റപ്പെട്ടാണ് ഇത് നില്‍ക്കുന്നത്. ലോകത്തിലെ ഏറ്റവും ഉയരം കൂടിയ രണ്ടാമത്തെ അണക്കെട്ടായും ഈ അണക്കെട്ട് കണക്കാക്കപ്പെടുന്നു. 1978ൽ ആരംഭിച്ച അണക്കെട്ടിന്റെ നിർമാണം നാട്ടുകാരുടെയും പരിസ്ഥിതി പ്രവർത്തകരുടെയും ഏറെ പ്രതിഷേധങ്ങൾക്കൊടുവിൽ 2006ൽ പൂർത്തിയാക്കി.

PC:Gaurav Arora

നാഗാർജുന സാഗർ

നാഗാർജുന സാഗർ

ആന്ധ്രാ പ്രദേശിന്റെയും തെലുങ്കാനയുടെയും അതിര്‍ത്തിയില്‍ നിലകൊള്ളുന്ന ഡാം കൃഷ്ണ നദിയിലാണ് നിര്‍മ്മിച്ചിരിക്കുന്നത്. കല്ലിലും കോൺക്രീറ്റിലും നിർമ്മിച്ച രാജ്യത്തെ ഏറ്റവും വലിയ അണക്കെട്ട് എന്ന വിശേഷണവും ഇതിനുണ്ട്. ഈ അണക്കെട്ടിന്റെ നിര്‍മ്മാണം ഇന്ത്യയിൽ ഹരിതവിപ്ലവത്തിന് തുടക്കമിടുന്നതിനുള്ള പ്രധാന ഘടകങ്ങളിലൊന്നായി കണക്കാക്കപ്പെടുന്നു.. പര്‍വ്വതങ്ങളു‌ടെ പശ്ചാത്തലത്തില്‍ നില്‍ക്കുന്ന ഡാം കാഴ്ചയില്‍ അതിമനോഹരം കൂടിയാണ്. റിസർവോയറിന്റെ തീരത്തേക്ക് പോകുവാന്‍ ചില സമയങ്ങളില്‍ അനുമതിയുണ്ട്.

PC: Sumanthk

ഭക്രാ നംഗൽ

ഭക്രാ നംഗൽ

ലോകത്തിലെ ഏറ്റവും ഉയരം കൂടിയ ഗ്രാവിറ്റി അണക്കെട്ടാണ് ഭക്ര നംഗൽ അണക്കെട്ട്. സത്‌ലജ് നദിക്ക് കുറുകെ നിർമ്മിച്ചിരിക്കുന്ന ഇത് പഞ്ചാബിന്റെയും ഹിമാചൽ പ്രദേശിന്റെയും അതിർത്തിയിലാണ് സ്ഥിതി ചെയ്യുന്നത്. വി ആകൃതിയിലുള്ള അണക്കെട്ട് ജലസേചന ആവശ്യങ്ങൾക്ക് വൈദ്യുതിക്കൊപ്പം സമീപ പ്രദേശങ്ങളിലേക്ക് വെള്ളം നൽകുന്നു.

PC: Ambuj Mishra

ഹിരാക്കുഡ്

ഹിരാക്കുഡ്

മനുഷ്യനിര്‍മ്മിതമായ ഇന്ത്യയിലെ ഏറ്റവും നീളം കൂടിയ അണക്കെ‌ട്ടാണ് ഹിരാക്കുഡ്. ഒഡീഷയിലാണിത് സ്ഥിതി ചെയ്യുന്നത്. അണക്കെട്ടിന് മുഴുവനായി 25 കിലോമീറ്ററിലധികം നീളമുണ്ട്. പ്രധാനഭാഗം മാത്രം 4.8 കിലോമീറ്ററുണ്ട്. 1956-ലാണ് ഈ അണക്കെട്ട് നിർമ്മിച്ചത്, വൈവിധ്യമാർന്ന സസ്യജന്തുജാലങ്ങളുടെ ആവാസകേന്ദ്രം കൂടിയായതിനാൽ എല്ലായ്പ്പോഴും പ്രദേശം കാണുവാവാനിയി ആളുകള്‍ എത്തുന്നു.

PC: Quarterbacker

മൈത്തൺ അണക്കെട്ട്

മൈത്തൺ അണക്കെട്ട്

കിഴക്കൻ ഇന്ത്യയിലെ ഏറ്റവും പ്രധാനപ്പെട്ട അണക്കെട്ടുകളിലൊന്നായ മൈത്തൺ അണക്കെട്ട് ബരാകർ നദിക്ക് കുറുകെയാണ് നിർമ്മിച്ചിരിക്കുന്നത്. അണക്കെട്ടിൽ ഒരു ഭൂഗർഭ പവർ സ്റ്റേഷൻ ഉണ്ട്. ഇത് തെക്കുകിഴക്കൻ ഏഷ്യയിലെ മുഴുവൻ പ്രദേശങ്ങളിലും ഇത്തരത്തിലൊന്നു മാത്രമേയുള്ളൂ. അണക്കെട്ടിലെ വെള്ളം മൈത്തൺ തടാകത്തിന്റെ രൂപീകരണത്തിലേക്ക് നയിക്കുന്നു,. തടാകത്തില്‍ ബോട്ട് സവാരിക്കും സൗകര്യമുണ്ട്.

PC: Ashwini Kesharwani

ബിലാസ്പൂര്‍ അണക്കെട്ട്

ബിലാസ്പൂര്‍ അണക്കെട്ട്

രാജസ്ഥാന്റെ ലൈഫ് ലൈന്‍ എന്നു വിളിക്കപ്പെടുന്ന അണക്കെട്ടാണ് ബിലാസ്പൂര്‍ അണക്കെട്ട്. രാജസ്ഥാനിലെ ബനാസ് നദിയിലാണ് ബിലാസ്പൂർ അണക്കെട്ട് സ്ഥിതി ചെയ്യുന്നത്. സമീപ നഗരങ്ങളായ അജ്മീർ, ജയ്പൂർ എന്നിവിടങ്ങളിലേക്ക് കുടിവെള്ളം എത്തിക്കുക എന്ന ലക്ഷ്യത്തോടെ 1999-ലാണ് ഇത് നിർമ്മിച്ചത്. നിരവധി ദേശാടന അണക്കെട്ടുകളുടെ ആസ്ഥാനമായും ഈ അണക്കെട്ട് കണക്കാക്കപ്പെടുന്നു

ഇന്ദിരാ സാഗർ അണക്കെട്ട്

ഇന്ദിരാ സാഗർ അണക്കെട്ട്

മധ്യപ്രദേശിലെ നർമ്മദ നഗറിൽ നർമ്മദ നദിക്ക് കുറുകെയാണ് ഇന്ദിരാ സാഗർ അണക്കെട്ട് നിർമ്മിച്ചിരിക്കുന്നത്. 688 മീറ്റർ നീളമുള്ള ഡൈവേർഷൻ ടണലിനൊപ്പം ഇരുപത് റേഡിയൽ ഗേറ്റുകളും ഏകദേശം 1000 മെഗാവാട്ട് വൈദ്യുതി ഉത്പാദിപ്പിക്കാൻ കഴിയുന്ന ഒരു പവർ ഹൗസും ഉള്ള ഒരു മൾട്ടി പർപ്പസ് ഗ്രാവിറ്റി അണക്കെട്ടാണിത്.
PC: Nvvchar

മഴക്കാലയാത്രകളിലേക്ക് ബീച്ചുകളും... സുരക്ഷിതമായി പോയിവരാം!!മഴക്കാലയാത്രകളിലേക്ക് ബീച്ചുകളും... സുരക്ഷിതമായി പോയിവരാം!!

മഴക്കാലത്തെ താരങ്ങള്‍... സോഷ്യല്‍ മീഡിയയില്‍ നിറഞ്ഞുനില്‍ക്കുന്ന മഴയാത്രയിടങ്ങള്‍മഴക്കാലത്തെ താരങ്ങള്‍... സോഷ്യല്‍ മീഡിയയില്‍ നിറഞ്ഞുനില്‍ക്കുന്ന മഴയാത്രയിടങ്ങള്‍

Read more about: dam india monsoon
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X