മുംബൈയിലെ അത്ഭുതം മുംബൈയിലെ പ്രസിദ്ധമായ ഇടങ്ങളിലൊന്നാണ് മുംബൈ ഹാങ്ങിങ് ഗാർഡൻ. പച്ചപ്പും കുട്ടികൾക്കിഷ്ടപ്പെടുന്ന കാഴ്ചകളും വൈകുന്നേരങ്ങൾ ചിലവഴിക്കുവാൻ പറ്റിയ കാഴ്ചകളും ഒക്കെ ഈ സ്ഥലത്തെ ആളുകൾക്കിടയിൽ പ്രസിദ്ധമാക്കുന്നു.
PC:A.Savin
മലബാർ ഹിൽസിനു മുകളില് മുംബൈയിലെ പ്രധാന സ്ഥലങ്ങളിലൊന്നായ മലബാർ ഹിൽസിനു സമീപത്തായാണ് മുംബൈ ഹാങ്ങിങ് ഗാർഡൻ സ്ഥിതി ചെയ്യുന്നത്. . മഹാരാഷ്ട്ര മുഖ്യമന്ത്രിയുടെ ഔദ്യോഗിക ബംഗ്ലാവ് ,പ്രമുഖരായ പലരുടെയും വാസസ്ഥലങ്ങള് തുടങ്ങിയവ ഇതിനടുത്തായാണ് ഉള്ളത്.
PC:Nichalp
കേയി കുടുംബത്തിന്റെ സ്വന്തം മുംബൈ ഹാങ്ങിങ് ഗാർഡനെക്കുറിച്ചും മലബാർ ഹിൽസിനെക്കുറിച്ചും പറയുമ്പോൾ മലബാറിലെ കേയി കുടുംബത്തെക്കൂടി പരാമർശിച്ചില്ലെങ്കിൽ അത് പൂർത്തിയാവില്ല. വടക്കേ മലബാറിലെ കേയി കുടുംബത്തിന്റെ സ്വന്തമായിരുന്നു ഈ പ്രദേശം എന്നൊരു അഭിപ്രായം നിലനിൽക്കുന്നുണ്ട്. പോർച്ചുഗീസുകാരുമായി നേരിട്ട് വ്യാപാര ബന്ധമുണ്ടായിരുന്ന ഇവരുടെ കീഴിലായിരുന്നു ഈ ഇടമെന്നും പിന്നീട് ഈസ്റ്റ് ഇന്ത്യാ കമ്പനിയുടെ അധീനതയിലായി എന്നും പറയപ്പെടുന്നു.
PC:A.Savin
ഫിറോസ്ഷാ മേത്താ ഗാർഡൻ ഹാങ്ങിങ് ഗാർഡൻ എന്നാണ് അറിയപ്പെടുന്നതെങ്കിലും
ഫിറോസ്ഷാ മേത്താ ഗാർഡൻ എന്നും ഇതിനു പേരുണ്ട്. മറ്റു പൂന്തോട്ടങ്ങളെ അപേക്ഷിച്ച് ടെറസ്ഡ് ഗാർഡൻ കൂടിയാണിത്. ഇതിനു തൊട്ടടുത്തായാണ് കമലാ നെഹ്റു പാർക്ക് സ്ഥിതി ചെയ്യുന്നത്.
PC:Indian Navy
ആകർഷണങ്ങൾ കുട്ടികളെയും മുതിർന്നവരെയും ഒരുപോലെ പിടിച്ചിരുത്തുന്ന കാഴ്കളാണ് ഇതിനുള്ളിലുള്ളത്. മൃഗങ്ങളുടെ രൂപങ്ങളുടെ ആകൃതിയിൽ മുറിച്ച് നിർത്തിയിരിക്കുന്ന ചെടികളാണ് പ്രധാന കാഴ്ച. അറബിക്കടലിൽ സൂര്യനസ്തമിക്കുന്ന കാഴ്ച ഇവിടെ നിന്നും ആസ്വദിക്കുവാൻ പറ്റിയ മറ്റൊരു കാര്യമാണ്.
PC:Nichalp
ഷൂവിനുള്ളിൽ ജീവിച്ച സ്ത്രീയുടെ സ്മാരകം ഇവിടെ എത്തുന്നവർ തീർച്ചയായും സന്ദർശിച്ചിരിക്കേണ്ട ഒന്നാണ് ഷൂവിനുള്ളിൽ ജീവിച്ചിരുന്ന സ്ത്രീയുടെ സ്മാരകം എന്നയിടം. ദെയർ വാസ് ആൻ ഓൾഡ് വുമൺ ഹു ലിവ്ഡ് ഇൻ എ ഷൂ എന്ന ഇംഗ്ലീഷ് നഴ്സറി റൈമിനെ അടിസ്ഥാനമാക്കിയാണ് ഇത് നിർമ്മിച്ചിരിക്കുന്നത്. ഹാങ്ങിങ് ഗാർഡനു തൊട്ടടുത്തുള്ള കമലാ നെഹ്റു പാർക്കിലാണ് ഇത് സ്ഥിതി ചെയ്യുന്നത്.
PC:Pallavidoke
സമയം രാവിലെ അഞ്ച് മണി മുതൽ രാത്രി 9 വരെയാണ് ഇവിടെ പ്രവേശനം അനുവദിച്ചിരിക്കുന്ന സമയം. വേനലിലും മറ്റും പകൽ സമയങ്ങളിൽ ഇവിടേക്ക് പോകാതിരിക്കുന്നതായിരിക്കും നല്ലത്. വൈകുന്നേരങ്ങളാണ് ഹാങ്ങിങ് ഗാർഡൻ സന്ദർശിക്കുവാൻ യോജിച്ച സമയം. ഇവിടേക്കുള്ള പ്രവേശനം സൗജന്യമാണ്.
PC:Pallavidoke
എത്തിച്ചേരുവാൻ മുംബൈ മലബാർ ഹിൽസിൽ കമലാ നെഹ്റു പാർക്കിന് എതിർവശത്തായാണ് ഇത് സ്ഥിതി ചെയ്യുന്നത്.
വിശ്വസിക്കാന് അല്പം ബുദ്ധിമുട്ടായിരിക്കും ആജ്ഞനേയന് ഇന്നും ജീവിച്ചിരിക്കുന്നു എന്നു പറഞ്ഞാല്
കേക്കിന്റെയും ക്രിക്കറ്റിന്റെയും നാട്ടിലെ കടലെടുക്കാത്ത ചരിത്രം