ഒരു യാത്രയിൽ ഏറ്റവും പാടുപെടുന്ന സംഗതി ഏതാണ്? പോകേണ്ട സ്ഥലം കണ്ടു പിടിക്കുന്നതിൽ തുടങ്ങുന്ന ഉത്തരങ്ങൾ ഹോട്ടൽ റൂം ബുക്ക് ചെയ്യുന്നതിലും സുരക്ഷിതയി തിരിച്ചെത്തുന്നതിലും വരെ വന്നു നിൽക്കും. എന്നാൽ കൂടുതൽ ആളുകളെയും കൺഫ്യൂഷനിലാക്കുന്നത് ബാഗ് പാക്ക് ചെയ്യുന്നതാണ്. പോകുന്ന സ്ഥലത്തിനും കാലാവസ്ഥയ്ക്കും അനുസരിച്ച്, അതൊടൊപ്പം ഫാഷനൊഴിവാക്കാതെ ബാഗ് പാക്ക് ചെയ്തു പോകുന്നത് യഥാർഥത്തില് ഒരു കല തന്നെയാണ്. അത്യാവശ്യം വേണ്ടുന്ന കാര്യങ്ങളെല്ലാം കൃത്യാമായി എടുത്ത്, അടുക്കി വെച്ച്, കൺഫ്യൂഷനുണ്ടാകാത്ത തരത്തില് പാക്ക് ചെയ്യുന്നവരാണ് യഥാർഥ ഹീറോകൾ.
വിന്റർ യാത്രകൾക്കു പോകുമ്പോഴാണ് ബാഗ് പാക്കിങ് ഏറ്റവും വലിയ പ്രശ്നമായി മാറുന്നത്. തെർമലും വൂളന് വസ്ത്രങ്ങളും ഒക്കെക്കൊണ്ട് ബാഗ് നിറഞ്ഞു കവിഞ്ഞിരിക്കുന്ന അവസ്ഥ. ടി ഷർട്ടും ഷോട്സും കോട്ടും ഒക്കെ പെട്ടിക്ക് പുറത്തെടുത്ത് ജാക്കറ്റും തെർമലും വൂളന് വസ്ത്രങ്ങളും ഒക്കെക്കൊണ്ട് ബാഗ് നിറഞ്ഞു കവിഞ്ഞിരിക്കുന്ന അവസ്ഥ. എന്നാൽ ആവശ്യത്തിനു ബാഗ് തുറക്കുമ്പോൾ വെണ്ട സാധനങ്ങൾ എടുക്കാത്ത കാര്യമൊന്നു ഓർത്തു നോക്കൂ. ഒരു യാത്ര മുഴുവനും അലങ്കോലമാകുവാൻ കൂടുതലൊന്നും വേണ്ട. ഇതാ വിന്റർ യാത്രയിൽ ബാഗ് പാക്ക് ചെയ്യുമ്പോള് ഒഴിവാക്കേണ്ട തെറ്റുകൾ നോക്കാം...