കുറഞ്ഞ ചിലവില് കീശ ചോരാതെയുള്ള യാത്രകള്ക്ക് ആരാധകര് നിരവധിയുണ്ട്. പ്രത്യേകിച്ച് യാത്രകളിലെ മുന്നറിയിപ്പില്ലാതെയും അശ്രദ്ധ കൊണ്ടും കടന്നുവരുന്ന അനാവശ്യ ചിലവുകള് യാത്രയുടെ താളം തെറ്റിക്കുമ്പോള്. ടിക്കറ്റുകള് ഒരുമിച്ച് ബുക്ക് ചെയ്തും പണമിടപാടുകള് ഒരുമിച്ച് നടത്തിയുമെല്ലാം ചിലവ് കുറയ്ക്കുവാന് പല വഴികള് സഞ്ചാരികള് പരീക്ഷിക്കുവാറുണ്ട്. കൊവിഡിനെ തുടര്ന്ന് കുറേ കാലമായി മാറ്റിവച്ചിരുന്ന ഈ നുറുങ്ങു വിദ്യകളൊക്കെ പുറത്തിറക്കുവാനുള്ല സമയമായിരിക്കുകയാണ്. ലോകം പഴയ രീതിയിലേക്ക് മാറുന്നതിന്റെ ഭാഗമായി വിനോ സഞ്ചാരം പലയിടത്തും തുടങ്ങിക്കഴിഞ്ഞു. വലിയ സാമ്പത്തിക പ്രതിസന്ധിയിലൂടെ കടന്നുപോകുന്ന കാലമായതിനാല് ചിലവ് ചുരുക്കിയുള്ള യാത്രകള്ക്കാണ് ആളുകള് ഇപ്പോള് പ്രാധാന്യം കൊടുക്കുന്നതും. ഇത്തരത്തില് വലിയ ചിലവില്ലാത പോകുവാന് സാധിക്കുന്ന ഇടങ്ങളിലൊന്നാണ് മേഘാലയ. മേഘങ്ങളുടെ നാടായി അറിയപ്പെടുന്ന മേഘാലയയിലേക്ക് എങ്ങനെ കുറഞ്ഞ ബജറ്റില് യാത്ര പ്ലാന് ചെയ്യാം എന്നു നോക്കാം