ലോകം കോവിഡ് ഭീതിയില് നിന്നും ഒഴിഞ്ഞില്ലെങ്കിലും മിക്കയിടങ്ങളിലും ജീവിതം സാധാരണ നിലയിലേക്ക് തിരികെ വരികയാണ്. കര്ശനമായ നിയന്ത്രണങ്ങളോടെ ഓഫീസുകളും വ്യവസായങ്ങളും ഒക്കെ തുറന്ന് പ്രവര്ത്തിക്കുവാന് തുടങ്ങിയിട്ടുണ്ട്. വിനോദ സഞ്ചാരം മുഖ്യവരുമാനമാര്ഗ്ഗമാക്കിയ രാജ്യങ്ങളും ഇതേ വഴിയിലൂടെയാണ് ചിന്തിക്കുന്നത്. ഇറ്റലി, ഗ്രീസ് തുടങ്ങിയ രാജ്യങ്ങള് ഇതിനകം കര്ശനമായ നിയന്ത്രണങ്ങളോടെ സഞ്ചാരികളെ സ്വാഗതം ചെയ്യുവാന് തുടങ്ങി. ഈ പട്ടികയിലേക്ക് ഏറ്റവും പുതിയതായി വന്നിരിക്കുന്നത് ഐസ്ലാന്ഡ് ആണ്. വിനോദ സഞ്ചാരികളുടെ ഏറ്റവും പ്രിയപ്പെട്ട രാജ്യങ്ങളിലൊന്നായ ഐസ്ലന്ഡ് ജൂണ് പതിനഞ്ചോടെ സഞ്ചാരികള്ക്കായി തുറന്നുകൊടുക്കും എന്നാണ് പറഞ്ഞിരിക്കുന്നത്.