»താജ്മഹലിനെയും കടത്തിവെട്ടി ഈ ചരിത്രയിടം... വിദേശസഞ്ചാരികൾക്ക് പ്രിയം തമിഴ്നാട്... കണക്കും കാരണവും!
താജ്മഹലിനെയും കടത്തിവെട്ടി ഈ ചരിത്രയിടം... വിദേശസഞ്ചാരികൾക്ക് പ്രിയം തമിഴ്നാട്... കണക്കും കാരണവും!
Travel Guide
oi-Elizabeth Joseph
ഇന്ത്യയിൽ ഏറ്റവുമധികം സഞ്ചാരികൾ സന്ദർശിക്കുന്ന ഇടം ഏതായിരിക്കും... കണ്ണുംപൂട്ടി താജ്മഹൽ എന്നുത്തരം നമ്മൾ പറയുമെങ്കിലും ഇപ്പോൾ പുറത്തുവന്ന കണക്കുകൾ ഇതല്ല പറയുന്നത്
ഇന്ത്യയിൽ ഏറ്റവുമധികം സഞ്ചാരികൾ സന്ദർശിക്കുന്ന ഇടം ഏതായിരിക്കും... കണ്ണുംപൂട്ടി താജ്മഹൽ എന്നുത്തരം നമ്മൾ പറയുമെങ്കിലും ഇപ്പോൾ പുറത്തുവന്ന കണക്കുകൾ ഇതല്ല പറയുന്നത്! ഇന്ത്യയിൽ ഏറ്റവുമധികം വിദേശ സഞ്ചാരികൾ സന്ദർശിക്കുന്ന ഇടമായി തമിഴ്നാട്ടിലെ ചെന്നൈയ്ക്ക് സമീപത്തുള്ള മാമല്ലപുരം(മഹാബലിപുരം) തിരഞ്ഞെടുക്കപ്പെട്ടു. കേന്ദ്ര ടൂറിസം മന്ത്രാലയം പുറത്തിറക്കിയ ഇന്ത്യ ടൂറിസം സ്റ്റാറ്റിറ്റിക്സ് 2022 എന്ന റിപ്പോർട്ടിലാണ് കണക്കുകളുള്ളത്. ആർക്കിയോളജിക്കൽ സർവ്വേ ഓഫ് ഇന്ത്യ (എഎസ്ഐ) നിയന്ത്രിക്കുന്ന ടിക്കറ്റ് ചെയ്ത സ്മാരകങ്ങളുടെ കണക്കിൽ നിന്നുമാണ് ഇടങ്ങളെ തിരഞ്ഞെടുത്തത്. വിശദമായി വായിക്കാം...
തിരുമയം കോട്ട
വിദേശ സഞ്ചാരികൾ എത്തിച്ചേരുന്ന മറ്റൊരു ഇടമാണ് തമിഴ്നാട്ടിൽ പുതുക്കോട്ടെ ജില്ലയിലെ തിരുമയം കോട്ട. ലെ 40 ഏക്കർ വിസ്തൃതിയുള്ള ഈ കോട്ട 1687-ൽ രാംനാട് രാജാവായിരുന്ന വിജയ രഘുനാഥ സേതുപതി നിർമ്മിച്ചതാണെന്നാണ് ചരിത്രം പറയുന്നത്. ഇന്നു താണുന്ന കോട്ടയുടെ രൂപമെന്നത് ആർക്കിയോളജിക്കൽ സർവ്വേ ഓഫ് ഇന്ത്യ 2012 ൽ നവീകരിച്ച രൂപമാണ്
ഏഴ് ഭിത്തികളുള്ള വലയകോട്ടയായിരുന്നു ഇതെങ്കിലും ഇപ്പോൾ വെറും നാല് ഭിത്തികൾ മാത്രമാണ് ഇവിടെ അവശേഷിക്കുന്നത്.
അരിവർ കോവിൽ എന്നറിയപ്പെടുന്ന സിത്തനവാസൽ ഗുഹയിലെ കല്ലിൽ കൊത്തിയ ജൈന ക്ഷേത്രങ്ങളാണ് വിദേശസഞ്ചാരികൾക്ക് പ്രിയപ്പെട്ട ഒരു സ്ഥലം. പുതുക്കോട്ടൈ ജില്ലയിലെ സിത്തനവാസൽ ഗ്രാമത്തിലാണിത് സ്ഥിതി ചെയ്യുന്നത്. "ശ്രേഷ്ഠരായ സന്യാസിമാരുടെ വാസസ്ഥലം" എന്നാണ് ഈ പേരിനർത്ഥം.
കറുപ്പ്, പച്ച, മഞ്ഞ, ഓറഞ്ച്, നീല, വെള്ള തുടങ്ങിയ നിറങ്ങളിൽ ഇവിടുത്തെ ചുവരുകളിൽ നിറയെ ചുവർചിത്രങ്ങൾ കാണാം. പ്രകൃതിയിൽ നിന്നുളള നിറക്കൂട്ടുകൾ ഉപയോഗിച്ചാണ് ഇതിന്റെ നിർമ്മാണം.
ഭാരതത്തിലെ മുഗള് നിർമ്മിതികളിൽ പ്രധാനപ്പെട്ട ഒന്നാണ് ആഗ്രാ കോട്ട. ആഗ്രയിലെ ചെങ്കോട്ട എന്നു വിളിക്കപ്പെടുന്ന ഇത് മുഗള് ആസ്ഥാനം ആഗ്രയിൽ ആയിരുന്ന കാലത്തോളം അവരുടെ സൈനികാസ്ഥാനവും രാജകീയ വസതിയും ഇതായിരുന്നു. ബാബർ മുതൽ ഔറംഗസേബ് വരെയുള്ള മുഗൾ ചക്രവർത്തിമാർ ഇവിടെ ഭരിച്ചിരുന്നതായി ചരിത്രം പറയുന്നു. നിരവധി വേറെയും ഭരണാധികാരികൾ ഇവിടെ നിന്നും ഭരണം നടത്തുകയും കോട്ട നവീകരിക്കുകയും ചെയ്തിട്ടുണ്ട്.
കുത്തബ് മിനാർ
ഡൽഹിയുടെ അഭിമാനക്കാഴ്ചകളിൽ ഒന്നാണ് കുത്തബ്മിനാർ. ഇഷ്ടിക കൊണ്ട് നിര്മ്മിച്ചിട്ടുള്ള മിനാരങ്ങളില് ലോകത്തിലെ ഏറ്റവും വലുപ്പമേറിയ ഇതിന് 72.5 മീറ്റര് ഉയരമുണ്ട്.ഡൽഹി സുൽത്താനായിരുന്ന ഖുത്തബുദ്ദീന് ഐബക് ആണ് ഇതിന്റെ നിർമ്മാണത്തിന് തുടക്കം കുറിച്ചത്. എന്നാൽ ഇത് പൂർത്തിയാക്കിയത് പിന്നീട് ഭരണത്തിൽ വന്ന സുൽത്താൻ ഇൽത്തുമിഷ് ആണ്. മുകളിലേക്ക് പോകുംതോറും ഉയരം വിസ്തീർണം കുറഞ്ഞ് വരുന്ന രീതിയിലാണ് ഇത് നിർമ്മിച്ചിരിക്കുന്നത്. . ഇന്തോ - ഇസ്ലാമിക് വാസ്തുശൈലിയിലാണിതിന്റെ നിർമ്മാണം.
ഡൽഹിയിലെ ഏറ്റവും പ്രസിദ്ധമായ നിർമ്മിതികളിൽ ഒന്നാണ് ചെങ്കോട്ട. മുഗൾ ചക്രവർത്തി ഷാജഹാൻ 1649 ആണ് ഇത് നിർമ്മിക്കുന്നത്. കാലങ്ങളോളം മുഗൾ ഭരണാധികാരികളുടെ ഭരണതാമസ കേന്ദ്രമായി ഇത് വർത്തിച്ചിട്ടുണ്ട്. യുനസ്കോയുട പൈതൃക സ്മാരകങ്ങളിലൊന്നായ ചെങ്കോട്ട രണ്ടു കിലോമീറ്റർ ചുറ്റളവിലാണ് വ്യാപിച്ചു കിടക്കുന്നത്. ലാഹോറിഗേറ്റ്,ഡെൽഹി ഗേറ്റ് എന്നീ രണ്ട് പ്രധാനപ്രവേശനകവാടങ്ങൾ കോട്ടക്കുണ്ട്. സ്വാതന്ത്ര്യ ദിനത്തിന് ഇന്ത്യൻ പ്രധാനമന്ത്രി ദേശീയപതാക ഉയർത്തുന്നത് ഇവിടെയാണ്