ലോകത്തിലെ പ്രസിദ്ധമായ ആഘോഷങ്ങളില് ഒന്നാണ് ഹാലോവീന്. പാശ്ചത്യ രാജ്യങ്ങളില് ഏറെ പ്രധാനപ്പെട്ടതും കുട്ടികളും മുതിര്ന്നവരും ഒന്നടങ്കം ആസ്വദിക്കുകയും ചെയ്യുന്ന ഹാലോവീന് പക്ഷേ, ഇന്ത്യയില് ആരാധകര് കുറവാണ്. ഭീകര വേഷങ്ങള് ധരിച്ചു പേടിപ്പെടുത്തുന്ന രൂപത്തിലെത്തുന്ന ആളുകളും പ്രേതഭവനം പോലെ അണിയിച്ചൊരുക്കുന്ന വീടുകളും ജാക്ക് ഓ ലാന്റേണ് എന്ന പേരില് മത്തങ്ങളെ ഭീകരവേഷം കെട്ടിക്കുന്നതുമെല്ലാമാണ് ഹാലോവിന്റെ പ്രത്യേകതകള്.
ഇന്ത്യയില് അത്രയും സ്വീകാര്യമല്ല എങ്കില് കൂടിയും നമുക്ക് നമ്മുടേതായ രീതിയിലുള്ള ഹാലോവീന് സമാന ആഘോഷങ്ങളുണ്ട്.
ഷബ് ഇ ഭരാത്
മുസ്ലീം വിഭാഗക്കാര്ക്കിടയില് ആഘോഷിക്കുന്നതാണ് ഷബ് ഇ ഭരാത്. ഷബാനിലെ 14-ാം രാത്രിയില് സര്വ്വശക്തനായ ദൈവം വിധിയെഴുതുന്ന സമയത്ത് വിശ്വാസികള് ആരാധനയര്പ്പിക്കുന്നു. ക്ഷമയുടെയും ഭാഗ്യത്തിന്റെയും രാത്രിയെന്നും വിധിയുടെ രാത്രിയെന്നും ഇതിനു പേരുണ്ട്. തങ്ങളുടെ പ്രവര്ത്തികളുടെ ഫലമനുസരിച്ച് വിധി നിര്ണ്ണയിക്കുന്ന ദിവസമാണത്രെ ഇത്. ചടങ്ങുകളുടെ ഭാഗമായി വിശ്വാസികള് തങ്ങളുടെ പൂര്വ്വികരുടെ ഖബറുകളില് പോവുകയും പ്രാര്ത്ഥന നടത്തുകയും ചെയ്യും.