Click it and Unblock the Notifications
ഇന്ത്യയിൽ ആകെ 6 ദേശീയ ജ‌ലപാതകളാണുള്ളത്. അവയിൽ കേരളത്തിലെ ഒരു ജലപാതയ്ക്ക് മാത്രമെ ഇതുവരെ ഇടം ലഭിച്ചിട്ടുള്ളു. കേരളത്തിലെ നാലു കനാലുകളെ ദേശീയ ജലപാതയാക്കാനുള്ള പരിശ്രമത്തിലാണ് അധികൃതർ
എ വി എം കനാല്‍, ആലപ്പുഴ - ചങ്ങനാശ്ശേരി കനാല്‍, ആലപ്പുഴ - കോട്ടയം - അതിരമ്പുഴ കനാല്‍, കോട്ടയം - വൈക്കം കനാല്‍ എന്നിവയാണ് ദേശീയ ജലപാതകളുടെ പട്ടികയില്‍ പുതുതായി ഇടംപിടിക്കാൻ പോകുന്ന കനാലുകൾ
കേരളത്തിലെ ദേശീയ ജലപാത
കൊല്ലം മുതല്‍ കോട്ടപ്പുറം വരെ നീളുന്ന ഈ ജലപാതയുടെ ദൂരം 205 കിലോമീറ്റര്‍ ആണ്. കേരളത്തിലെ കായലുകളിലൂടെയും കനാലുകളിലൂടെയുമാണ് ഈ ജലപാത നീളുന്നത്. വെസ്റ്റ് കോസ്റ്റ് കനാല്‍ എന്നും ഈ കനാല്‍ അറിയപ്പെടുന്നുണ്ട്. 1993 ഫെബ്രുവരിയിലാണ് ഈ ജലപാത ദേശീയ ജലപാത‌യായി പ്രഖ്യാപി‌ച്ചത്.
Photo Courtesy: Challiyan at ml.wikipedia
കടന്നുപോകുന്ന സ്ഥലങ്ങള്‍
ആലുവ, വൈക്കം, കായംകുളം, കോട്ടപ്പുറം, മാറാട്, ചേര്‍ത്തല, തൃക്കുന്നപുഴ, കൊല്ലം, ആലപ്പുഴ എന്നീ സ്ഥലങ്ങളില്‍ ബോട്ടുജെട്ടികള്‍ ഉണ്ട്. ഇവയില്‍ വൈക്കം ബോട്ട് ജെട്ടിയാണ് ഇന്ത്യയിലെ ജലപാതകളില്‍ ഏറ്റവും തിരക്കുള്ള ബോട്ട് ജെട്ടി.
Photo Courtesy: Noblevmy at ml.wikipedia
എ വി എം കനാൽ
1860 ജൂലൈയിൽ തിരുവിതാംകൂർ രാജാവായിരുന്ന മാർത്താണ്ഡവർമ്മയുടെ ഭരണകാല‌ത്താണ് എം വി എം കനാൽ നിർമ്മിച്ചത്. തിരുവനന്തപുരവും കന്യാകുമാരിയുമായി ബന്ധപ്പെടുത്താനായിരുന്നു ഈ കനാൽ നിർമ്മിച്ചത്.
Photo Courtesy: Rajithmohan at English Wikipedia
അനന്ത വിക്ടോറിയ
അനന്ത വിക്ടോറിയ മാർത്താണ്ഡം കനാൽ എന്നാണ് ഈ കനാലിന്റെ പേര്. പൊഴിയൂർ, മാർത്താണ്ഡംതുറൈ, കൊളച്ചൽ, തുട‌ങ്ങി ഇരുപതോ‌ളം തീരദേശ ഗ്രാമങ്ങളെ ബന്ധപ്പെടുത്തിയാണ് ഈ കനാൽ നിർമ്മിച്ചത്.
Photo Courtesy: Rajithmohan at English Wikipedia
ആലപ്പുഴ - ചങ്ങനാശ്ശേരി കനാൽ
പ്രശസ്തമായ ആലപ്പുഴ - ചങ്ങനാശ്ശേരി റോഡിന് സമാന്തര‌മായിട്ടാ‌ണ് ഈ കനാൽ സ്ഥിതി ചെയ്യുന്നത്. കുട്ടനാട് പാക്കേജിന്റെ കീഴിലാണ് ഈ കനാലിന്റെ വികസന പ്രവർത്തനങ്ങൾ നടക്കുക.
Photo Courtesy: RajeshUnuppally
ആലപ്പുഴ - കോട്ടയം - അതിരമ്പുഴ കനാൽ
വേമ്പനാട് കായലി‌ലൂടെ ആലപ്പുഴയിൽ നിന്ന് കോ‌ട്ടയത്തും അവിടെ നിന്ന് അതിരമ്പുഴയിലേക്കും എത്തിച്ചേരാനുള്ള ഒരു ജലപാതയാണ് ഇത്. ഈ ജലപാതയിലൂടെ ആലപ്പുഴയിൽ നിന്ന് 3 മണിക്കൂർ കൊണ്ട് കോട്ടയത്ത് എത്തിച്ചേരാം.
വൈക്കം കനാൽ
കോട്ടയത്തെ കോടിമാതയിൽ നിന്ന് വൈക്കത്തി‌‌ന് സമീപത്തുള്ള വെച്ചൂർ വരെ നീളുന്നതാണ് ഈ ജല പാത.
