യാത്രയ്ക്കിടയില് അപ്രത്യക്ഷമാകുന്ന വിമാനങ്ങളും കപ്പലുകളും... എത്ര ശ്രമിച്ചിട്ടും ചുരുളഴിയാത്ത കുറേയേറെ രഹസ്യങ്ങള്... ചെകുത്താന്റെ ചുഴിയെന്ന് അമ്പരപ്പോടെയും ഭയപ്പാടോടെയും നോക്കിക്കാണുന്ന ബര്മുഡ ട്രയാഗിൾ. എത്ര ശ്രമിച്ചിട്ടും കണ്ടെത്തുവാന് കഴിയാത്ത രഹസ്യങ്ങളുള്ള ഇവിടം ലോകത്തില് വിശദീകരിക്കുവാന് സാധിക്കാത്ത ഇടങ്ങളുടെ പട്ടികയിലാണ് ഉള്പ്പെടുന്നത്. ഇതാ ബെർമുഡ ട്രയാംഗിളിനെക്കുറിച്ച് അറിയാം
വാദങ്ങള് പലവിധം
എന്താണ് ഈ പ്രദേശത്ത് ഇങ്ങനെ സംഭവിക്കുവാന് കാരണമെന്നതിന് കാന്തിക തരംഗങ്ങള് മുതല് അന്യഗ്രഹ ജീവികളുടെ സാമീപ്യം വരെ പറയപ്പെടുന്നു. ഈ പ്രദേശത്ത് ഷഡ്ഭുജ മേഘങ്ങള് രൂപപ്പെടുന്നതും തിവ്രമായ കൊടുങ്കാറ്റ് തിരമാലകള് രൂപപ്പെടുന്നതും മീഥേന് ഹൈഡ്രേറ്റിന്റെ സാന്നിധ്യവും എന്തിനധികം ഇവിടെ കടലിനടിയില് അറ്റ്ലാന്റിക് എന്ന മായിക നഗരമുണ്ടെന്നും അതാണ് അപകടങ്ങള്ക്ക് കാരണമെന്നും വരെ ഭാവന വിടര്ത്തിയ സിദ്ധാന്തങ്ങള് ഇതിനെ ചുറ്റിപ്പറ്റിയുണ്ട്. മാത്രമല്ല, ഇവിടെ നടന്നതെന്ന് പറയുന്ന ചില അപകടങ്ങള് ലോകത്തിന്റെ മറ്റു ചില ഭാഗങ്ങളിലാണത്രെ നടന്നത്. എന്തുതന്നെയായാലും പല തിയറികളും വന്നുവെങ്കിയും യഥാര്ത്ഥത്തില് എന്താണിവിടെ സംഭവിക്കുന്നതെന്ന് ഇതുവരെയും വിശദീകിക്കപ്പെട്ടിട്ടില്ല.
ഏറ്റവും തിരക്കേറിയ കപ്പല്പ്പാത
ലോകത്തിലെ ഏറ്റവും തിരക്കേറിയ കപ്പല് പാതകളിലൊന്നായ ഇതുവഴി അമേരിക്ക, യൂറോപ്പ്, കരീബിയൻ എന്നിവിടങ്ങളിലേക്ക് നിരവധി കപ്പലുകൾ ഓരോ ദിവസവും കടന്നുപോകുന്നു. വിനോദ സഞ്ചാര കപ്പലുലുകളുടെ പാതയും വിമാനപ്പാതയും ഇവിടെയുണ്ട്.