വെറും നാല് ചുവരുകള്ക്കുള്ളില് ചരിത്രത്തെ അറിയുവാന് സാധിക്കുന്ന ഇടങ്ങള്.... മ്യൂസിയത്തെക്കുറിച്ച് ഓര്മ്മിക്കുമ്പോള് ആദ്യം മനസ്സിലെത്തുന്ന കാര്യമായിരിക്കും മിക്കഴാറും ഇത്. എന്നാല് ഇത് മാത്രമാമോ മ്യൂസിയങ്ങള്?? ഒരിക്കലുമല്ല!! വളരെ വിചിത്രമെന്നു തോന്നിപ്പിക്കുന്ന ചില മ്യൂസിയങ്ങള് ഈ ലോകത്തുണ്ട്. തികച്ചും അബദ്ധമെന്നു നമ്മള് ചിന്തിച്ചു പോയേക്കാവുന്ന തരത്തിലുള്ള ചില മ്യൂസിയങ്ങള്. ഇതാ ലോകത്തിലെ ചില വിചിത്രങ്ങളായ മ്യൂസിയങ്ങള് പരിചയപ്പെടാം...
മ്യൂസിയം ഓഫ് ബ്രോക്കണ് റിലേഷന്ഷിപ്പ്സ്, ക്രൊയേഷ്യ
തകര്ന്ന ബന്ധങ്ങളുടെയും അതിന്റെ പിന്നിലെ വേദനകളുടെും ചരിത്രത്തിന്റെയും കഥ പറയുന്ന മ്യൂസിയമാണ് ക്രൊയേഷ്യയിലെ സിയം ഓഫ് ബ്രോക്കണ് റിലേഷന്ഷിപ്പ്സ്. കലാകാരന്മാരായ ഒലിങ്ക വിസ്റ്റിക്കയും ഡ്രാസെൻ ഗ്രുബിസിക്കും അവരുടെ റിലേഷന്ഷിപ്പിന്റെ വേദനകളില് നിന്നും മോചനം നേടുവാനായി നിര്മ്മിച്ചതാണിത്. മ്യൂസിയത്തിലെ ഓരോ പ്രദർശനത്തിനും അതിന്റേതായ ഒരു കഥയുണ്ട്.
PC:Kris*M
സെൽഫി മ്യൂസിയം, ദുബായ്
ദുബായിലെ സെൽഫി കല, ഡിസൈൻ, സർഗ്ഗാത്മകത എന്നിവയെ പ്രചോദിപ്പിക്കാനും ഡിജിറ്റൽ ഉള്ളടക്കം പ്രോത്സാഹിപ്പിക്കാനും ലക്ഷ്യമിടുന്നു. 15-ലധികം പോപ്പ്-അപ്പ് സ്റ്റോറുകൾ ഓരോന്നിനും തനതായ അലങ്കാരവും മികച്ച ലൈറ്റിംഗും രസകരമായ പ്രോപ്പുകളും ഉള്ളതിനാൽ, നിങ്ങൾക്ക് പോസ് ചെയ്യാതിരിക്കാനും പുഞ്ചിരിക്കാതിരിക്കുവാനും സാധിക്കില്ല!!
ഇന്സ്റ്റന്ഡ് ന്യൂഡില്സിന്റെ ആരാധകനാണ് നിങ്ങളെങ്കില് തീര്ച്ചയായും അറിഞ്ഞിരിക്കേണ്ട സ്ഥലങ്ങളില് ഒന്നാണ് ജപ്പാനിലെ കപ്പ് നൂഡിൽസ് മ്യൂസിയം. ലോകത്തിലെ ആദ്യത്തെ ഇന്സ്റ്റന്റ് നൂഡിൽസിന്റെ ഉപജ്ഞാതാവായ മൊമോഫുകു ആൻഡോയ്ക്ക് സമർപ്പിച്ചിരിക്കുന്ന ഒരു മ്യൂസിയമാണിത്. ഇന്സ്റ്റന്റ് നൂഡിൽ വ്യവസായത്തെക്കുറിച്ചും ജാപ്പനീസ് ഭക്ഷണ സംസ്കാരത്തെക്കുറിച്ചും അവബോധം സൃഷ്ടിക്കുന്നതിനാണ് ഈ നൂഡിൽ മ്യൂസിയം ലക്ഷ്യമിടുന്നു.
PC:Avnish Rathore
ഡെസേർട്ട് മ്യൂസിയം, ഫിലിപ്പീൻസ്
മധുരപലഹാര പ്രിയര്ക്കായി സമര്പ്പിച്ചിരിക്കുന്ന മ്യൂസിയമാണ് ഫിലിപ്പീന്സിലെ ഡെസേർട്ട് മ്യൂസിയം. ഫിലിപ്പീൻസിലെ മനിലയിൽ ആണ് ലോകത്തിലെ ആദ്യത്തെ ഡെസേർട്ട് മ്യൂസിയമുള്ളത്. 12,000 ചതുരശ്ര അടി വിസ്തീർണ്ണമുള്ള ഈ മ്യൂസിയത്തിൽ മധുരമായി അലങ്കരിച്ച 12 മുറികൾ നിങ്ങൾക്ക് കാണാം. ഡോനട്ട് റൂം, മാർഷ്മാലോ റൂം, ഐസ്ക്രീം റൂം, കേക്ക് പോപ്പ് റൂം, കോട്ടൺ കാൻഡി റൂം എന്നിവ സന്ദർശിക്കാം.
PC:Ruffa Jane Reyes