Click it and Unblock the Notifications
അങ്ങനെ വീണ്ടും ഒരു വനിതാദിനം കൂടി വന്നെത്തിയരിക്കുകയാണ്. അവകാശങ്ങളെക്കുറിച്ചും സ്വാതന്ത്ര്യത്തെക്കുറിച്ചും ജീവിതത്തെക്കുറിച്ചും ഒക്കെ പതിവിലും കൂടുതല്‍ ചിന്തിക്കുകയും പറയുകയും ചെയ്യുന്ന ഒരു സമയം. നേട്ടങ്ങള്‍ ആഘോഷിക്കുകയും അര്‍ഹതപ്പെട്ടവരെ ആദരിക്കലും ഒക്കെയായി അനുകരണീയമായ പല കാര്യങ്ങളും ഈ ദിവസത്തെ പ്രത്യേകതയാണ്.
''ഇന്നത്തെ ലിംഗ തുല്യത സുസ്ഥിരമായ നാളേയ്ക്ക്'' എന്ന തീമിലാണ് 2022 ലെ വനിതാ ദിനാഘോഷം ഒരുക്കിയിരിക്കുന്നത്.
എന്നാല്‍, വനിതാദിനത്തില്‍ മാത്രം ഓര്‍ത്ത് ആഘോഷിക്കേണ്ടതല്ല സ്ത്രീകളുടെ ജീവിതം. ഒപ്പം തന്നെ ചെറുനേട്ടങ്ങളിലും സന്തോഷങ്ങളിലും ജീവിതം ആഘോഷിക്കുവാന്‍ കൂടി നാമോരോരുത്തരം പഠിക്കേണ്ടിയിരിക്കുന്നു. യാത്രകളാണ് എല്ലായ്പ്പോഴും സന്തോഷങ്ങള്‍ക്കു കൂട്ടുചേര്‍ക്കുവാന്‍ പറ്റിയ ആള്‍. പ്രിയപ്പെട്ടവര്‍ക്കൊപ്പമോ അല്ലെങ്കില്‍ ഒറ്റയ്ക്കോ നമുക്ക് യാത്ര ചെയ്യാം...ഇതാ ഓരോ സ്ത്രീയും ജീവിതത്തില്‍ ഒരിക്കലെങ്കിലും അറിഞ്ഞിരിക്കേണ്ട ചില യാത്രാനുഭവങ്ങള്‍ പരിചയപ്പ‌െടാം....
ഒറ്റയ്ക്കൊരു യാത്ര പോകാം....
പുതിയ ആളുകളെ അറിയുവാനും സമാന മനസ്കരെ പരിചയപ്പെടുവാനുമെല്ലാം തനിച്ചുള്ള യാത്രകള്‍ സഹായിക്കും. സ്ത്രീകള്‍ക്കു മാത്രമായി യാത്രകള്‍ പ്ലാന്‍ ചെയ്യുന്ന നിരവധി ഗ്രൂപ്പുകള്‍ നമുടെ കേരളത്തിലു ഉണ്ട്. അപ്പൂപ്പന്‍താടിയും ലെറ്റ്സ് ഗോ ഫോര്‍ എ ക്യാംപ് തുടങ്ങിയ ട്രാവല്‍ ഗ്രൂപ്പുകള്‍ നൂറുകണക്കിന് സ്ത്രീകളുടെ യാത്രാ മോഹങ്ങള്‍ക്കാണ് പാത തുറന്നിട്ടുള്ളത്. പുതിയ സംസ്കാരങ്ങള്‍ പരിചയപ്പെടുവാനും ഭാഷയു ഭക്ഷണവുമെല്ലാം അറിയുവാനും വിദേശത്തേയ്ക്കും തനിച്ചുള്ള യാത്രകള്‍ പ്ലാന്‍ ചെയ്യാം.
മടിക്കേണ്ട, സാഹസികരാവാം!!
പെണ്‍സുഹൃത്തുക്കള്‍ക്കൊപ്പം ഒരു ക്യാംപിങ്
നമ്മുടെ കൂടെ പഠിച്ചതോ അല്ലെങ്കില്‍ ദീര്‍ഘകാലമായി സുഹൃത്തുക്കളായിട്ടുള്ളവരോടോ അല്ലെങ്കില്‍ 'ഒരേ വൈബ്' ഉണ്ടെന്നു തോന്നുന്ന സുഹൃത്തുക്കളോടെക്കെ ചേര്‍ന്ന് ഒരു ക്യാംപിങ് നടത്തണം. നീലാകാശത്തിനു താഴെ , ക്യാംഫയറിനു ചുറ്റുമിരുന്ന് പഴയ കഥകളും പുതിയ വിശേഷങ്ങളും എല്ലാം പറഞ്ഞ് ചെറിയ ഒരു 'ക്യാച്ച് അപ്പ്' നടത്താം. ജീവിതത്തില്‍ ചേര്‍ന്നു നിന്ന, ഒരു സങ്കടം വരുമ്പോ ആദ്യം ഓടിച്ചെന്നു പറയുവാനുള്ള, സന്തോഷത്തില്‍ നമ്മളെക്കാളധികം സന്തോഷിക്കുന്ന ആ ഗ്യാംഗിനൊപ്പെം ഒരു ക്യാംപിങ് എന്നത് എത്ര പറഞ്ഞാലും തീരാത്ത വിശേഷങ്ങളിലൊന്നാവും.
ഇടയ്ക്ക് അല്പം ആഢംബരവുമാകാം
ഒന്നു പറന്നു നോക്കിയാലോ
നമ്മളില്‍ പലരുടെയും യാത്രാ ലിസ്റ്റില്‍ കയറിക്കൂടിയിട്ടുള്ള ഒന്നായിരിക്കും സ്കൈ ഡൈവിങ്ങും പാരാഗ്ലൈഡിങ്ങും ഒക്കെ. പലപ്പോഴും പേടി കാരണം വേണ്ടന്നുവച്ചിട്ടുള്ളതാണെങ്കില്‍ കൂടിയും ഒരേയൊരു തവണ ഒന്നു ശ്രമിച്ചു നോക്കിയാലോ... ആകാശത്തിലൂടെ ഭാരമില്ലാതെ പറക്കുന്ന ആ അനുഭവം എത്രയും പെട്ടന്നു തന്നെ ബക്കറ്റ് ലിസ്റ്റില്‍ നിന്നും വെട്ടാം. സുരക്ഷിതമായി സ്കൈ ഡൈവിങ്ങും ബംജീ ജംപിങ്ങും പാരാ ഗ്ലൈഡിങ്ങും നടത്തുവാന്‍ കഴിയുന്ന നിരവധി സ്ഥലങ്ങള്‍ നമ്മുടെ രാജ്യത്തുണ്ട്. സീസണാണെങ്കില്‍ വാഗമണ്ണിലും കോവളത്തും എല്ലാം ഈ സ്വപ്ം നിറവേറ്റാം.
അഗ്നിപര്‍വ്വതത്തിനു മുകളിലേക്ക് നടന്നു കയറാം
ഇന്തോനേഷ്യയിലെ ബത്തൂർ പർവ്വതം അഗ്നിപർവ്വതത്തിലൂടെയുള്ള രാത്രിയാത്രകൾ ഈ ഗണത്തില്‍ ഉള്‍പ്പെടുത്താവുന്നതാണ്.
ഹോട്ട് എയര്‍ ബലൂണില്‍ കയറാം
അധികം ബുദ്ധിമുട്ടുകളൊന്നുമില്ലാതെ പരീക്ഷിക്കുവാന്‍ പറ്റിയ യാത്രാനുഭവങ്ങളിലൊന്നാണ് ഹോട്ട് എയര്‍ ബലൂണ്‍ യാത്ര. അറ്റമിത്താത്ത ആകാശത്തിലൂടെ നഗരത്തിന്റെയും ഗ്രാമങ്ങളുടെയും അതിരില്ലാ കാഴ്ചകള്‍ ആസ്വദിക്കുവാന്‍ ഈ യാത്രകള്‍ പ്രയോജനപ്പെടുത്താം.
രാജസ്ഥാനിലെ ജയ്പൂരിലും കേരളത്തില്‍ മൂന്നാറിന് സമീപമുള്ള ചിത്തിരപുരത്തും ഒക്കെ വ്യത്യസ്തമായ ഹോട്ട് എയര്‍ ബലൂണ്‍ യാത്രകള്‍ക്ക് അവസരമുണ്ട്. തുര്‍ക്കിയിലെ കപ്പഡോഷ്യയും ഹോട്ട് എയര്‍ ബലൂണ്‍ യാത്രയ്ക്ക് പറ്റിയ ഡെസ്റ്റിനേഷനാണ്.
