മലയാളികളുടെ യാത്രകളിൽ എന്നും കൗതുകമുള്ള ഇടമാണ് കുളുവും മണാലിയും.നമുക്ക് അക്ര പരിചിതമല്ലാത്ത മഞ്ഞിന്റെ ലോകം കൺമുന്നിലെത്തിക്കുന്ന മണാലിയോട് ഇത്രയും പ്രിയം എന്തുകൊണ്ടായിരിക്കും? കുറഞ്ഞ ചിലവിൽ നാട്ടിൽനിന്നും എത്തിച്ചേരുവാൻ സാധിക്കുന്ന ഇടം എന്നതു തന്നെയാണ് മണാലിയെയും കുളുവിനെയും പ്രസിദ്ധമാക്കുന്നത്. എന്നാൽ കുളുവും മണാലിയും ചുറ്റിയടിച്ചൊരു യാത്രയായാലോ? എവിടെയൊക്കെ പോകുമെന്നോ എന്തൊക്കെ കാണുമെന്നോ ആലോചിച്ച് ടെൻഷൻ അടിക്കാതെ ആ സീറ്റൊന്ന് ബുക്ക് ചെയ്താൽ മാത്രം മതി! ബാക്കിയൊക്കെ ഐആർസിടിസി നോക്കിക്കൊള്ളും. അത്തരമൊരു കിടിലൻ പാക്കേജാണ് ഐആർസിടിസി കോഴിക്കോട് നിന്നും ഒരുക്കിയിരിക്കുന്നത്.
ടിക്കറ്റ് നിരക്ക്
യാത്രയില് തിരഞ്ഞെടുക്കുന്ന താമസസൗകര്യം അനുസരിച്ച് കംഫര്ട്ട് കാറ്റഗറി സൗകര്യത്തിലാണ് ടിക്കറ്റ് നിരക്ക് ഈടാക്കുന്നത്. സിംഗിള് ഒക്യുപന്സിക്ക് 57150 രൂപയും ഡബിള് ഒക്യുപന്സിക്ക് 44700 രൂപയും ട്രിപ്പിള് ഒക്യുപന്സിക്ക് 43350 രൂപയും ആണ്. കുട്ടികളില് 5-11 പ്രായത്തിലുള്ളവര്ക്ക് ബെഡ് ആവശ്യമുള്ളവര്ക്ക് 38950 രൂപയും ബെഡ് ആവശ്യമില്ലെങ്കില് 37800 രൂപയും ആയിരിക്കും. ബെഡ് ആവശ്യമില്ലാത്ത 2-4 പ്രായക്കാര്ക്ക് 30200 രൂപയുമാണ് നിരക്ക്.
യാത്രാ തിയതി: 04.02.2023 ന് ആരംഭിച്ച് 11.02.2023ന് തിരികെ എത്തും. മണാലിയിലേക്ക് പ്ലാൻ ചെയ്യുന്നതിന്റെ ബുദ്ധിമുട്ടുകളില്ലാതെ ഒരു യാത്ര പോകുവാൻ ബുദ്ധിമുട്ടുള്ളവർക്ക്, ഈ പാക്കേജ് പരീക്ഷിക്കാം