ആഗ്ര! പ്രണയസ്മാരകമായ താജ്മഹല് സ്ഥിതി ചെയ്യുന്ന ഇടം, മുഗള് ഭരണകാലത്തെ ചരിത്രശേഷിപ്പുകളുടെ നാട്... സ്കൂളുകളിലെ ചരിത്രക്ലാസുകളില് നിന്നും മനസ്സില് കയറിക്കൂടുന്ന ഇവിടം കാണണമെന്നാഗ്രഹിക്കാത്തവര് കാണില്ല... ഡല്ഹിയിലേക്കുള്ള പല യാത്രകളുടെയും ലക്ഷ്യം തന്നെ പലപ്പോഴും ലോകാത്ഭുതമായി തലയയുര്ത്തി നില്ക്കുന്ന ആ താജ്മഹാല് നേരിട്ടുകാണുക എന്നതുതന്നെയാണ്.
എന്നാല്, ആദ്യമായി ഡല്ഹിയിലേക്ക് പോകുന്നവര്ക്കോ, ഹിന്ദി ഭാഷ വലിയ പിടിപാടില്ലാത്തവര്ക്കോ ഒക്കെ യാത്രയിലുടനീളം പല സംശയങ്ങളും കാണാം. എങ്ങനെ അവിടെ എത്താമെന്നോ, എങ്ങനെ മികച്ച താമസസ്ഥലം കണ്ടുപിടിക്കണമെന്നോ അല്ലെങ്കില് എങ്ങനെയാണ് താജ്മഹലിലേക്കുള്ള പ്രവേശനം എന്നൊക്കെയായിരിക്കും സംശയങ്ങള്. ഒരു ഗ്രൂപ്പായി പോകുമ്പോള് ഇതൊക്കെ ഒരു പ്രശ്നമാണോ എന്നു നമ്മള് ചോദിക്കുമെങ്കിലും നേരത്തേ പറഞ്ഞ കൂട്ടര്ക്ക് ഇതൊരു പ്രശ്നം തന്നെയാണ്.
ഈ ഒരു പ്രതിസന്ധി പരിഹരിക്കുവാനായി മികച്ച ഒരു പാക്കേജാണ് ഐആര്സിടിസി ലഭ്യമാക്കിയിരിക്കുന്നത്. വെറും അരദിവസത്തില് ആഗ്രയിലെ പ്രധാന സ്ഥലങ്ങള് കാണുവാന് പറ്റിയ പാക്കേജാണിത്. വിശദമായി വായിക്കാം!!
ടിക്കറ്റ് നിരക്ക്
കംഫര്ട്ട് ക്സാസിലാണ് യാത്രാ. തിരഞ്ഞെടുക്കുന്ന വാഹനത്തിന് അനുസരിച്ചാണ് ടിക്കറ്റ് നിരക്കില് വ്യത്യാസം വരും. 1-3 വരെ പേരുള്ള ഗ്രൂപ്പിന് ഇന്ഡിഗോ/ ഡിസയര്/എറ്റിയോസ് ആയിരിക്കും വാഹനമായി ലഭിക്കുക. ഇതിന് 2600 രൂപയാണ് ഈടാക്കുന്നത്. 4-6 വരെ അംഗങ്ങള്ക്ക് ഇന്നോവയില് 3380 രൂപയാണ് നിരക്ക്. 7-12 വരെ പേരാണ് യാത്രാ സംഘത്തിലെങ്കില് ടെംപോ ട്രാവലറില് പോകാം.6300 രൂപയാണ് നിരക്ക്.
Agra Full Day Tour With Guide എന്ന ഈ പാക്കേജില് നിങ്ങള്ക്ക് ഒരു ഗൈഡിന്റെ സഹായത്തോടെ ആഗ്രയില് ദിവസം മുഴുവന് ചിലവഴിക്കാം. തിങ്കള് മുതല് വ്യാഴം വരെ ലഭ്യമായ ഈ പാക്കേജില് താജ്മഹലും ആഗ്രാ കോട്ടയും ഫത്തേപൂര് സിക്രിയും കാണാം.
കംഫര്ട്ട് ക്സാസിലുള്ള യാത്രയില് ഗൈഡ് നിങ്ങള്ക്കൊപ്പമുണ്ടാവും . തിരഞ്ഞെടുക്കുന്ന വാഹനത്തിന് അനുസരിച്ചാണ് നിരക്ക്. 1-3 വരെ പേരുള്ള ഗ്രൂപ്പിന് ഇന്ഡിഗോ/ ഡിസയര്/എറ്റിയോസ് ആയിരിക്കും വാഹനമായി ലഭിക്കുക. ഇതിന് 4000 രൂപയാണ് ഈടാക്കുന്നത്. 4-6 വരെ അംഗങ്ങള്ക്ക് ഇന്നോവയില്4650 രൂപയാണ് നിരക്ക്. 7-12 വരെ പേരാണ് യാത്രാ സംഘത്തിലെങ്കില് ടെംപോ ട്രാവലറില് പോകാം. 7570 രൂപയാണ് നിരക്ക്.